CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Diluns, 14 d'octòbre

Marçal Girbau

Dijòus, 28.2.2013 03h00

L’Euroregion Aquitània-Euskadi: los occitans sèm inferiors?


Comentaris 40 comentaris    
Dolent Fluix Bo Molt bo Fabulós (24 vòtes)
carregant En cargament


Gaireben farà un an qu’ofriguèrem una seguida de dètz d’articles sus l’estandardizacion de l’occitan. Los articles volián demostrar qu’a la lenga occitana li cal una –sola– varietat estandard per tot çò que son las comunicacions institucionalizadas. Remembri plan clarament qu’un dels arguments mai utilizats per cèrtes lectors contra aquela proposicion èra de defendre que non aviam besonh d’una varietat estandard de l’occitan perque en occitan non existissián practicament a l’ora d’ara las comunicacions institucionalizadas, e, donc, que, sul terren real, la veritabla varietat estandard de l’occitan èra lo francés, qu’èra la lenga utilizada per las institucions e pel poder.

En mai de l’exercici d’autoflagelacion diglossica de talha extraordinària que representava aquesta argumentacion, ièr assistiguèrem, a la fin, a la casuda del mite. Lo Jornalet anonciava ièr que l’Euroregion Aquitània-Euskadi acaba de tradusir a l’occitan tot lo sieu sit web. Es una nòva de las bonas: felicitacions! Senhalarai que l’Euroregion es, solide, una institucion, car es una estructura governamentala creada per la region francesa d’Aquitània e lo Govèrn Basc –del costat espanhòl– per desvolopar las relacions transfrontalièras. Mai enlà de las felicitacions, pasmens, la realitat es fòrça mai trista. Anèri rapidament vistalhar lo sit web e verifiquèri que l’avèm en espanhòl, en francés, en anglés, en basc estandard e en varietat gascona de l’occitan. Los occitans sèm encara inferiors als autres.

Non ai res contra la varietat gascona, del meteis biais que non ai res contra cap de las autras varietats localas. Lo problèma es la manca de critèri: perqué lo sit web de l’Euroregion Aquitània-Euskadi en varietat gascona de l’occitan? La Region Aquitània compren una partida del territòri gascon occitan, es vertat. Mas dins la Region Aquitània tanben i trobam de zònas clarament lengadocianas –per exemple, l’agenés– e de zònas clarament lemosinas –lo nòrd de la Dordonha. Alavetz, perqué an triat una mena de gascon de la plana pretensiosament estandard? Perqué non en bearnés?

Cossí se sentirà un occitan d’Agen quand intre dins lo sit web de la siá Euroregion e tròbe qu’una de las varietats localas de la siá lenga s’es impausada al dessús? E los bearneses? Qué ne diràn? I a cèrtes lingüistas que prepausan los estandards regionals, mas aquí la pròva que los estàndards regionals non seràn jamai utiles. Aquí la pròva, a mon vejaire, que cal establir, o dirai encara un còp, un sistèma de distribucions de foncions, amb una varietat estandard completament artificiala –qu’existís ja e que la podètz nomenar lenga classica, lenga alibertina o lenga de l’Acadèmia– que servisca per las comunicacions institucionalizadas e interdialectalas –coma es lo cas de l’Euroregion Aquitània-Euskadi– e que siá una varietat que non apartenga a cap territòri especific e a totes a l’encòp. Après, i deurà aver tanben las varietats localas que deuràn servir per las comunicacions localas e/o non institucionalizadas.

Aqueste es lo sol sistèma per poder vertadièrament protegir las varietats localas e, a l’encòp, non far de folklorisme lingüistic. La question essenciala es simpla: perqué los occitans non podèm aver lo dreit de foncionar coma las autras lengas d’Euròpa? Perqué los occitans deuriam aver mens de dreits? A dijòus!



publicitat
BANER1-2-3: DGPL TRADUCTOR



Comentaris

22 de febrièr 02.12h

La sola question: perqué a nosauts gascons que'ns cau patir aqueths lengadociano-catalans qui vòlen impausà'ns lo lor patoés saunejat? Fotetz lo camp qu'ètz autant los nostes enemics com los francimands.


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

7 de març 21.59h

Praube Marçal Girbau, qui ne coneish ni la geografia, ni l'istoria, ni los escambis umans, comerciaus, culturaus, esportius, ni la cosina, ni lo climat atlantic de la VASCONIA (Gasconha+Euskadi).
L'Occitània n'a pas jamès extistit, e n'existirà pas jamès. Es atau tristament simple peus occitanistas jacobins, lo temps deu colonialisme es passat e non tornarà pas sos lo forma que volètz.
Que'vs vau har plorar, e donc arresti aqui.


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

4 de març 10.36h

#37 E parents de las ikastolak ?


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

1 de març 21.59h

#29 E òc, parli amb militants basques de l'esquèrra abertzale, militants per Ikastola, e escambiam fòrça sus las nòstras dificultats comunas.


Valora aquest comentari:   votar positiu 3   votar negatiu 8
Respondre comentari replica Comentari inadequat   Formulari d'abús de comentari

1 de març 20.57h

#35 Avètz plan rason.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

1 de març 20.49h

#34 Ufff... A n'aqueu nivèu d'atacas verbalas e personala, es un pauc malaisit de se venir pausar en moralista...

Pecat. :/


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

1 de març 20.39h

#33 Bourdon l'anti-monegasc, Girbau l'anti-gascon, meteissa farina, meteissa nullitat, meteis nivèl de pauretat intellectuala, meteissa cròia tipicament masclista, meteis besonh de far lo mascle per d'espotir los autres mascles. Pietadós.


Valora aquest comentari:   votar positiu 7   votar negatiu 7
Respondre comentari replica Comentari inadequat   Formulari d'abús de comentari

1 de març 19.46h

#30 Exactament! Ne i a pas qu'a picar "Iparraldeko batua" (batua deu País Basco Nòrd): 811 responsas: http://tinyurl.com/b86faav

Quan siam independents, que'ns calerà emplegar l'occitan estandard (non lo de Girbau !) entà las nostas relacions exterioras, peu moment hèm víver las granas variantas de l'occitan eretat, qui son hèra malaudas.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

1 de març 14.55h

La discussion part en barigola aicite...


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

1 de març 12.42h

#15Merci, et felicito pel teu català. En un sentit més romantic de les coses, a mi em passa, que l'occita el meu cervell no el percep com una llengua diferent, hi ha moltes paraules diferents però més o menys fàcils de reconeixer, tot i que de vegades el sentit profunt i concret s'escapa una mica,... i en canvi amb l'aragones em passa el contrari el meu cervell ho reconeix com una llengua diferenent, passa a la banda "modo castellà"... Gràcies per la teva explicació, és molt fàcil opi... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3
-
4 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions