CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 20 d'agost

Gerard Joan Barceló

Dissabte, 12.1.2019 03h00

Letra al vicepresident Oriol Junqueras, presonièr politic catalan


Comentaris 4 comentaris    
Dolent Fluix Bo Molt bo Fabulós (12 vòtes)
carregant En cargament


Retrach oficial d'Oriol Junqueras (2016)
© Version catalana de Wikipèdia




Etiquetas
Barceló, Catalonha, Junqueras, PresonièrsPolitics, Resisténcia

Sénher vicepresident,

Espèri que me saupretz pas mal se vos disi "vicepresident": per ieu, sètz encara lo vicepresident d'un govèrn qu'Espanha podiá pas destituir. Exerciguèretz amb los vòstres lo drech fondamental d'autodeterminacion, e aquel mes d'octòbre de 2017, l'estat borbonós empachèt pas qu'una nacion anèsse votar sa libertat. Espanha perdèt sa legitimitat sus Catalonha.

E l'a pas recuperada en vos bandissent en preson coma sola responsa a son incapacitat de trobar una solucion a la pèrda de Catalonha. Vergonha a qui govèrna solament amb la menaça e la fòrça armada, amb la paur e l'injustícia, perque non pòt pas daverar l'aprobacion del pòble! Sortit d'un pòble victima de l'Istòria, l'occitan, vos soi naturalament o, melhor dich, culturalament solidari.

Vicepresident Junqueras, sèm crestians totes dos, vos catolic e ieu protestant. Coma posatz dins la pregària la fòrça d'endurar la càrcer, e de vos sentir mens solet luènh dels qu'aimatz, prègui que s'acabe vòstre ignominiós empresonament. Tanben vos compreni quand avertissètz de tombar pas dins l'atrapa de l'òdi de l'enemic, coma convidava de o far lo subrebèl Presic de la Montanha. Jamai non se pòt ganhar qué que siá se nos fasèm pièger que nòstres adversaris. E riscam de far pensar per injust nòstre just combat e de pèrdre nòstra arma (ànima).

Totun, desiri que lo besonh de servar nòstra arma nos desarme pas. Se vos vòli liure d'abraçar coma volètz vòstra familha e vòstres amics, cresi fermament qu'aquela libertat que vos ameritatz arribarà pas se lo camp independentista renóncia a sos objectius amb l'idèa qu'Espanha, còp sec, escotarà pas pus sos demònis autoritaris sens que luchetz. L'independéncia, l'avètz ganhada, malgrat la repression espanhòla que cèrca de far creire qu'avètz perdut. Conscient que lo camin de la liberacion pacifica es sempre long, coma o mostrèron Gandhi e Luther King, demandi a las fòrças independentistas de restar determinadas e d'evitar la temptacion desonoranta del renonciament qu'alonhariá per longtemps la possibilitat de justícia e de libertat. Seriá terrible d'oblidar los dos milions de catalans que o risquèron tot lo 1r d'octòbre de 2017, e encara mai terrible de vos sacrificar amb los autres presonièrs e exilhats sus l'autar de la coardiá. Occitan e catalan a l'encòp, me soi per exemple registrat al Conselh per la Republica, e compreni pas gaire que los partits diches independentistas semblan de mespresar aquel valent organisme coma mesprèsan tanben l'accion unilaterala, per tan costosa que siá. Illegitima en Catalonha, Espanha es ara una poténcia ocupanta. E totas las ocupacions se devon acabar un jorn.

Vicepresident Junqueras, luchi e lucharai amb vos e vòstre pòble qu'es tanben mieu.

Una abraçada frairala.








 



publicitat
BANER1-2-3: DGPL DICTADES



Comentaris

13 de genièr 09.53h

#1 Resistir esprimièr resistir al mal. E se la violéncia es un mal, vesi pas ont se pausa un problèma se prenent una mornifla del costat dreit, de la part del mal, paras alavètz la gauta esquèrra en resistissent tot bèl just al mal, un mal en qué consistiriá mailèu de ficar al tieu torn una mornifla a l'amòri (de mont fòrt ?) que l'a t'auriái ficada.

1) Una causa es de resistir politicament a una fòrça obscèna e ridicula (lo faiscisme, lo racisme, lo capitalisme) ; l'apelarai, ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

12 de genièr 08.00h

Quand te prènes una bofa, appara l'autra gauta ! Aquò's pas la leiçon del sermon?
Consí le crestian concilia resistència e cresència?
Amb'aquò, s'es pas un obstacle a la resistència, rai!
Las gents son plus bravas que las cresèncias...


Valora aquest comentari:   votar positiu 0   votar negatiu 7
Respondre comentari replica Comentari inadequat   Formulari d'abús de comentari

12 de genièr 08.00h

Quand te prènes una bofa, appara l'autra gauta ! Aquò's pas la leiçon del sermon?
Consí le crestian concilia resistència e cresència?
Amb'aquò, s'es pas un obstacle a la resistència, rai!
Las gents son plus bravas que las cresèncias...


Valora aquest comentari:   votar positiu 0   votar negatiu 7
Respondre comentari replica Comentari inadequat   Formulari d'abús de comentari

12 de genièr 08.00h

Quand te prènes una bofa, appara l'autra gauta ! Aquò's pas la leiçon del sermon?
Consí le crestian concilia resistència e cresència?
Amb'aquò, s'es pas un obstacle a la resistència, rai!
Las gents son plus bravas que las cresèncias...


Valora aquest comentari:   votar positiu 0   votar negatiu 7
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions