CAPÇALERA: Eth Ligam occitan Youtube

Jornalet, gaseta occitana d'informacions

Dijòus, 13 d'agost

Gerard Joan Barceló

Dimècres, 18.3.2020 03h00

Lo virus rei e la revolucion


Comentaris 3 comentaris    
Dolent Fluix Bo Molt bo Fabulós (8 vòtes)
carregant En cargament


Estranha epòca nòstra. Un virus es coronat e sembla d'èsser lo rei del Mond. Una creatura microscopica, que sabèm pas clarament s'es viva o non, capvira nòstras costumas jornadièras, tomba las economias mai fòrtas, separa las familhas e las amistats, virtualiza nòstras comunicacions, redutz al non-res nòstre besonh de contactes fisics e de vida sociala.

La revolucion que pareissiá impossibla a nòstres esperits resignats, la provòca un microorganisme que sa sola ideologia es de se reproduire a partir de nòstras cellulas umanas.Se barra las frontièras e los dirigents mai liberals se tresmudan en partisans de l'intervencionisme estatal.

Confinat coma totes mos compatriòtas occitans, cresi qu'aquel minusculeton virus sobeiran dona rason a las mespresadas idèas de qualques unes. Lo capitalisme pòrta lo caos, amb sa filha la mondializacion liberala, e las gestions fin finala pietadosas de l'epidemia per Roma, París e Madrid, nos convidan a pensar a nòstre espaci que d'unes voldriam senhorejar. Voldriam decidir un modèl economic just mas sòbri, sostenible e duradís. Nos voldriam governar, e non pas que nos governèsson de poténcias qu'en realitat nos pòdon pas comprene perque nos an volgut anequelir. Mentre que los dirigents dels estats fan vejaire de se trachar dels desfises urgents que menaçan l'existéncia de la vida, los cambiaments environamentals, economics e socials los volèm aicí e ara, dins nòstre uèi que se vòl un deman possible.

Jamai, cada matin, non aviái ausit a cantar tan clar los aucèls. 



abonar los amics de Jornalet

 


 



publicitat
BANER1: Amics campanha covid



Comentaris

19 de març 07.45h

Se barra las frontièras e los dirigents mai liberals se tresmudan en partisans de l'intervencionisme estatal. Òc ben. Mas… las intervencions de l'estat, per ajudar las entrepresas, amb quin argent las pagarà ? Cal far pagar los jogaires de casino qu'escomesan en borsa sòmas faraonicas presas a l'economia reala, la dels nòstres trabalhs, per especular en borsa. Quand ganhan, tot çò ganhat es per eles. Quand pèrdon, es a nosautres — "los estats" — de pagar. Aquela eng... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

18 de març 20.15h

#1 E tanben racista pr'amor que vòl pas anar en Africa


Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

18 de març 09.15h

Es un virus capitalista ?


Valora aquest comentari:   votar positiu 2   votar negatiu 7
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions