CAPCALERA: VILA DE TOLOSA
CAPÇALERA2: IEA-AALO

Jornalet, gaseta occitana d'informacions

Dimars, 20 de novembre

Gerard Joan Barceló

Dissabte, 18.8.2018 03h00

Mobilizacion generala per la premsa occitana!


Comentaris 18 comentaris    
Dolent Fluix Bo Molt bo Fabulós (17 vòtes)
carregant En cargament


Lo barrament de La Setmana es estat traumatic pel movement occitan. 23 ans de valenta activitat de Vistedit avalida per l'incomprensibla decision de personas que lor avèm pas balhat aquel mandat, e que vòlon privilegiar l'ensenhament en oblidant qu'una lenga en perilh a de besonh de publicacions infantilas e de mèdias per existir. E mai l'ensenhament a de besonh de mèdias perque (e ara parli coma ensenhaire) nos fa mestièr la produccion de documents autentics per nòstres escolans! En mai d'aquò èra lo sol setmanièr en lenga occitana. Un jornal coma Jornalet lo poirà pas jamai remplaçar, pr'amor que Jornalet es en linha, non pas en papièr, e mai que mai pr'amor que lo quotidian e lo setmanièr son pas brica los meteisses formats jornalistics. Lo quotidian seguís o ensaja de seguir lo ritme de l'actualitat; lo setmanièr prepausa d'articles de fons.

Non sabi pas s'un autre setmanièr apareisserà lèu, mas mentretant, me pausi la question de nòstra capacitat d'engatjament. Per las manifestacions per l'occitan, l'occitanisme revendicava unes 20 000 manifestants. Òr, i aviá, çò'm par, 800 abonats a La Setmana, e fòrça mens a Plumalhon e Papagai. Ont an passat aqueles 20 000 manifestants? Ont passan los escolans d'occitan e los calandrons? Èra impossible de trobar 2000 abonats a La Setmana? 

Nòstra capacitat d'engatjament es la clau. Es evident que l'administracion francesa nos donarà un sosten fòrça tebés, e sovent se mostrarà indiferenta. Se desiram, per ansin, que lo "governem-nos" siá possible, es necite qu'oblidem pas tanben lo "mobilizem-nos", condicion de l'indispensable "organizem-nos".

Jornalet a pas la meteissa edat que la paura Setmana. 6 ans. 6 ans qu'an considerablament aumentada la preséncia de l'occitan sus Internet. Mas desconeissèm pas l'avenidor, e aqueste pareis fragil. Après lo silenci forçat de La Setmana, voldriam tanben lo de Jornalet? Jornalet a l'astre d'aver lo sosten de fidèls e generoses legeires, e pereu de la Generalitat de Catalonha e del Conselh General d'Aran, un supòrt que basta pas a respondre a las necessitats de nòstre mèdia ("nòstre" inclusiu, de tot segur, e m'es de grèu que las lengas indoeuropèas destrien pas entre lo nosautres inclusiu (ieu + tu) e lo nosautres exclusiu (ieu + un autre, mas pas tu). Totun, la situacion politica, malsegura, pòt cambiar lèu-lèu en Catalonha e Aran, es pas una garentida absoluda.

Vos fau doncas la crida que nos mobilizem totes per sosténer la premsa occitana, Jornalet, de tot segur, mas tanben Aquò d'Aquí, per exemple, e mai aja un ritme de publicacion desparièr e una tòca diferenta, menar a l'occitan a travèrs d'un bilingüisme amb lo francés. Mas tanben las ràdios e las projèctes televisius, que, quins que sián lors finançaments, lor cal un public occitan regular per refermar lor posicion.

O disi net e clar: quitem de plorar e mobilizem-nos per la premsa occitana!

Perque jamai non acceptarem que la lenga nòstra se taise.





abonar los amics de Jornalet
 



publicitat



Comentaris

29 d'agost 17.10h

No us rendiu, passen coses que no sabeu.
La premsa Occitana no pot defallir, encara que crec que al Jornalet ha canviat quelcom, hi han coses massa estranyes.
La Premsa no pot defallir i es la capacitat d'enganxar al gent el que la farà gran, si el missatge arriba tot anirà be.
No pareu sempre endavant, i no us rendiu mai.
Visca la Terra...Lliure!
L'Ernest, "El Tàrrega".


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

20 d'agost 06.43h

#15 òc ben òc ben as razon. Es coma Marilyn o Marylin ...me cal averigar tot e còp .
Aquò dich n'en damora de tot biais un punt G. :-).

Mas aqui es pas lo fond del problema.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 d'agost 05.54h

Premsa occitana / Occitan dins la premsa mieijornala
La crise generala de la premsa escriuta tòca inevitablament la premsa escriuta occitana, e se tradutz en'na concentracion e virada cap al format numeric.
Le contengut de la Setmana poiriá vèner un supplement setmanal als jornals tot-francés. Demòra la remuneracion dels jornalistas; economicament, aiçò depend de l'interès dels legeires, qu'es pagellable.
Insuffisència de legeires e d'ajudas publicas en corollari, se resòlvràn pas e... Legir la seguida


Valora aquest comentari:   votar positiu 0   votar negatiu 3
Respondre comentari replica Comentari inadequat   Formulari d'abús de comentari

19 d'agost 21.00h

#14 Euh ...Es Godwin (anem un drin de cultura, quitament se es Wikipedia)
https://fr.wikipedia.org/wiki/Loi_de_Godwin


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

19 d'agost 19.07h

#13 Paure gat vai
crèsi qu'a tocat lo punt Goldwyn


Valora aquest comentari:   votar positiu 3   votar negatiu 7
Respondre comentari replica Comentari inadequat   Formulari d'abús de comentari

19 d'agost 18.30h

#10 https://www.youtube.com/watch?v=mmyAlkhcpco


Valora aquest comentari:   votar positiu 10   votar negatiu 5
Respondre comentari replica Comentari inadequat   Formulari d'abús de comentari

19 d'agost 18.27h

#10 Avetz dich çò que calia diser !


Valora aquest comentari:   votar positiu 2   votar negatiu 10
Respondre comentari replica Comentari inadequat   Formulari d'abús de comentari

19 d'agost 18.19h

Mercés Joan,de vertat que la premsa occitana a mestier d'ajuda

Sabi pas se me cal riser o plorar de veire que tant colhardisas viran encara... Nha nha nha dialecte, nha nha nha parlan pas/escrivan pas coma cal, nha nha nha parlan de causas internacionala pusleu que de parlar de la serada apitada pel Cercle Occitan de "traòc del cuòl del monde" lo vilatge al costat del mieu onte i'avia 4 personas e la quita Gertruda que per tant sortis pas jamai de l'ostal e que parla un occitan "tentic... Legir la seguida


Valora aquest comentari:   votar positiu 7   votar negatiu 7
Respondre comentari replica Comentari inadequat   Formulari d'abús de comentari

19 d'agost 17.51h

Las dificultats de la premsa occitana vénon , me sembla, de tres causas principalas :
-la pluralitat dels dialectes : ieu me regali de legir, per exemple, dins Jornalet, la cronica de Laurenç Revèst, e mai lo niçard siague plan diferent de mon parlar, mas ai agut l'occitan per lenga mairala, l'ai parlat tota la vida, de còps, al trabalh, ambe de monde d'autre dialècte, lo legissi dis totis dialèctes e grafias, mon son sol meriti, aquí dedins, es d'èsser vièlh. Me figuri las dificulta... Legir la seguida


Valora aquest comentari:   votar positiu 7   votar negatiu 11
Respondre comentari replica Comentari inadequat   Formulari d'abús de comentari

19 d'agost 13.44h

#8


Provèrbi : (eissit de la tireta de la mairina)

Denèc de realitat es pièger que realitat !


Valora aquest comentari:   votar positiu 1   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions