CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Gerard Joan Barceló

Dissabte, 18.5.2019 03h00

"París ten mon còr dempuèi mon enfança"


Comentaris 9 comentaris    
Dolent Fluix Bo Molt bo Fabulós (20 vòtes)
carregant En cargament


Estatua de Montanha a París
© Wikipèdia




Etiquetas
AlienacionOccitana, Barceló, Barcelona, Montanha, París

A Joan Daniel Bezsonoff.

Longtemps, auriái pogut dire coma Miquèu de Montanha dins sos plan coneguts Assages que "París ten mon còr dempuèi mon enfança", coma encara o podèm legir sus una estatua que lo representa assetat. Coma el, que prefigurava totes los occitans d'uèi afeccionats de França e de sa cultura, me sentiái francés per aquela vila, e l'admiravi coma tantes an aprés a l'admirar.

De fach, vos ai de confessar que li devi fòrça. I faguèri, d'efièch, mas umanitats, del Quartier Latin estant, mas en viatjant fins a l'universitat de Nanterre, per passion dissidenta e esquerrista. Sens París, coneisseriái pas grand causa del cinèma; sens París, ma passion de las lengas seriá estada benlèu mai flaca, que sovent fulhetejavi de metòdes de lenga o de diccionaris dins la librariá Gibert Jeune, e a l'INALCO m'inicièri a l'inuktitut, coma i auriái pogut aprene lo nahuatl, lo quíchoa o una lenga africana. Pertot, i aviá de libres, a la bibliotèca Saint-Geneviève ont trabalhavi de ser per i legir de Platon, al Centre Pompidou ont estudiavi lo dimenge, o dins las librariás del Boulevard Saint-Michel.

Amb lo temps, finiguèri que comprenguèri que la vila s'èra enriquida de l'empauriment de territòris, e que l'Estat que m'i identificavi aviá comés e cometiá fòrça injustícias envèrs de pòbles e de culturas mespresadas e escondudas. Totun, cresi d'aver pas quitat de l'aimar: m'a donat los espleches e los mejans intellectuals de me distanciar d'ela, e mai de l'aborrir. A l'Ostal de la Cultura Yiddish, ont representavi Jornalet, un occitan venguèt charrar amb ieu en lenga nòstra.

París, teniás mon còr durant ma joventut. Mas sens te voler crussir lo còr, la maduretat m'a virat devèrs Barcelona. Ela me daissa èsser qual soi.





 



publicitat
BANER1-2-3: DGPL AN LAFONT



Comentaris

22 de mai 16.27h

Lo racism, lo paternalim e l'arrongància de Paris la victoriosa per la "province" vençuda e asservida son estranhament atèunhats per pas dire escafats d'aquel panegeric parisenc. Es gaireben de negacionism. Quin contrast amb los esmovents testimoniatges de #6 e #7 !


Valora aquest comentari:   votar positiu 20   votar negatiu 8
Respondre comentari replica Comentari inadequat   Formulari d'abús de comentari

20 de mai 07.36h

7#
un país de monde crudèus , orgulhós, arrogants .


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

20 de mai 07.16h

Drolleta, avèvam cosins exilhats a Paris , e lo pair los anava visitar pro sovent , e me hasèva seguir per conéisher la familha, me disèva ….. e Paris la miravilhosa !

Eh ben , jo, lèu hèit , Paris ne m'agradèt pas , pas briga ! Lo monde en las carrèiras , en las botigas se trufavan de mon accent , de mon biais de parlar , de prononciar los mots, se'n arrisèvan de mon "parlar damb las mans ''. "Comique", "vulgaire" , aquò's çò qu'èri , e me leiçon... Legir la seguida


Valora aquest comentari:   votar positiu 22   votar negatiu 0
Respondre comentari replica Comentari inadequat   Formulari d'abús de comentari

19 de mai 22.11h

Bonjorn,
O cal dire, qu'es un constat, Paris ofrís maites possibilitats de formacion per se realisar? o s'en sortir ? . I a pas una vila dins França que se tròba a n'aquel nivèl d'ofèrta . Sens se poder comparar ambe lo percors prestigiós de Barcelò, ieu o pòdi afortir.
I a viscut dotze annadas. Foguèri près coma obrièr tot en bas de l'escala a la sortida d'una escòla de formacion/de mestièrs EDF (clavadas dempuèi) e mandat a Paris, vist qu'i aviá pas cap de plaça liura dins ... Legir la seguida


Valora aquest comentari:   votar positiu 24   votar negatiu 0
Respondre comentari replica Comentari inadequat   Formulari d'abús de comentari

19 de mai 12.51h

França es pas un país policentric coma de nombroses mai.
Le parisicentrisme es un fait que passa las frontièiras fa longtemps.
París concentra la quasi-totalitat de mejans de la reeissida,e es una enòrma pompa de fric.
Ella nos fourrupa la sang...


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

18 de mai 22.14h

Amor — e Amor sonque — me ten lo còr despuèi l'enfança… e dins los vèrses dels trobadors, tre que los ai descobèrts, me soi reconegut. E pasmens, de trobadors, a París, jamai non n'i aguèt !

Donc, París, non l'admiri, non la vòli, e plan me'n chauti… Ma captiala, se non es Tolosa (e perqué non ?), serà Barcelona.


Valora aquest comentari:   votar positiu 9   votar negatiu 7
Respondre comentari replica Comentari inadequat   Formulari d'abús de comentari

18 de mai 19.36h

Quel étalage prétentieux de vie personnelle. On s'en fiche. Il se prend pour un people? Est-ce le BHL de l'occitanisme?


Valora aquest comentari:   votar positiu 43   votar negatiu 27
Respondre comentari replica Comentari inadequat   Formulari d'abús de comentari

18 de mai 18.52h

E òc, París en França e Peiralata en Provença...
Reprovencializacion...


Valora aquest comentari:   votar positiu 14   votar negatiu 12
Respondre comentari replica Comentari inadequat   Formulari d'abús de comentari

18 de mai 12.10h

Paris über alles....Deux amours mon pays et Paris...eca... Emai per Barceló l'occitan...Puta, quin avòt !


Valora aquest comentari:   votar positiu 47   votar negatiu 27
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions