CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 23 de setembre

Marçal Girbau

Dijòus, 12.4.2012 03h00

L'estandardizacion de l'occitan (I): una lenga de mots "tabó"


Comentaris 36 comentaris    
Dolent Fluix Bo Molt bo Fabulós (11 vòtes)
carregant En cargament


Uèi comenci una seguida d'articles sus quicòm que sabi qu'es plan polemic: la normativizacion de la lenga occitana. E per començar la polemica d'un biais plan carpinhaire –coma de costuma–, ai decidit d'amassar totes aquestes articles jol títol "l'estandardizacion de l'occitan", pr'amor que pensi que n'i a pro de mots "tabó" en lenga nòstra. 
 
Òc, a Occitània que n'avèm un fum de mots tabó. "Lenga estandard" es un exemple de concèpte tabó. La pròva de çò que disi es, per exemple, çò que se passa sus la sola "enciclopèdia" que fins auèi avèm en lenga nòstra: la wikipèdia occitana. Es curiós e simptomatic que, se cercam sus wikipèdia "lenga estandard", aurem la definicion d'aqueste concèpte en mai de 25 lengas diferentas, coma lo francés –solide!–, l'italian, lo catalan, l'alemand, l'anglés, l'espanhòl, lo portugués, l'olandés... E tanben i es en leton, sicilian, islandés... Mas, tè, en occitan "existís" pas aqueste concèpte... "Lenga estandard" se pòt trobar en lengas fòrça mens parladas que non pas l'occitana, e quitament amb d'estatuts socials e juridicis similars, mas en occitan i es pas. Aquesta meteissa pròva se pòt far tanben amb lo mot "estandardizacion", e veiretz que las resultas seran plan parièras.
 
E per qué aqueste "tabó"? L'occitan a pas (lo dreit d'aver) un estandard? Per qué nos cal utilizar a cada còp de concèptes eufemistics coma "occitan referencial", "occitan larg", "lenga classica", "lenga generala", e d'autres concèptes poetics inventats per de mond que se vòl far perdonar? Per qué podèm pas sonar las causas amb lo seu nom vertadièr? Volèm, simplament, çò qu'an la màger part de lengas "nacionalas" del mond sencer: una lenga estandard. Es a dire, "la confeccion artificiala e planificada d'una varietat de la lenga, a partir del seu diassistèma, per tal d'obténer un model de lenga unitari per l'ensenhament, los usatges oficials e los usatges escrits e formals, e que, a l'encòp, pòsca permetre d'amassar, d'un punt de vista politic e social, lo territòri lingüistic". 
 
Aquò vòl dire que sèm contra los dialectes? Non. Aquò vòl dire que volèm foragitar las varietats localas? Non. Aquò vòl dire que volèm impausar al mond un biais de parlar? Non. De tot aquò e d'autras causas ne parlarai las setmanas que seguisson. E vos avanci que tanben parlarai de quicòm mai: de las rasons del mai que previsible fracàs del Congrès Permanent de la Lenga Occitana. Que comence la fèsta.



publicitat
BANER1-2-3: DGPL AN LAFONT



Comentaris

22 d'abril 08.30h

Òsca per l'article! Aqueste es lo melhor biais de ressòlver lo "problema" de l'occitan uèi: ne parlar de las causas que geinan#35


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

21 d'abril 16.48h

L'estandardizacion de la lenga se pagèla de mon vejaire a l'ambicion economica e politica del pòble que la parla.Quand l'occitan era lenga de cancelaria, era de maniéira obligatoria estandardizat,
La question pausada uèi es l'avenidor de la lenga , se volem, atencion aqui, "volem" clau lo mond vivent e votant sus las tèrras d'occitània e non pas una còla d'acarnassits de filologia ,d'un occitan aisina de comunicacion politica e benlèu per seguida economica , alara caldrà un estandard .... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 d'abril 14.18h

Estimats germans occitans:
Vos escric des d'un xicotet llogaret del País Valencià. Estic resseguint amb interés els vostres comentaris sobre la normativització de l'occità i la presa d'una model estàndar, si més no per a la llengua escrita.
Amb tota la meua humilitat us desitge molt bona sort en el vostre esforç de recuperció nacional i lingüística i vos encoratge a continuar pel bon camí.
He sigut testimoni, durant dècades, dels intents de vulgarització i dialectalització del ca... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

20 d'abril 10.20h

Legi ath monde discutir, tot en donant leiçons magistraus de lenga occitana, e tanben vedi mesprètz entà d'autas lengas.
Levatz-v's eths prejudicis e parlatz après.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 21.56h

La fin dal tiu texte es excellenta : "Que comence la fèsta" Bingo, ganhat.
Me porràs far la divinacion per lo miu avenir, que veso que sies un pauc masc... ;-)


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 d'abril 10.42h

Oton d'Aniòrt,

N'èm pas en Catalonha.
N'i a pas avut nat Franco en França, per contra qu'avem ua auta istòria de'ns pelar, e dab un aute rapòrt a la(s) lenga(s) ! L'Abbé Grégoire e Jules Ferry que son passats d'abòrd.
Jo n'anirèi pas dar leçons aus Catalans dab la mea vision d'ací enlà !

Se non pas los elejuts qui an lo poder, qui a lo poder ?
Tu, darrèr lo ton ordinator ? A mensh qu'ajas ua armada entà har un poch, e préner lo capdulh d'Occitània per un sièti (on ? a Murèth... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

18 d'abril 17.10h

Mon bon Guilhèm de Béarn, as rason de dire que los lingüistas non fan politica. Mas los politicians qu'aurián una politica adaptada a Occitania non existisson ges ni mica. Los elegits dits "nacionals" se chautan ben pro de nosautres. Los elegits regionals, que congressejan en perpetuassaires de diversitat etnografica e museografica non son que çò que son : "regionals". E Occitania non es una region. Seriá un pauc de confondre lo Principat de Catalunya amb Catalunya (dita Països Catalans... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

18 d'abril 16.27h

www.academiaoccitana.eu
Una associacion concurrenciala au Com Perm Leng Oc o complementària ?
A lèu


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

18 d'abril 15.00h

Que vei lo debat qu'ei interessant. La vertadèra question qui s'escor au hons qu'ei : on hicam lo cursor ?
Meilèu de cap a l'unitat o meilèu de cap a la diversitat ?
Ací que s'i parla de lingüistica, d'ua hami d'un cèrt apèr de politica lingüistica. Mes que brembi que non son pas los lingüsticas qui hèn politicas lingüisticas. Qu'i pòden participar en hicar las lors competéncias au servici de la(s) politica(s) lingüistica(s) hicada(s) en plaça. Au dia de uei, que son las Regions ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

17 d'abril 20.12h

Que voi precizar ua causa pormor qu'èi era imprecion de no pas èster plan comprès !

No sòi certanament pas d'eths de qui vòn qu'eth occitan morisque dera "sua bèra mòrt", aquerò, non ! Que voi que visque e que's desvolòpe en un cadre legau aumens egau ath de qui gaudeish eth francés.

Que comprengui hèra plan eths arguments en favor d'un estandard, mès que cau negociar eths dominis a on era sua coneishença e's poderé exigir (medias, toponimia, concors e recrutaments ... ) en pr... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3
-
4 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions