CAPCALERA: IEA-AALO

Jornalet, gaseta occitana d'informacions

Dimècres, 2 de decembre

Gerard Joan Barceló

Dimècres, 5.8.2020 03h00

Estranha monarquia, estranha Espanha


Comentaris 4 comentaris    
Dolent Fluix Bo Molt bo Fabulós (15 vòtes)
carregant En cargament


Desmembram sovent una curiositat de nòstre continent: es lo qu'a mens de republicas, e en consequéncia lo mai de monarquias: Mónegue, Belgica, Luxemborg, los Païses Basses, lo Reialme Unit, Norvègia, Suècia, Danemarc, Liechtenstein e Espanha, coma monarquias ereditàrias, e los cases particulars del Vatican e d'Andòrra, coma monarquias non ereditàrias, amb l'originalitat del país catalan d'aver coma coprince lo president d'una republica.  De segur, en general, sèm luènh de l'epòca de l'absolutisme anterior a la revolucion de 1789, e aquelas monarquias son sovent mai democraticament avançadas que fòrça republicas, coma o demòstran especialament los reialmes escandinaus.

Pasmens, se dins lo país catalan paradoxalament escaissat "principat" fòrça cèrcan ara la realizacion d'una republica, aquela revendicacion se deu comprene coma reaccion a una estranha monarquia, l'espanhòla. Durant de decennis dins tota Euròpa se lausava la monarquia espanhòla coma un modèl de reüssida: Joan Carles, totun eiretièr d'un dictator reaccionari e putschista, avián salvada la dicha "Transicion" en rebutant lo còp d'estat de 1981; sa familha pareissiá mai tranquilla que la britanica marcada per de conflictes intèrnes; aviá plan capitat lo passatge de la sorna dictatura nacionalcatolica sostenguda pel nazifaissisme a una democracia plena banhada del solelh de Castelha.

Pauc a cha pauc, ça que la, se fendasclava lo risolent imatge de la carta postala del país de las vacanças etèrnas: lo rei escandalizava en caçant d'espècias protegidas, suspreniá e mai trucava son enriquiment personal espectaclós a còps de comissions internacionalas de transaccions comercialas, se sospechava d'escàndols sexuals a son entorn e se metiá en dobte son onestetat; e lo rei aflaquit finiguèt qu'abdiquèt en favor de son filh. Prenguèt lo títol insolit de "rei emerit", coma l'èx-cardenal Ratzinger, un an abans, èra vengut "papa emerit"; aquò bastèt pas per far calar las rumors totjorn que mai precisas de corrupcion. S'anonciava una tempèsta.

Ièr-delà, l'auratge crebèt. Per fugir la justícia, mai la soïssa que l'espanhòla, l'èx-rei "se sacrificava" en partissent en exili per ajudar a son filh Felip, e aqueste non solament lo condemnava pas mas lo mercejava! Encara de pièger comprene: lo govèrn espanhòl, "lo mai progressista de l'istòria", coma o dison de longa sos partisans, coneissiá aquela partença, l'aprovava e saique n'aviá participat als preparatius. Tot un regim aparava sens autocritica un rei corromput e fugitiu! Ont an passat las valors democraticas d'egalitat davant la lei? Quin seriós pòt pretendre davant la comunautat internacionala un estat que son cap protegís la corrupcion? Se deu recordar que dins lo meteis temps se secuta per terrorisme de rapaires trufandièrs, s'enseguís d'independentistas catalans per aver fach un referendum, se daissa en preson l'èx-presidenta d'un parlament colpabla d'aver organizat un debat, dos presidents d'associacions que lor crime es d'aver cridat a manifestar, e se considèra coma los piègers enemics d'Espanha tot un govèrn regional exiliat o encarcerat?

Espanha es la sola monarquia europèa ont un rei emerit visiblament corromput a drech a las aclamacions, mentre que son filh, en octòbre de 2017, prenguèt lo poder, inadmissible dins una monarquia constitucionala modèrna, de cap de la repression, en atacant amb duresa un partida del pòble que n'es sobeiran e en refusant d'obrar per lo dialòg democratic. Estranha monarquia, l'espanhòla; estranha Espanha que, mentre qu'escrivi aquesta linhas, tròba normala aquela situacion. Estranha Euròpa, que refusa pr'amor de sos interèsses economics, d'èsser lucida sus un de sos sòcis.

Me desesperarai pas, totun. Desiri als espanhòls que comprengan la natura poirida del regim d'aquela Transicion qu'a pas jamai existit; desiri als europèus democratas qu'agachen en consciéncia çò que se passa en Espanha; desiri a mos fraires e mas sòrres de Catalonha que ganhen lèu-lèu la libertat meritada.



abonar los amics de Jornalet
 











 



publicitat
BANNER1: IEO Arièja



Comentaris

6 d'agost 10.34h

Primièr punt : nòstre cronicaire indica aicí "aquelas monarquias [europèas] son sovent mai democraticament avançadas que fòrça republicas". Perqué ? Es lo pòble el meteis que i redigís e i vòta las leis, sense passar per mariòls elegits que lo pretendon representar ?

Segond punt : nòstre cronicaire indica qu'en seguida d'elements personals ligats a unas desaviadas reialas, " s'anonciava una tempèsta"… Plan segur ! Mas, a mon vejaire, la tempèsta espetèt lo 1er d'octòbre de 2... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

5 d'agost 10.07h

#1 E marcats per lo monarquisme e/ò lo bonapartisme, qu'en realitat se compòrton dins lo meme biais (pièger?).


Valora aquest comentari:   votar positiu 15   votar negatiu 0
Respondre comentari replica Comentari inadequat   Formulari d'abús de comentari

5 d'agost 09.59h

#1 e aquò dins lo país de las dichas " valors de la republica" (liberté, égalité, fraternité) que los politicians incapables e coromputs invocan contunhosament per espotir lo pòble ( repression salvatge dels gilets jaunes) !


Valora aquest comentari:   votar positiu 15   votar negatiu 1
Respondre comentari replica Comentari inadequat   Formulari d'abús de comentari

5 d'agost 07.23h

E me desire que comprenetz que çò que se passa en Espanha se passa tanben en França e que los governaments de la Republica de dreicha coma d'esquerra son tots marcats per la corupcion.


Valora aquest comentari:   votar positiu 18   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions