CAPCALERA: Lo Diari

Jornalet, gaseta occitana d'informacions

Dissabte, 26 de setembre

Gerard Joan Barceló

Dimècres, 22.4.2020 03h00

Pasolini: "Sèm totes en perilh" (I)


Comentaris 4 comentaris    
Dolent Fluix Bo Molt bo Fabulós (11 vòtes)
carregant En cargament


'L'agach de Pasolini
© Vilaweb




Etiquetas
Barceló, consumisme, faissisme, Pasolini

Coma anonciat la setmana passada, vos somondi la traduccion occitana d'un excellent article de Xavier Montanà, publicat dins Vilaweb al començament d'aqueste mes. Aprofièchi l'acòrdi de collaboracion per lo publicar dins nòstre e vòstre jornal occitan. L'article es long: es per aquò que ne farai una tièra d'articles de ma cronica.

Uèi son mai pertinents que jamai las criticas e los avertiments de Pier Paolo Pasolini contra lo "novèl faissisme invisible del consumisme" e l'espandiment del neocapitalisme predator.

Pier Paolo Pasolini (1922-1975) foguèt un dels grands intellectuals del sègle XX. Cineasta, escrivan e, mai que mai, una votz fòrça lucida dins l'analisi e la critica radicala del biais expansiu que lo fasiá alara lo neocapitalisme liberal amb son estrategia d'iperconsumisme, lo novèl faissisme invisible, segon el.

Alertèt del desastre mondial que lo provocava lo fach d'identificar lo progrès amb lo desvolopament, lo consumisme de manièra absoluda, en violant sens escrupuls la libertat e los dreches de las gents a la santat, la cultura e l'educacion. "Lo consumisme es un pur e simple cataclisme antropologic", çò escriguèt.

Pasolini s'exprimissiá publicament suls faches politics quotidians, suls chaples de l'extrèma drecha, sus l'ipocrisia dels intellectuals e la corrupcion del poder politic e economic. A l'encòp, en esséncia, bastissiá pauc a cha pauc, prigondament convencut, una critica afogada e argumentada del neocapitalisme salvatge e de l'inoculacion de son ideologia de fals progrès e de fals bonaür dins los esperits dels ciutadans. E de totes los qu'o empuravan, d'una manièra o d'una autra.

Critiquèt totes los responsables, l'estat, los entrepreneires, los politicians, los intellectuals, la glèisa, lo sistèma educatiu e los mèdias, en particular la television. Èra una posicion tant avançada sus son temps que sembla uèi gaireben profetica.

A despart dels filmes que totòm pòt conéisser, ont, demest fòrça autras causas, denóncia lo faissisme modèrne e revendica amb fermetat -embeguda d'ironia e tendresa- los desfortunats, los marginals, los delinquents, los nèrvis e las prostitutas, Pasolini faguèt un cort documentari, Le Mura di Sana'a (1971), que l'adreicèt a l'UNÈSCO, en demandant de salvar Iemèn de la destruccion, "en frenant l'especulacion dins un país ont degun la denóncia pas". "Itàlia es finida, mas Iemèn se pòt encara salvar", çò disiá. Degun li'n faguèt pas cas.

[De seguir]

abonar los amics de Jornalet



publicitat
BANNER1: IEO Arièja



Comentaris

24 d'abril 19.16h

Pasolini es un cineaste conegut , un poeta se sap pas mens e un pensaire-profeta que "degun li'n faguèt pas cas". Coma se las arts e la vida de la ciutat èran pas ligadas; l'una seriosa e l'autra superficiala


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

22 d'abril 17.30h

Yemen Türküsü

https://www.youtube.com/watch?v=4nWZ5hQSFwA


Valora aquest comentari:   votar positiu 1   votar negatiu 5
Respondre comentari replica Comentari inadequat   Formulari d'abús de comentari

22 d'abril 10.55h

#1 Iemèn : país de la peninsula araba. Capitala : Sana'a.
Un pauc de cultura fa pas de mal


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

22 d'abril 05.44h

Lemèn = ?
Mercés


Valora aquest comentari:   votar positiu 1   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions