CAPÇALERA2: AMICS DE JORNALET

Jornalet, gaseta occitana d'informacions

Diluns, 23 d'abril

Gerard Joan Barceló

Dissabte, 14.4.2018 03h00

Escota, Israèl


Comentaris 11 comentaris    
Dolent Fluix Bo Molt bo Fabulós (8 vòtes)
carregant En cargament


Sabètz sens dobte qu’aqueles mots son lo començament d’una famosa pregària jusieva, mas es pas a Dieu que m’adreici ara. M’adreici, en cas que nos pòscan legir en occitan (cresi fermament que nòstra lenga romança es accessibla), als estatjants de l’estat d’Israèl.
 
Es un topic occitanista de prene per modèl la recuperacion de l’ebrieu. Es verai que lo fach que tot un pòble pòsca recuperar coma lenga viva un idiòma mòrt durant mai de 2000 ans (servat ça que la coma lenga religiosa) nos pòt donar esper, a nosautres que lucham per la subrevivença de l’occitan, que sa practica sociala es talament afeblida.
 
En seguida de l’etnisme de Fontan, d’occitanistas sostenon cègament l’estat d’Israèl en nom de la doctrina “una lenga, un pòble, un estat”. Invèrsament, refusan que los palestinians, coma representants d’una nacion aràbia que caldriá unificar coma totas las nacions, tengan un estat pròpri. Alavetz, perqué non militar pas per un estat yiddish? Tanben caldriá dire que Bretanha es pas una nacion perque sa realitat lingüistica es a l’encòp celtica e romança? O que i auriá de bretons vertadièrs? O que los galofòns serián pas bretons? En nom de la fòrça rica diversitat lingüistica del país de Nehru e Gandhi, deuriam pereu admetre que la nacion indiana es pas legitima?
 
Ai longtemps donat supòrt simplament a la patz entre israelians e palestinians, e encara uèi ma motivacion es fondamentalament pacifica. Vòli que los dos pòbles tròben lo mejan de viure ensems. Qual crei de verai que seriá uman de butar de millions de personas a un exòde que foguèsse traumatic e non pas liberatòri coma l’exòde mitic contat dins lo segond libre de la Bíblia?
 
D’autre caire, me pareis d’a fons excessiu de parlar de “genocidi” e de “nazisme” a prepaus de la politica israeliana. Los nazis cercavan l’extermini de massa. Òr, la populacion palestiniana quita pas de créisser. 
 
Non, coma ja me disiá un pastor protestant rescontrat a París, lo pintre pènegre arabofòn Aimé Esposito-Farese, uèi sepelit a Montpelhièr, que practiva lo dialòg de las culturas e religions, es mai simple de comprene lo conflicte se pensam en tèrmes de colonizacion. Se, segon lo cantautor poèta canadenc Leonard Cohen, poiriam resumir aquela guèrra amb la formula “Una tèrra, doas legitimitats”, e se, pereu, desconoissi pas la realitat istorica de l’expansionisme arabomusulman, podèm acceptar l’opression d’un pòble de part d’un autre?
 
“Escota, Israèl. Creses de verai que quand vòles far taisar lo mainat palestinian, quand constrenhes de familhas a s’amolonar sus de territòris cada jorn mai reduches, quand per tu ton vesin es sonque un terrorista que s’escond, onoras la memòria de ton ancessor secutat? Pòrtas amb tu l’eiretatge de sègles d’opression, lo degalhes pas en prenent la sorna cara de l’opressor. Tu que ton relat de sortida d’Egipte èra la metafòra de la liberacion, porgís la man a l’assedat de libertat. Escota, Israèl.”
 
 


abonar los amics de Jornalet
 



publicitat



Comentaris

22 d'abril 22.06h

Le tutetjament d'Israèl sembla una adreiça biblica de Diu a son pòble, elegit naturalament té!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

19 d'abril 15.50h

#8 Un libre de tria que desmostra cossi foguèt fabricada la faula identitària dicha "roman nacional" de l'actual estat d'Israël, tan coma foguèt fabricada per la tresenca republica francèsa la faula d'una França quasi etèrna que jà existissia fa dos mila ans amb per destinat manifèsta lo centralism de Paris. Quand desmostratz la ficcion del "roman nacional" francès passètz per un traïdor, quand fasètz çò mèsma amb lo roman nacional israelian se sètz pas josiu passètz per un an... Legir la seguida


Valora aquest comentari:   votar positiu 13   votar negatiu 1
Respondre comentari replica Comentari inadequat   Formulari d'abús de comentari

19 d'abril 15.50h

#8 Un libre de tria que desmostra cossi foguèt fabricada la faula identitària dicha "roman nacional" de l'actual estat d'Israël, tan coma foguèt fabricada per la tresenca republica francèsa la faula d'una França quasi etèrna que jà existissia fa dos mila ans amb per destinat manifèsta lo centralism de Paris. Quand desmostratz la ficcion del "roman nacional" francès passètz per un traïdor, quand fasètz çò mèsma amb lo roman nacional israelian se sètz pas josiu passètz per un an... Legir la seguida


Valora aquest comentari:   votar positiu 14   votar negatiu 1
Respondre comentari replica Comentari inadequat   Formulari d'abús de comentari

19 d'abril 05.58h

"Consí le pòble jusèu fosquèt inventat"
Shlomo SAND, istorian israelian anti-sionista.

De legir una version israeliana scientifica a contra-corrent...
De que ne pensa l'auctor de l'article?


Valora aquest comentari:   votar positiu 15   votar negatiu 2
Respondre comentari replica Comentari inadequat   Formulari d'abús de comentari

17 d'abril 15.13h

"Escota Israël" , perque aquel titol ? Ont avetz vist que l'estat d'Israël escotava quauqun, foguesse un evangelista american ? Israël es un estat colonial que fa ço que li canta, qu'a fotut defora la quasi-totalitat dels estatjants originals per li raubar son país, punt. Coma o-fagueron los europencs als Indians de las Americas. D'ont benleu l'espantanta benvalença dels Estats Units per aquel estat colonizaire que practica amb bona consciencia un apartheid que ditz pas son nom. Que ne'n ... Legir la seguida


Valora aquest comentari:   votar positiu 23   votar negatiu 7
Respondre comentari replica Comentari inadequat   Formulari d'abús de comentari

15 d'abril 07.54h

#5
en tot presentar lo tèxt del PNO escrivètz ironicament "La solucion, l’epuracion etnica !"
Perque la solucion preconizada pel Hamas e una bona part de la carrièra araba "Los Josieus a la mar" es pas d'epuracion etnica ?
Los ebrieus per los apelar per lor nom ont los voletz botar ? Voletz que l'estat d'Israel venga o siaga un estat lacustre pincat sus pilotis ?
Per respondre a d'autres comentaris : un estat bi-nacional tant del costat arab palestinian coma ebrieu degun ne vòl pas. La s... Legir la seguida


Valora aquest comentari:   votar positiu 17   votar negatiu 15
Respondre comentari replica Comentari inadequat   Formulari d'abús de comentari

15 d'abril 01.32h

#3 Non pas. Lo Fontan èra partidari d’Eretz Israel en 1979. E se pòt legir dins son papièr « Tôt ou tard, tous les Arabes d'Eretz Israël devront être rapatriés dans les pays arabes sous-peuplés « La solucion, l’epuracion etnica ! http://lo.lugarn-pno.over-blog.org/la-nation-h%C3%A9breue-ou-isra%C3%ABl


Valora aquest comentari:   votar positiu 18   votar negatiu 7
Respondre comentari replica Comentari inadequat   Formulari d'abús de comentari

15 d'abril 00.13h

Una solucion utopica ? Qu'Israël venguèsse una republica laïca, tot simplament. Pensi que dins l'estat actual de las causas, dèu èsser tant utopic coma una França exagonala amb mai d'una lenga oficiala, tant utopic coma d'aiga sèca…


Valora aquest comentari:   votar positiu 10   votar negatiu 5
Respondre comentari replica Comentari inadequat   Formulari d'abús de comentari

14 d'abril 19.07h

A l'imagte d'autres nacionalismes dels sègles passats que la tòca èra de s'emancipar d'Empèris escanants, lo nacionalisma Occitan teorizat pel Fontan se basa efectivament sul principi "una lenga, un pòble, una nacion ("una nacion" se pòt interpretar coma "un Estat" dins lo contèxte geopolitc actual).

I a una condicion pr'aquò a-n'aqueste projècte : qu'auja un respècte mutuau de las nacions entre elas (e aquò, es pas ganhat).

Donc, vist que l'occitan es una lenga, l'airal d'usatge ... Legir la seguida


Valora aquest comentari:   votar positiu 14   votar negatiu 8
Respondre comentari replica Comentari inadequat   Formulari d'abús de comentari

14 d'abril 13.51h

Encara mai utopic : un estat Israelian respectuós de sa minoritat palestiniana cristiana, musulmana o ateua e un estat palestinian respectuós de sa minoritat judeua o Israeliana ateua. Los pòbles arabis an de pensar a la convivéncia futura amb de jusieus, d'ateus, d'omosexuals assumits, de femnas indépendantas. Una Palestina democrata associada a un Israèl democrat seriá un modèl per totes los païses arabis e los de majoritat musulmana.


Valora aquest comentari:   votar positiu 7   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions