CAPÇALERA2: IEA-AALO

Jornalet, gaseta occitana d'informacions

Dimenge, 16 de decembre

Gerard Joan Barceló

Dissabte, 6.10.2018 03h00

Occitan obligatòri!


Comentaris 15 comentaris    
Dolent Fluix Bo Molt bo Fabulós (10 vòtes)
carregant En cargament


Manifestacion còrsa per la cooficialitat de la lenga insulara
© France Culture




Etiquetas
barceló, escòla, obligatòri, occitan

Se n'es fòrça pauc parlat mas en Quebèc s'es passat una pichona revolucion electorala: pel primièr còp dempuèi de decennis ni l'independentista Partit Quebequés ni lo federalista canadenc Partit Liberal an ganhat las eleccions provincialas. Lo venceire es un partit de drecha nacionalista mas non independentista, la Coalicion Avenidor Quebèc. En mai d'aquò lo partit d'esquèrra quebequés pròindependéncia, Quebèc Solidari, es davant lo Partit Quebequés, organizaire dels dos referendums qu'an pas permés a la província majoritàriament francofòna de daverar sa plena sobeiranetat. Al fons, res d'estonable. La lenga francesa es fòrta, Canadà a reconegut Quebèc coma nacion, la Bèla Província ten un estatut d'autonomia fòrça ampla que li dona lo mestritge de bona part de son economia, de son finançament e mai de son immigracion. Sembla donc que i aja pauques arguments possibles per convéncer l'elector de rompre amb Canadà, e mai se la pojada de Quebèc Solidari demòstra que l'idèa d'independéncia s'assòcia ara dins una partida de la populacion a l'espèr d'un modèl sòcioeconomic pus esquerrista que lo liberalisme dominant dins l'estat canadenc.

Los occitans de l'estat francés auriam fòrça mai de motius per cercar l'independéncia: nòstra lenga es mespresada e ofegada, nòstra istòria d'a fons absorbida pel roman nacional francés oficial, França impausa una organizacion centralista de son estat que daissa pauc d'espaci a nòstre desvolopament economic e social. L'independentisme occitan es quitament pus legitim que lo catalan, puèi que lo Principat de Catalonha a pogut desplegar un ensenhament immersiu de sa lenga e sèrva una autonomia, malgrat las temptacions centralistas cada jorn mai fòrtas de part de l'espanholisme pus agressiu. De segur, o disi sens voler minorar l'insuportabla repression espanhòla d'un pòble qu'aspira democraticament a sa libertat, mas me pareis qu'auriam rason de reclamar nòstra liberacion d'un estat que nos refusa fins a la nocion de pòble. Pasmens, paradoxalament, los que o poiriam revendicar amb pus de legitimitat, o podèm pas en causa de nòstra realitat minoritària sus nòstre pròpri territòri.

E ansin nos trobam febles e gausam pas revendicar grand causa.

Cresi totun qu'avèm tòrt. En gausant pas revendicar grand causa, interiorizam nòstra feblesa e l'amplificam, mentre qu'al contrari nos caldriá rompre amb ela en tornant a una ambicion qu'èra nòstra fa gaire. Per exemple, en plaça de revendicar defensivament que se barre pas de pòstes d'ensenhaires o d'escòlas occitanas, auriam al contrari d'aviar l'ofensiva en exigissent l'occitan obligatòri. Òc, l'occitan obligatòri, coma pereu o revendicava Domergue Sumien dins un article de fa cinc ans amb lo qual soi consent. Autoritarisme? Non, reparacion istorica fàcia a l'imposicion generalizada del francés dins quasi tota la societat occitana. Volontat d'impausar nòstra lenga? Non, desiri que totes los occitans se pòscan assabentar de lor istòria e de lor cultura per poder causir liurament qual son; si que seriá faissista de constrénher los occitans de parlar una lenga sens lor franc arbitri, coma o faguèron crusèlament als escolans d'Occitània fa qualques generacions. Oblit de la manca de pression sociala? Precisament, la pression sociala l'avèm de crear nosautres, coma occitans conscients, coma los còrses l'an sauput crear per de decennis de lucha constanta, fins al ponch qu'ara son a demandar l'oficialitat de lor lenga. Utopia? Non, tòca de jónher amb nòstra pacienta e tenaça volontat.

Perque, o torni assolidar, èsser occitan es una volontat.

 


Lo ponch sus l'operacion "Jornalet: tres meses per 3000 èuros"

Òsca! Coneissi pas las chifras exactas mas sembla que l'operacion siá una reüssida! Jornalet seriá ja a mand de daverar los 3000 èuros, gràcias a vòstra remirabla generositat. Un enòrme mercé a totes e totas qu'avètz demostrat que la solidaritat occitana, que transcendís las ideologias, es pas mòrta. Cèrtas, podètz encara contribuir al finançament de vòstre jornadièr occitan amb de dons que seràn tras qu'utils a son desvolopament avenidor, mas avètz ja esmogut la còla de Jornalet e dels Amics de Jornalet.

Donadas bancàrias:
 
La Banque Postale (Marselha)
IBAN: FR16 2004 1010 0912 8089 7Y03 009
Còde BIC: PSSTFRPPMON
Al nom de: Los Amics de Jornalet (6 Carrièra Victor Hugo, 11500 Quilhan)
 
Caixa d'Enginyers (Barcelona)
IBAN: ES79 3025 0001 1414 3339 8145
Còde BIC: CDENESBBXXX
Al nom de: Associacion entara Difusion d'Occitània en Catalonha









 



publicitat



Comentaris

10 d'octòbre 10.58h

Un ensenhament (precòç) d'iniciacion escolara al monde latino-romanic
En un epòca de causidas utilitaristas, l'ensenhament del latin e de las lenguas romanicas, nacionalas o regionalas s'afflaquís, privant le francés de sas fonts e radices, e de communicacion aisida ambe'l seu vesinatge intèrne o extèrne.
Sembla que i'auja una causa communa de revendicar com escolarament oubligatòria, en tot primièr.
Probable que GJB o desmentirà pas...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

9 d'octòbre 16.39h

#13 Ieu vòle pas ni de l'aplicacion d'un programa de drecha ni de l'aplicacion d'un programa de gaucha.
Vòle simplament la justícia, de richessas mai despartidas e renvestidas.
Vòle una societat justa, de l'aculhença vraia, d'una solidaritat esemplària per TOTES (ciutadans coma refugiats !) mès mesurada e apariada emb d'una responsabilizacion de chascun !
En mai d'aquò, vòle mai de vida naturala, mens de vida concentrada, alienanta, artificiala e desumanizanta.
Vòle mai d'educacion... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

9 d'octòbre 15.26h

#10 Sètz a dire quicòm qu'ai agut aigrejat dinc mos comentaris despièi dos ans. Avètz completament RA-SON ! Solament, fai 40 ans, benlèu mai, qu'auriam degut tocar e concientizar e alargar la basa. Enterrojar la societat. La desfolar. Faire de pedagogia. L'emmenar emb de nautres.
Ara, sèm en 2018. Lo constat es negatiu. E gachatz un pauc quand n'avètz de monde qu'an clicat verd : tres au moment que vos parle.
Quand la paraula senuda rebombís pas luènt e ressòna sus un microcòsma mi... Legir la seguida


Valora aquest comentari:   votar positiu 3   votar negatiu 4
Respondre comentari replica Comentari inadequat   Formulari d'abús de comentari

8 d'octòbre 14.26h

Completament d'accòrdi, cal enauçar la nòstra demanda. Vivèm un moment extraordinària que los partits clàssics d'esquèrra que recaptavan la majoritat de las votz occitanas pesan pas gaire, e l'occitan de basa tradicionalament encadenat al PS o al PC va enfin poder votar per son país e non pas per un òme que se chauta de l'occitan e de l'Occitània... Doncas sèm al moment que cal pas mancar per demandar mai qu'una ponhada de man, e a tant qu'a far es lo moment de nos apoderar l'istòri... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

8 d'octòbre 11.01h

#10
D'accòrdi, mais le lenguatge monolingue o bilingue es un automatisme aquist dempuèis la naissència.
En despeit d'una morfologia vesina, le mecanisme de substitucion francés-occitan es complèxe.
La tòca d'un bilingüisme fa besonh de mejans audio-visuals massises, a gratis donc collaboratius, sus internèt. Se se demòra la lei o las collectivitats publicas... Es pas encara la vèlha...
Un "lenguatrem"!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

7 d'octòbre 23.46h

Me sembla, de còps, que, quand se parla de reivindicacions, sèm, los occitanistas, coma se ditz dins una lenga vesina -"no mundo da lua".
Los poders en capacitat de prene una decision atal, çò primier, que nos van demandar?:
"Los Occitanistas... quantes d'electors?..."
Se daissam de caire la lucha armada ( ai lo drech de rire...!) que s'es mostrada dins la majer part dels cases, dins l'istòria, contra-productiva quand s'apeva pas sus una basa sociala fòrta
Se daissam de caire los qu... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

6 d'octòbre 22.21h

Suppòusem que las lenguas regionalas venguèssen obligatòrias, les escolans dels païses d'oil recebrian de corses supplementaris de francés per principi d'egalitat, çò que creariá endacòm una inegalitat rappòrt al francés...a mens de generalizar l'occitan obligatòri en França tota.


Valora aquest comentari:   votar positiu 1   votar negatiu 8
Respondre comentari replica Comentari inadequat   Formulari d'abús de comentari

6 d'octòbre 19.11h

#6 Segur!!! Parlèvi sonque de l'occitan obligatòri.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

6 d'octòbre 17.20h

Aubligar ad ensenhar n'ei pas aubligar a parlar. De vertat que prem meilèu sus l'escòla que suus escolans, de tota mòda aubligats ad anà'i e d'apréner causas decididas per la societat alavetz s'aquera e decideish que l'occitan n'ei non i averà un problèma morau de mei.

Totun n'am pas las ressorças umanas endà hà'c, ja n'èm luènh, e de tant! E l'educacion nacionau que s'arrasca, estauvia l'argent, arreduseish los emplecs, ne pagarà pas millierats de naveths professors d'occitan.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

6 d'octòbre 13.52h

#5 L'occitan reservat als occitans d'origina? L'occitan es de totes!


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions