CAPÇALERA: EMBARRAMENT

Jornalet, gaseta occitana d'informacions

Diluns, 30 de març

Marçal Girbau

Dijòus, 23.5.2013 03h00

Perqué Martin Malvyn non fa coma Paul Giacobbi en Corsega?


Comentaris 17 comentaris    
Dolent Fluix Bo Molt bo Fabulós (14 vòtes)
carregant En cargament


La setmana passada l’Assemblada de Corsega aprovèt l’estatut de cooficialitat de la lenga còrsa. Mai precisament, se tracta d’un tèxt presentat pel president del Conselh de la Lenga Còrsa, un organisme creat per la Collectivitat Territoriala de Corsega, que prevei l’usatge del còrs dins las escòlas e en las relacions amb l’administracion publica. Òsca!

Evidentament, caldrà reformar la constitucion francesa per qu’aquesta oficialitat pòsca intrar en vigor, car totes sabèm que, malgrat çò que diga l’Assemblada de Corsega, la constitucion francesa marca clarament qu’en França i a sonque lo francés coma lenga oficiala. Ça que la, aquò es una excellenta declaracion de volontats politicas e, çò qu’es encara mai important, una revendicacion de sobeiranetat politica.

Per detalhar un pauc mai las causas, dirai que la votacion de “l’oficialitat” se faguèt a l’unanimitat de totes aqueles deputats que votèron, aquò’s 36. La màger part d’aquestes deputats èran de deputats d’esquèrra –socialistas e non solament socialistas–. En fait, lo President del Conselh Executiu de Corsega ven de la familha politica socialista, e lo President de l’Assemblada de Corsega ven del Partit Comunista.

Arribats a aquel punt, la question se pausa: perqué los Presidents socialistas o d’esquèrra dels Conselhs Regionals de l’Occitània francesa non prepausan exactament lo meteis tèxt votat en Corsega la setmana passada, mas aplicat a l’occitan en cò nòstre? Pels que non seguisson los resultats electorals franceses, vos dirai que la manièra de saber quines son los Conselhs Regionals occitans d’esquèrra es plan simpla: totes.

Dimars ausissiam sus France 2 lo ministre de l’educacion que se mostrava obèrt a l’educacion bilingüa. Sembla que lo ministre a escotat los brams que faguèron qualques unes davant l’UNESCO. Bona causa, mas lo problèma de las lengas regionalas contunha e va contunhar fins que las nòstras demandas sián completament assumidas, al 100%, pels nòstres representants regionals e locals, es a dire, los nòstres presidents regionals –aital coma los nòstres presidents departamentals e los nòstres cònsols–, aital coma s’es passat en Corsega. Perqué? Perque lo jorn que los nòstres presidents regionals assumiràn al 100% las nòstras demandas, aquestas demandas non seràn las demandas de cèrtes collectius, de cèrtas associacions, o de cèrtas personalitats: seràn las demandas de totes los ciutadans de las regions de França. Alavetz, los nòstres presidents regionals auràn lo coratge politic d’i anar? Los nòstres presidents regionals priorizaràn lor territòri? Aquesta es la question.



publicitat
BANER1: AOF



Comentaris

29 de mai 11.44h

#15 Lo titre de l'article es benleu maladrech. Efectivament qui coneis Malvy ? E mai en Miegjorn Pirineus ! E qui coneis Souchon, Denanot, Vauzelle ? Fasetz me excusa ai obludat los noms daus presidents d'Aquitània e de Lengadòc Rosselhon. E crese que coneisse pas lo president de Ròse-Aups.

Mas manca dins lo titre, l'article nos parla ben daus "Presidents socialistas o d’esquèrra dels Conselhs Regionals de l’Occitània francesa". Marçal Girbau pòt pas èsser mai clar que quò. Eu p... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

25 de mai 11.50h

#15 Miègjorn-Pireneus es una region francesa, se voletz veire las régions occitanas culturalas es aquí
http://fr.wikipedia.org/wiki/Occitanie#R.C3.A9gions_culturelles

e mai d'entresenhas aquí
http://fr.wikipedia.org/wiki/Occitan#R.C3.A9gions_occitanes

Sòmi : caldriá qu'un jorn lo monde parlan de régions occitanas e non pas francesas ;-)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de mai 08.17h

#5 Procès d'intencion ? Lhèu. Mes qu'ac arreligui a uas causas qui's digón de Marçal dens los comentaris, e qui eth n'a pas jamei voludas desmentir. Se l'Occitania n'ei pas Mieidia-Pirenèus, perqué parlar de Malvy dens lo títol ? E d'aulhors, qui ei Malvy ? Tot occitan deis Aups aus Pirenèus e de Culan a Salardú e deu saber qui ei Malvy ? E dab aquò n'ei pas solament explicat dens l'article ! Mes Jornalet qu'ei ua gaseta panoccitana, non un quotidian regionau de Mieidia Pirenèus. Qu... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

24 de mai 21.35h

#13 Peu moment, qu'avem vist un cambiament de politica de la Generalitat dab Catalonha Nòrd. Se los mens soviers e son bons, qu'èra Girbau qui nse n'assabentava. Aquò dit, la dinamica basca deu Nòrd que deu hèra au nacionalisme, mes via l'implantacion au Nòrd deus refugiats de la Guèrra civila espanhòla, puish de l'ETA, e non com resultat de pressions viengudas deu Sud. Mes lo Sud, vertat n'ei pas enqüèra independent, e au contra de las previsions qui's podèn har a la fin de las anna... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

24 de mai 14.38h

#12 Los resultats, puslèu... Ai pas cap de dobte sus l'independéncia de Catalonha, perque lo pòble catalan la vòl mentre que l'estat espanhòl, de mai en mai centralista e nostalgic del franquisme, tomba dins la caricatura. Per ieu, l'estrategia del Partit Occitan pòt pas foncionar perqu'existís sonque coma aliat timid d'EELV... O disi pas per donar de leiçons perqu'es evident tanben qu'es pas aisit de conscientizar la populacion occitana après tant de sègles d'alienacion. Per contra... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

24 de mai 13.41h

#11 Podem pas preveire l'impacte qu'aurà quela independéncia (si quò se fai) sus la politica interiora francesa. Mas sei segur que quò chamnharà pas las resultas electoralas dau POC (resulta o resultat ? sabe jamai...).


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

24 de mai 13.22h

#10 Es la trista realitat, Maime, mas pensi, ça que la, que l'independéncia de Catalonha, amb benlèu una Val d'Aran mai autonòma, modificarà los equilibris entre los pòbles e los estats.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

24 de mai 11.24h

#8 Me sembla pas que la responsa a la question "perqué los Occitans fan pas fisença al Partit Occitan a las eleccions ?" sia la bona... Manca d'umor daus candidats POC ? Manca de nacionalisme ?
Non... la gent voten pas POC perque saben quitament pas que quò exista, e mai se'n foten de l'occitan e de l'occitanisme.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

24 de mai 08.52h

Non efectivament cal pas tot daissar per Malvy .... Lemosin, Auvernhe (i a un elegit del POC ailà, non ?), Ròse-Alps (l'an votat e i a pas un elegit del pOC ailà!), PAC (dos elegits !), Lengadòc-Rosselhon (se pdorà votar segur benlèu mai aisidament vist coma la gestion personalizada es faita, veire Le Canard Enchaîné d'aquesta setmana), e Alain Rousset en Aquitània (qué ?) (quí li prepausa ? Jà qu'a agut problèma ambe la seuna pròpria majoritat socialista per cambiar lo lògo que ... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

24 de mai 08.48h

Responsa a una question que vira jà : Perqué en Corsega se vòta 36 % pels nacionalistas còrses ambe un sistèma electoral que favoriza lo nacional-expansionisme francés, es de dire ! Giacobbi es perdent se vòta pas la co-oficialitat, perdent a Bastia per las municipalas ; es tot bestiament l'expression de vóler damorar en plaça en daissar de costat idèa que perturbaràn lo camin electoral, lo CV politic personal, nacionalisme francés comprès.
Lo problèma es : perqué los Occitans fa... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions