CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dissabte, 19 d'octòbre

Gerard Joan Barceló

Dimenge, 21.7.2013 03h00

Lo mite de Babèl


Comentaris 8 comentaris    
Dolent Fluix Bo Molt bo Fabulós (13 vòtes)
carregant En cargament


Totòm coneis, de segur, lo mite de la torre de Babèl. Dins lo libre biblic de la Genèsi, al capítol 11, après l’episòdi de Noè e del deluvi universal, los òmes parlan totes la meteissa lenga e decidisson de se bastir una torre fins al cèl: “Aital, çò dison, nos farem un nom e nos esparpalharem pas sus tota la tèrra” (11.4). Tot aquò agrada pas a Dieu, perque, “d’ara endavant, cap de sos projèctes serà pas fòra de portada” (11.6) e lo Senhor bota la confusion dins lor lengatge per que se comprengan pas pus (11.7). E s’escampilhan los òmes e se dividisson las nacions. Es l’origina mitica de la diversitat de las lengas.
 
Se sap que i a probable mai d’un autor d’aqueste libre, pauques son los legeires literalistas de la Bíblia que creson encara que foguèt Moïses solet. De contradiccions i son doncas possiblas, coma dins lo capítol precedent (10.5-20-31), segon lo qual los òmes parlavan al contrari de lengas distintas. Mas se nos cal absoludament trobar una coeréncia textuala, es coma se l’umanitat d’aquela epòca legendària aguèsse decidit de se fondre en un sol pòble, al país de Shinear (11.2). Fin finala, i poiriam veire una anticipacion de l’umanitat actuala, que viu de mai en mai non pas dins una torre (de còps dins de torres, ça que la), mas dins un vilatge global, amb una diversitat lingüistica e culturala que se redutz cada jorn.
 
Coma los òmes de Babèl, nos cresèm los mèstres del mond. Agotam la tèrra, polluissèm l’aire e l’aiga, vojam los oceans de sos peisses, escantissèm las espècias, e mai las mai utilas al mantenement de la vida. Nos volèm sometre la natura e la mespresam, mas ela benlèu o nos farà pagar fòrça car se las abelhas desapareisson o se s’amplifica l’escalfament del clima.
 
Coma los òmes de Babèl, sèm a nos bastir una torre, e aquesta torre es benlèu nòstra civilizacion planetària que sempre vòl créisser de contunh. Se nòstra torre cèrca de tocar lo cèl, o fa amb las molonadas d’objèctes que nos cal produire de longa per que nos afondrem pas amb nòstras economias.
 
Coma los òmes de Babèl, nos fa mestièr d’èsser umils e de nos escampilhar luènh de nòstra torre.
 
Per aiçò sèm occitanistas. Sabèm que nòstre amor de l’occitan es tanben lo de la diversitat, sens la quala las societats umanas se fan d’ufanosas torres de Babèl que nos menan cap a la mòrt.



publicitat
BANER1-2-3: DGPL AN LAFONT



Comentaris

23 de julh 20.48h

#7 Lo concèpte d'umilitat que'm va. Cap mestièr de religion tad aquò ; e mei créder en un diu qui ns'avore creats au son imatge n'ei pas la miélher debuta en tèrmi d'umilitat.
Los mites que ns'ensenhèn de qu'èram au centre de l'univèrs, la sciéncia qu'a muishat la tèrra qu'èra un granhetòt de hasin au bèth miei de pas enlòc (e lhèu quitament pas au miei senon aus estrems)…

L'òmi que s'encaborra e que s'arrapa a l'idea qu'a quauquarren de mei que non pas la rèsta deu vivent,... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

23 de julh 19.55h

#6 Probable que siam d'acòrdi. Mas parlam pas de la meteissa causa.
Anirai pas contestar un Levi-Strauss : forma elaborada de pensada... çò que m'interessa es puslèu l'usatge de l'escrich per las societats que son elaboracion. Usatge normatiu e repressiu, çò qu'es tanben una forma elaborada de pensada :-)
Manca d'umilitat de l'òme... Aquela idea me tafura un bocin mas ai de dificultats per exprimir çò que ne'n pensi...
A primièra vista, l'idea de l'umilitat de l'òme me confla : que ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

23 de julh 16.23h

#5 Pensi pas que se pòsca reduire lo mite a la problematica de la religion coma forma de poder, e Jean-Pierre Vernant e Claude Lévi-Strauss mostrèron que correspond a una forma elaborada de pensada. Los legeires auràn comprés que m'interèssa mens lo mite de la torre de Babèl en se que de perpensar a las consequéncias de la manca d'umilitat de l'òme.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

23 de julh 08.10h

I a los contes pels dròlles, los endormir e tanben lor balhar d'ensenhaments sur la vida e la societat dels òmes.
I a los mites inventats per las religions, que son de contes pels grands. Mai que d'ensenhaments sus la morala, çò que se pòt faire o pas, son subretot de discorses sul poder, e d'istòrias bèlas per legitimar lo poder.
Babel es pas sonque una istòria de lengas, es l'istòria dels òmes qu'an volgut lo saber e ja a l'epòca sabián que lo saber balha lo poder. Es un ensenhame... Legir la seguida


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

22 de julh 20.58h

#3 Òc-ben : que passi mesura. N'i a au mensh sheis qui se'n foten pas : los 6 qui avalorín lo men com'… |:)


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

22 de julh 15.32h

#1 Se'n foten pas forçadament mès saben pas coma s'i gahar.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

21 de julh 19.42h

es amusent coma 30 ans aprèp son sempre las meteissas questions, e m'imagini que vaquí 60 ans èra parier ; i a pas cap transmissions dels sabers al nivèl militança occitanista, es la granda chança de França.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

21 de julh 16.50h

Un bèth pleitei dab ua conclusion qui miralha exactament la mia filosofia, lhevat que soi un cagadiu cap e tot. Per tant ne mespresi pas los mites : que carrejan ideas e leçons de soscar — aquí un exemple.
Qu'estó tanben la religion (especiauments la deu Libe) qui digó "creishetz e multiplicatz-ve"…
Mes n'èra pas sonque un rebat de la natura umana (los khmèrs de l'edat mejana ne seguivan pas l'evangèli e que's desruín l'enviroament parièr, autanplan los rapa-nui).
A l'espècia que... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions