CAPÇALERA2: AMICS DE JORNALET

Jornalet, gaseta occitana d'informacions

Dimenge, 19 d'agost

Gerard Joan Barceló

Dissabte, 9.6.2018 03h00

Libertat, escrivi ton nom


Comentaris 9 comentaris    
Dolent Fluix Bo Molt bo Fabulós (8 vòtes)
carregant En cargament


Libertat, Corsega, Resisténcia

Disc dels cants de libertat interpretats pel cantautor còrs Antoine Ciosi
© Napster




Los occitans noirits coma ieu de cultura francesa auràn reconegut amb lo títol lo començament d'un famós poèma de Paul Éluard, escrich dins lo contèxt de la resisténcia a l'ocupacion nazi. Los catalans saupràn que lo poèta francés l'abandonèt sa musa Gala, que se maridèt puèi a Salvador Dalí.

Sovent pensi a mos rèire-oncles argerians d'origina malhorquina, Joachim e Wilfried -nom estranh per un filh de malhorquins, saique-, que luchèron totes per lor ideal de libertat. Wilfried moriguèt jove, mas coma ciutadan del país ont èra nascut e que se decidissiá pas a quitar; Joachim el aguèt de se n'anar viure a Marselha, quand lo regim nacionalista arabi èra vengut tròp dur pels europèus. Aguèron pas lo meteis destin, mas se volguèron liures, e avián comprés la realitat coloniala.

Los occitans nos vesi maites còps devesits, mas nos cresi portaires de libertat.

Volèm èsser liures de parlar e escriure nòstra lenga ont que viscam en Occitània. Volèm que nòstres mainatges decidiscan qual son, que pensen lor istòria e lor cultura, e non pas que seguiscan sens chifrar la non-pensada impausada de París estant dins de gabinets ministerials o de conselhs d'administracion d'entrepresas.

Necessàriament, sèm antiautoritaris, perque es un estat bonapartista, doncas autoritari que nos impausa sa lenga, son accent, son economia, sos interèsses que desertifican nòstras campanhas, vuèjan nòstres vilatges, encerclan nòstras vilas de laidas e unifòrmas zònas comercialas, o barran nòstras estacions ferroviàrias per que de París estant siá mai facil d'anar a la mar o a la montanha.

Cèrtas, çò me diretz, i auriá pas una contradiccion nòstra que nos menariá a bastir un autre estat que copiariá França, los Estats Units o l'URSS? I auriá pas una contradiccion nòstra se cercàvem d'impausar nòstras valors e nòstra cultura a una societat que las parteja pas pus?

Devèm pensar a aquelas possiblas contradiccions, per defugir las errors que ne sèm victimas nosautres. Totun, portam amb nosautres l'amor del país que i sèm, e perque l'aimam, volèm que decidisca delà un òrdre economic devastaire que nos despossedís a totes de nòstra istòria, de nòstra cultura, de la realitat sociala de nòstres territòris, de nòstres ligams amb nòstres vesins. A l'impersonala piramida que nos desira consumaires, e sonque consumaires, opausam de cercles jonches a d'autres cercles, de vesinanças que trabalhan ensems.

Libertat, escrivèm ton nom; Occitània, escrivèm ton nom.



publicitat



Comentaris

11 de junh 23.29h

Volèm èsser nosautres a nòstra ! Naturalament...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

11 de junh 20.40h

#7 òc, hòrt beròi conde. Per jo aquera libertat que m'arribè drin a drin a mesura que hasi mia lo gascon e qu'ua identitat e's hargava au dehens de jo, qu'alandava e enradigaçava en medish temps la mia identitat sancèra. Qu'ei la diferéncia enter libertat e libre arbitre dont parlavi. Bessè qu'arren n'escad shens causa, o au mensh causas enclinantas, mes aquò n'empacha pas de poder estar libre per'mor que'ns podem desalienar, parar las enganas, e créisher.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

11 de junh 19.07h

A prepaus de libertat. Me remembri d' un sentiment estranh que me tombèt sus la clòsca coma una evidència , un còp arribat a Paris ont trabalhèri dotze ans. Cal dire qu'èri un brave francés de 20ans, jacobinaire sens vergonha, completament formatat per l'escòla del "cocorico". N'i èri pas preparat. Mas coma se ditz lo maridatge se faguèt pas. Pr'aquò cavaleri de pertot, per festejar e veire lo monde qu'esclairava lo monde, del baloard sant Germain, a la Coupole, de la plaça del Tert... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

10 de junh 22.29h

Alien
Polit article.
La desalienacion de l'umanitat passa de per la consciéncia de sos déterminants materials.
Per quant à l'òme occitan, es vengut un alien, çò es un estrangièr interior.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de junh 20.30h

#3 serious que counhounės libertat dap libre-arbitre. Lou libre-arbitre qu'éy la capacitat de hà choès de biach aoutounom, la libertat que pot abé nh'autes definicioûs, pr'exemplė en ço de Nietzsche oun se realisam la nouste boulentat de puchance qu'èm librės. Ou en ço de Schopenhauer per qui e'ns poudem liberà dou boulė qui'ns hè malurous


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

9 de junh 18.09h

#3 lou toû sicap que'ns mie dinc aou suicidi. Umâs, n'escotit pas aquere bouts de la flaquère d'exisistà. Parlà outsitâ qu'éy ûe grane santat, n'arrespoun a pas nat besougn d'aquet moundė fatigat, qu'éy està dansà capsus lou boéyt dou nihilisme ! Dansat la borrèye, siit lous umâs de doumâ!


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

9 de junh 16.37h

Libertat ? Libertat de far qué ? Se soi liure, siá disent qu'o soi estant que "fau çò que vòli"… Mas çò que vòli, despuèi soi liure d'o voler o pas ? M'o tròbi voler, aquò's tot. Respond a de besonhs, fisics, psiquics, los dos a l'encòp, besonhs que non decidissi de ges de biais. E mai subre un plan cultural, se "fau çò que vòli", d'una part "dins la mesura que non pausi problèma los autres en o fasent" (a mens que vos faga un fotut psicopat o un pegàs de tria) e, d'autra par... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

9 de junh 13.31h

Escriure "Libertat" es un esarcice poetica, resulta d'una desirança fonsa e fòrta.
Voldre la "Libertat" emb de la bastir ensems : aquò's quicòm mai.
La lei dau mercat, de la moneda, dals profièchs s'empausa als politicians venduts e encara mai als pòples.
Tant que i aurà de sectors d'activitat pro engardats de las refòrmas e dau mònta-davala economica ; tant que i aurà de monde per cranhir de perdre son confòrt materiau de borgés (e pas res mai après eles !), creseguetz pas de veir... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

9 de junh 03.40h

La libertat que chourrère per la nouste lenque, ûe musique qui denote dap la melodie d'aquet moundė que describes. Û gay, ûe briaguère chens raciounalitat per et, chens rasoû d'està, librė!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions