CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Diluns, 20 de novembre

Gerard Joan Barceló

Dissabte, 11.11.2017 03h00

Defensa de la Republica


Comentaris 7 comentaris    
Dolent Fluix Bo Molt bo Fabulós (12 vòtes)
carregant En cargament


Dempuèi lo doble eveniment istoric simultanèu e contradictòri de la proclamacion de l'independéncia pel parlament e del còp d'estat espanhòl contra las institucions catalanas, Catalonha, e la partida occitana de son territòri, Aran, patisson una situacion fòrça dura. Los Mòssis d'Esquadra, que semblèron un temps una polícia nacionala que protegissiá generalament los votaires al referendum del primièr d'octòbre, ara pareisson d'obesir sonque a Espanha, e l'eròi Trapero es estat destituit; de foncionaris catalans son obligats de redigir de rapòrts en castelhan per lors nòus supervisaires mandats de Madrid estant; lo president Puigdemont e quatre de sos ministres son constrenches a l'exili a Brussèlas per esperar de se poder aparar d'una justícia plan injusta; lo vicepresident Junqueras e d'autres sèt ministres e dos presidents d'associacions independentistas son empresonats per un delicte d'opinion, voler concretament l'independéncia catalana; ièr umilièron la presidenta elegida d'un parlament democratic, en l'encarcerant per non poder pagar sul pic una caucion inversemblantament nauta; dins la foliá judiciària repressiva espanhòla se parla nieus de denonciar en justícia de cònsols màgers que defendèron la libertat d'expression, de pompièrs que manifestèron, de professors que debatèron de la situacion politica amb lors escolans. Se i aurà una purga de l'administracion catalana en nom de la "Una, grande y libre"? Las eleccions regionalas convocadas autoritàriament e a la lèsta per Mariano Rajoy mentre que n'a pas brica lo poder constitucional auràn luòc lo 21 de decembre sens que degun sàpia s'en cas de nòva victòria independentista l'estat contunharà de suspendre l'autonomia de Catalonha, e amb l'anomalia  d'aver un lidèr sobeiranista en preson e l'autre en Belgica mas menaçat d'extradicion. En mai d'aquò, paucas son las voses internacionalas qu'aparen la libertat de Catalonha e Aran, e Jean-Claude Juncker, fach doctor honoris causa de l'Universitat de Salamanca, escond pauc sa simpatia amb la politica del Partit Popular e de sos amics. Los corromputs se donan supòrt, çò'm par.
 
Ansin es la realitat: l'independéncia de Catalonha es un procès complicat, coma aquò se podiá pensar fàcia a un Estat ni pro afeblit per cedir ni pro democrata per negociar e dialogar. 
 
Totun, non vòli pas desesperar. D'un caire, d'Occitània estant, encara vesi fòrça resisténcia d'aquel pòble que li escriguèri una letra la setmana passada. Es fòrça probable que la constatem uèi durant la granda manifestacion barcelonesa per la libertat dels presonièrs politics catalans. D'autre caire, la causa es justa: se tracta pas solament de defendre los dreches d'un pòble a la liura determinacion, puèi que s'agís tanben d'un projècte que concília de tot en tot democracia e republica. Del temps que, per nosautres occitans, França es una republica qu'a oblidat d'èsser plenament democratica.
 
Patissi, patissi cada jorn, o amagarai pas, per mos amic·iga·s, mos fraires e sòrres de Catalonha e Aran que luchan per la republica, mas obsèrvi amb interès, per tot lo territòri, l'espelida de Comitats per la Defensa de la Republica.
 
Un Comitat occitan per la Defensa de la Republica binacionala catalana e aranesa?
 
 
 


abonar los amics de Jornalet
 



publicitat



Comentaris

15 de novembre 08.42h

Òsca per lei Republicans
Nòstrei grands amics Catalans
Avètz causit lo vòstre destin
Avètz mostrat lo bòn camin
(de cantar sobre l'èr de "Here's to you")


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

11 de novembre 23.32h

Colau demana als exconsellers que donin explicacions per les seves falses promeses quan surtin lliures
(el pais)

catalunya no és ni serà mai un estat independent, això sí, és una nacionalitat cultural, al igual que el pais valencià o galiza o `pais vasc


Valora aquest comentari:   votar positiu 7   votar negatiu 18
Respondre comentari replica Comentari inadequat   Formulari d'abús de comentari

11 de novembre 22.01h

#4 Le vejaire anti-independentista se pòt pas analizar correctament e cambiar, se s'ignòra (si señor) que la populacion ispanica immigrada en Catalonha es subretot de man-d'òbra proletària, e mai eissida en grand nombre d'Andalosia e venguda a Barcelona. E aqueste monde vòtan tanplan.
La causa separatista se deu de contunhar son creis e de ganhar un brave e franc percentatge per fin d'estre incontestabla.
Amb aquò, s'agís pas de negar le problèma territorial, sifonatge fiscal e dominac... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

11 de novembre 17.19h

#2 En Catalonha, un estrangièr vengut d'Euròpa, de las Americas, d'Oceania, d'Africa o d'Asia apren lo catalan, puèi se sentís catalan. Un estrangièr vengut d'ispanofonia apren lo catalan, puèi se sentís catalan tanben. Mas un ispnofòn que se crei a çò sieu en catalonha sense far l'esfòrç d'apréner e de parlar lo catalan se sentís exactament çò qu'es, un colon irrespectuós, dominator, condescendent, merpresós e donc, non desirat…

E en Catalonha, tanben, un Occitan coma ieu ... Legir la seguida


Valora aquest comentari:   votar positiu 21   votar negatiu 1
Respondre comentari replica Comentari inadequat   Formulari d'abús de comentari

11 de novembre 11.38h

Per un CDR occitan, òc !


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

11 de novembre 09.30h

Independentisme inclusiu/exclusiu?
La question màger es de que manca a far una opinion votanta en Catalonha a mai del 50%.
Qui se sent venir un exclus o un estrangièr en Catalonha?



Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

11 de novembre 08.18h

Car Gerard Joan, escrives "mos amic·iga·s" ; auriái escrit "mas amigas e mos amics"…Mas aquò es un detalh.

Pel contengut del tieu prepaus, avèm un grand davancièr que nos escriguèt, fa plan longtemps, çò que nos demorava de far : "amassar l'aura, caçar la lèbre amb lo buòu e nadar contra subèrna" ! Es per aiçò qu'escriviái, dins mon primièr roman, que l'art naut da un uèlh. Fa plan longtemps (un pauc mens, totun !) que n'ai fait mon biais de viure e d'escriure.

E nourit ... Legir la seguida


Valora aquest comentari:   votar positiu 17   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions