CAPÇALERA: Eth Ligam occitan Youtube

Jornalet, gaseta occitana d'informacions

Diluns, 10 d'agost

Gerard Joan Barceló

Dimècres, 8.7.2020 03h00

Glotofobia? O proforafobia?


Comentaris 14 comentaris    
Dolent Fluix Bo Molt bo Fabulós (26 vòtes)
carregant En cargament


Difusat pel sociolingüista provençal Philippe Blanchet, lo tèrme de glotofobia es de mòda. Entre las reaccions a l'accent (leugièrament) gascon del nòu primièr ministre francés al libre publicat pels jornalistas basco Jean-Michel Apathie e bearnés Michel Feltin-Palas, es vengut popular de parlar de las discriminacions que las patisson los portaires d'una manièra de parlar considerada coma non referenciala. Quitament lo tanben jornalista Jean-Jacques Bourdin, fa gaire, confessèt que per son caminament professional, aviá escafat l'accent cevenòl de sas enfança e adolescéncia. 

Pasmens, me permetretz, coma ellenista, de discutir la formacion del mot glotofobia. Se compren coma la paur, e doncas l'òdi consecutiu, de la lenga (γλῶττα). Òr, me desencusaretz mas de parlar una lenga amb una pronóncia non referenciala es pas parlar una autra lenga. Sèm consents qu'aquelas pronóncias s'explican sovent per una autra lenga, siá realitat encara parlada siá simple remembre transmés entre generacions: los divèrses accents occitans sabèm plan que sortisson de las divèrsas modalitats geograficas de la lenga nòstra. Tanben se poiriá dire qu'un òme coma Philippe Blanchet es en realitat glotofòb al sens etimologic del mot: passa d'efièch fòrça temps a atacar la lenga occitana, a ne negar l'unitat en volent tresmudar lo conflicte lingüistic vertadièr francés-occitan en un conflicte imaginari provençal-occitan; tot comptat e rebatut, ajuda a la supremacia de la lenga francesa, e es glotofòb contra la pròpria lenga que pretend d'aparar.

Al fons, çò que se denóncia es pas la glotofobia mas puslèu çò qu'apelariái ieu proforafobia, la fobia de la pronóncia (προφορά), del biais de parlar, de l'accent. Òc, es lo darrièr gra de l'uniformizacion lingüistica: sèm dins un estat qu'ataca non solament la diversitat de las lengas mas, dins la lenga oficiala, la diversitat dels dialèctes, e dins la forma de referéncia, la manièra de la prononciar. Fins a aquò va l'autoritarisme lingüistic francés. 

Totun, cresi ieu que lo problèma màger es pas la proforafobia mas la glotofobia vertadièra. Me gèina que de gents sián discriminadas perque semblan de "mal parlar", mas me gèina encara mai que tantes occitans pòscan pas accedir normalament a la lenga del país. 

Defendrem pas la diversitat dels accents sens defendre la diversitat de las lengas: avètz remarcat que se d'unes se trufan de l'accent "del Sud-Oèst" del cap de govèrn francés mentre que d'autres l'aparan, pauques dison que parla catalan? Que la defensa dels "accents" siá pas lo mejan d'amagar e legitimar l'etnocidi que ne sèm victimas los parlaires de las autras lengas que la de París!

abonar los amics de Jornalet



 



publicitat
BANER1: Amics campanha covid



Comentaris

13 de julh 15.17h

#9 Mon estat civil, despuèi lo 4 de junh de 1965, que soi estat sacat dins aqueste fotut mond maldit, es sempre estat Franc, e non pas *Franck. Los meteisses documents administratius que me pretendon francés n'atèstan sistematicament.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

13 de julh 15.13h

#10 Mon car Manù, per un còp que non soi d'acòrdi amb lo DGLO, aquò se pòt senhalar…! Per ieu lo "con" designa calhòlament la vagina, a non a cap rapòrt, una vagina, amb l'èime ni cap nivèl intellectual. E dins mon escriptura, me'n tendrai aquí.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 de julh 15.53h

Ai jamai ataca degun persounalamen, ai fa que discuti d'idèio, d'analiso, de poun de visto, qu'es uno règle scientifico e moun mestié. Mai tant li a de cauvo que li fau pas touca sènso si faire trata de tout?#9


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

12 de julh 15.15h

Adiéu bràvi gènt, 'scusa-mi se m'engàni! :-) Quàuquei pichounei cauvo, mi pènsi que poudrés legi moun prouvençau que mi fa plesi de lou parteja 'mé vautre: 1. Le terme glottophobie désigne toute forme de discrimination de personnes ou de groupes à prétexte linguistique, mai lei journalisto assajon de lou limita à "l'acènt" qu'acò enfeto en Franço de vèire prouclama lou dre d'emplega sa lengo mume dicho "regiounalo". Pèr uno definicien preciso e argumenta... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

9 de julh 22.22h

#7 Amic Franc,
Me soi permés de verificar dins lo diccionari de l'Academia:
"con adj. e n. m. con (injure) veire: colha"
Tè! S'avèm de cons coma vesins los podèm dire "colhas" tanplan, sens èsser sexista (d'un biais o d'un autre).
D'autra part, lo meteis diccionari de l'Academia cita qualques expressions demèst las mai conegudas: "con coma la luna, con coma un panièr traucat, con coma una armèla, con coma una banasta, con coma una bleda, con que vira". L'occitan es productiu!
Cresi ... Legir la seguida


Valora aquest comentari:   votar positiu 8   votar negatiu 3
Respondre comentari replica Comentari inadequat   Formulari d'abús de comentari

9 de julh 16.22h

#7 Franc ("Franck") Bardòu, pausatz la question: qual es Philippe Blanchet?
Es qualqu'un que tròba que Dominique ("Domergue") Sumien e son "policentrisme" es ja una "normalizacion" colpabla e nacionalista, uniformizatritz a l'excès, e qu'es aguerrit dins l'art de las atacas ad hominem pauc academicas...
Vos daissi imaginar çò que pensariá de "l'Academiia Occitana" de que ne fasètz çains pro frequentament l'elògi... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

9 de julh 13.40h

https://perso.univ-rennes2.fr/philippe.blanchet

#7 "Qué li es reprochat, exactament ? Vòta a dreita ?":
https://alt-rev.com/2020/03/26/main-basse-sur-luniversite-de-philippe-blanchet/
https://www.initiative-communiste.fr/articles/culture-debats/universitaires-la-fin-de-lindependance-par-philippe-blanchet/


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de julh 10.35h

#1 Perqué pensas que P. Blanchet "aima pas la lenga occitana" ? Non la parla pro sovent ? Lo darrièr còp qu'ai frequentat lo mond universitari, los que m'i parlavan en occitan èran dos alamands, una japonesa, un vièlh escrivan d'òc e, mai que mai, los estudiants e los cercaires mai joves, generalament encara doctorants… Vai-te'n saber perqué. Ma perplexitat i èra fòrta, coma la dels personatges pricnipals dels racontes de'N Florian Vernet. Mas s'es aquò lo "problèma de F. Blanchet"... Legir la seguida


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

8 de julh 21.32h

#4 Cresiai que l'insulta èra fòrabandida sus Jornalet.


Valora aquest comentari:   votar positiu 9   votar negatiu 3
Respondre comentari replica Comentari inadequat   Formulari d'abús de comentari

8 de julh 15.33h

Plan perda es qu’aquel mond occitaniste siòsquessa pas tant afiscat per trobar los mots que nos fan sofracha d’en pertot, dins tot domèni

Los entomaires de càfi an la vida polida !

Un briu d’estrambòrd auriá estat de flor per revirar de per tsemple, çò çai-jos.

https://le-shift.co/effectuation-principes-essentiels-agir-entreprendre-monde-incertain/

Crèsi que podèm far rasclet, aqui coma endacòm mai.

Coma ça disiá la mairina : "Ajocat d'un jorn, acimerlat de totjorn".


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions