Dissabte, 9.1.2021 20h30
Sès pichona e vièlha a l'encòp, nacion occitana. Sès vièlha perque aduguères a Euròpa e al Mond la lenga e la civilizacion dels trobadors, delà las rivalitats feudalas. Sès pichona perquè après tantes malaürs pauques son los que creson en tu, e fòrça que parlan ta lenga dison qu'existisses pas, qu'as pas jamai existit, qu'existiràs pas jamai.
Freula es ta lenga quasi escantida, sovent devesits los que la vòlon defendre, complèxe es ton territòri, e los que vivon al país sabon pas grand causa de tu, nacion occitana. Ont sès quand cantan La Marseillaise o issan las bandièras tricolòras?
La vertat es que sès tan pichonèla coma una lusor tremoladissa dins una nuèch sens luna ni estelas. Gaireben degun te vei pas, lusisses tan pauc que te devistam a pena. La francesa e l'espanhòla encara fanfarronejan: quina glòria celestiala d'aver bastit d'empèris, d'aver exterminat pòbles e civilizacions! Lo francés es lenga d'Africa, lo castelhan lenga d'America, e l'occitan capita pas a demorar lenga d'Occitània.
E pasmens te crenhèm. Nos fagam pas remarcar, marmusem que sèm encara aquí, e aital benlèu nos escotaràn. Los còrses tanben marmusavan, saique? Se bascos e catalans se fan ausir, es en marmusant?
Qu'es una nacion, senon la volontat d'un pòble d'existir e de s'organizar? Als autoctòns d'America del Nòrd se pòt dire que son "las primièras nacions", mas nosautres avèm pas drech d'en revendicar per nòstra tèrra? Se de còps avèm aquela audàcia, nos explican que lo nacionalisme es marrit, mas evitan d'acusar la nacion francesa: ela a drech d'existir e de nos impausar son istòria e sa lenga. Son internacionalistas quand tot es tranquil a París, Roma o Madrid.
Avèm paur de tu perque avèm paur d'existir, mas que volèm? Afortir nòstre desir de salvar e desvolopar qual sèm?
O menar a bon tèrme l'agonia que nos impausa, e que nos impausam a nosautres?
Comentaris
16 de genièr 18.18h
Adixatz , era nacion "occitana" qu'ei un miti creat e inventat arrecentament sense nada basa historica vertadèra aquera nacion n'a pas jamès etsistit per contra era Gasconha que t'iò qu'a etsistit desempuix eth an 600 de tota faiçon eth monde de nosta qu'an aderat ara nacion Francèsa e aquerò qu'ei segur .
Valora aquest comentari:
2
3
16 de genièr 13.04h
Si n'i a pas arren qui parla de nacion occitana qu'ei segur que lo monde que van en aver paur e ne seràn pas interessats!
Valora aquest comentari:
2
0
11 de genièr 05.56h
Trop abstrait, trop idéologique, trop artificiel. C'est pour ça que les gens n'adhèrent pas. Ils n'ont pas peur du tout, mais simplement, ils n'y croient pas.
Valora aquest comentari:
14
16
10 de genièr 18.53h
Mercés d'aqueste article qui hè pensar.
Valora aquest comentari:
10
3
10 de genièr 15.59h
Non. Personne en a peur, mon garçon. Personne n'en a rien à branler, c'est pas pareil.
Avec toutes mes amitiés,
Poupoule
Valora aquest comentari:
14
21
10 de genièr 10.17h
Viva la nacion gascona !
Valora aquest comentari:
6
15
10 de genièr 09.53h
Avèm paur de la nacion perque avèm paur d'existir, e d'assumir lo fait d'existir ?
Avèm páur d'afortir nòstre desir de salvar e desvolopar çò que sèm ?
Avèm páur d'èsser ?
Coma G.J. Barceló, cresi, sospèiti mailèu qu'avèm páur de morir, de nos veire morir ! Avèm páur d'endurar l'agonia que nos impausan los nacionalsitas franceses, e que nos impausam a nosautres meteisses per non nos veire pas morir, en nos imaginar viure amb los que son a n'acabar de nos tuar…
Valora aquest comentari:
17
5
9 de genièr 21.52h
Article 2 dels Estatuts del Felibritge, adoptats lo 3 de junh de 1911 :
« Lou Felibrige es establi pèr garda longo-mai à la nacioun óucitano sa lengo, sis us, soun gàubi e tout ço que coustituïs soun èime naciounau ».
Per refrescar la memòria dels felibres, dels occitanistas, e dels pseudoprovençalistas.
Valora aquest comentari:
26
0
1
Comenta
Lo comentari es estat mandat corrèctament
8 comentaris
(23 vòtes)
En cargament
8 comentaris
Mandar
