CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dimars, 20 de novembre

Gerard Joan Barceló

Dissabte, 20.10.2018 03h00

Letra al president Carles Puigdemont


Comentaris 5 comentaris    
Dolent Fluix Bo Molt bo Fabulós (13 vòtes)
carregant En cargament


Fòto oficiala del president Carles Puigdemont




Etiquetas
barceló, Catalonha, puigdemont, republica

Sénher President,

Que òc, vos disi "president": contràriament a las pretensions espanhòlas, ailàs seguidas per la radiotelevision publica catalana, que l'esglàsia, que l'espaventa la repression, sètz lo president legitim de Catalonha. E o sètz dos còps: primièr perque vòstra destitucion foguèt arbitrària, e segond perque, se lo president del Parlament de Catalonha aguèsse agut mai de coratge, seriatz restituit plenament a aquela foncion dempuèi de meses.

En realitat, es pas lo primièr còp que vos escrivi, president Puigdemont. Fa qualques ans, sollicitèri de la presidéncia de la Generalitat son supòrt a Jornalet, coma responsable d'una associacion occitana que milita pel finançament d'aqueste mèdia que bensai sètz a legir. Me respondèretz pas dirèctament, mas las subvencions arribèron, e devi exprimir a las autoritats catalanas ma reconeissença. Sens las subvencions catalanas, Jornalet poiriá pas existir, uèi lo jorn.

Estranha es la vida: lo primièr còp, vos escriviái en catalan per una demanda occitana, e ara vos fau una letra en occitan, mas coma catalan de còr. Catalan perque parli vòstra lenga. Catalan insular per mas originas. Catalan continental perque aimi dins vòstre país qu'es tanben mieu fòrça mond.

Fa un an, m'indignava la repression policièra de votaires a un referendum, las menaças del govèrn e dels partits espanhòls, l'indiferéncia davant la manca de democracia espanhòla. Mas m'esmoviá l'esperança ingenua d'una independéncia rapida, quasi immediata de Catalonha, amb la possibilitat que l'occitan, oficial en Catalonha e Aran, foguèsse tornarmai la lenga d'un Estat. Mon còr batiá al ritme d'un pòble en lucha per sa libertat.

Mas m'enganavi. Cèrtas, dempuèi un an, i aguèt de victòrias: Espanha judiciàriament descreditada per las non-extradiccions de Belgica, d'Alemanha, d'Escòcia o de Soïssa, los resultats del 21 de decembre, malgrat las umiliacions e pressions espanhòlas. Mas lo pes del cinisme e de l'arrogància bòrnia, los empresonaments injustes, los exilhs forçats son d'amaras desfachas.

President Puigdemont, jamai non serai amb los que cèrcan de devesir l'independentisme en opausant la dolor de la preson a la de l'exilh. Vòstra aparenta libertat europèa n'es pas, podètz pas tornar dins lo país que i avètz consagrat bona part de vòstra vida. Los vòstres son luènh de vòstras abraçadas, e cada jorn vos deu arrapar lo languiment del país e dels qu'aimatz.

President Puigdemont, per tan malsegur que paresca l'orizont, vos demandi de gardar coratge. Pòrti amb ieu la fe dels que pensan que las causas justas finisson que vençon, e que non se pòt garçar, trufar, rire d'un pòble que se vòl liure. Umilament, vos acompanhi dins vòstra lucha perque sabi qu'es la d'una nacion qu'es miá. Fermament, vos acompanhi per que fagam ensems la republica catalana que desiri pereu aranesa, un pauc occitana.

Vos mandi una abraçada que compensarà pas las que trobatz de manca, cada jorn e cada nuèch que luchatz.

Visca Catalonha e la libertat!


abonar los amics de Jornalet



publicitat



Comentaris

29 d'octòbre 17.32h

Sempre el País al cor, i la Pàtria.
El President ho fa be, crec que això no durarà i que finalment ho aconseguirem, aviat ningú creurà als ispans, i que faran llavors? Que diran als seus per altre banda tant enganyats? I que no em foten pena.
Temps, però igual que Cat., Occitània, Euskalerria, etc. serem lliures, segur.
Quan temps han durat els mals imperis? Poc oi? Doncs aquests també.
A totes i a guanyar!
Visca la Terra...Lliure!
L'Ernest, "El Tàrrega".


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

20 d'octòbre 10.00h

Sosten affectiu...
Manca un sostèn massís popular per via de peticion, firmada dab menaires d'opinion, autoritats de consciència, personalitats connoscudas...en rappòrt a la libertat d'opinion e de determinacion.
Cal tornar ronçar quicòm...


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

20 d'octòbre 09.05h

Mon paubre Grerard, pura, pura, pura,
Quò es lo mestier que rentra.
Perque an assassinat J.F. Kennedy si quò era pas per i botar un vice-president pus obeissent a la mafia?
Perque lo governament angles es per lo Brexit e a ren fach per surtir l'Angleterra de l'Euròpe?
Perque an remplaçat lo cap d'estat d'Espanha si quò era pas per offrir a l'Espanha una pòrta de surtida mai correctament politica?
Mas perqué, perqué,perqué....
si quò es pas per manipular dins las nautas esfèras?
Se... Legir la seguida


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

20 d'octòbre 09.05h

Mon paubre Grerard, pura, pura, pura,
Quò es lo mestier que rentra.
Perque an assassinat J.F. Kennedy si quò era pas per i botar un vice-president pus obeissent a la mafia?
Perque lo governament angles es per lo Brexit e a ren fach per surtir l'Angleterra de l'Euròpe?
Perque an remplaçat lo cap d'estat d'Espanha si quò era pas per offrir a l'Espanha una pòrta de surtida mai correctament politica?
Mas perqué, perqué,perqué....
si quò es pas per manipular dins las nautas esfèras?
Se... Legir la seguida


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

20 d'octòbre 02.23h

Emocionat per les seves paraules, us abraço a tots dos.


Valora aquest comentari:   votar positiu 17   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions