CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Divendres, 21 de junh

Marçal Girbau

Dijòus, 18.7.2013 03h00

L’orgulh de la cadièra voida


Comentaris 8 comentaris    
Dolent Fluix Bo Molt bo Fabulós (10 vòtes)
carregant En cargament


Que Cécile Duflot plorèsse o non, dimarts passat a l’Amassada “Nacionala” de París es çò mens important de tot çò que se passèt aquel jorn. L’episòdi de dimarts es la pròva incontestabla del nacionalisme imperialista e militarista perpetual que patís França e la màger part dels representants politics franceses, de dreita e d’esquèrra.
 
Vos convidi a gaitar atentivament lo vidèo del crim. Anatz assistir a l’excelsa manifestacion del nacionalisme republican del senhor Philippe Meunier, co-fondator de la Droite Populaire. Coma o ditz ben clarament Joan-Lluís Lluís dins lo celèbre libre Converses amb el meu gos sobre França i els francesos, “França es una màquina de blanquejar el nacionalisme. Efectivament, en nom de la Republica tot es justificable. De segur que remembraretz las reaccions mai que violentas d’una partida considerabla de la societat francesa quand Eva Joly prepausèt d’anullar lo passacarrièra de las baionetas.
 
Ieu, que non soi lo calinhaire de Duflot, tanben seriái orgulhós d’aver la miá cadièra voida davant l’armada. Francesa o extraterrèstre. Ieu, catalan d’origina, gaireben cada setmana devi combatre los arguments d’aqueles occitans e franceses que me venon veire per me dire que los catalans sèm tròp nacionalistas –coma s’aquò foguèsse pièger que lo càncer. Los franceses, jamai.
 
Perque, en fait, una de las rasons que fan mai interessanta l’independéncia de Catalonha es qu’a partir d’aquel moment los catalans podrem demostrar a França e a Espanha qu’existís una manièra non imperialista e non militarista de gerir una societat. Que non i a besonh de mostrar cada annada cossí de gròssa l’avèm –l’armada!-. Que l’armada del sègle XXI se ditz cultura, e los soldats se sonan artistas e creators. Que l’armada sens guèrra es coma un can sens mangiscla: o la noirisses rapidament o t’engolís a tu còp sec. Que la guèrra es l’antonim de la democracia, de la libertat e del mercat. Que n’i a que vòlon las guèrras de Mali e las dictaduras. E d’autres volèm l’escambi comercial e lo vòte secrèt e universal.
 
 

Cécile Duflot au bord des larmes à l'Assemblée par LeHuffPost



publicitat
BANER1-2-3: DGPL AN LAFONT



Comentaris

19 de julh 12.54h

Un pauc de vertadièra cultura francesa, vai :

"Le jour du 14 Juillet,
Je reste dans mon lit douillet.
la musique qui marche au pas,
Cela ne me regarde pas.
Je ne fais pourtant de tort à personne
En n'écoutant pas le clairon qui sonne,
Mais les braves gens n'aiment pas que
L'on suive une autre route qu'eux…"*

Georges Brassens (La mauvaise réputation).

*(Lo jorn del 14 de Juilhet, demòri acoconat al lièit. La muscia militària, me'n chauti ben pro. Fau pas mal a degun, pr'aquò, e esco... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

19 de julh 06.52h

La Marseillaise e Els segadors que se disputan las paraulas mei lejas de tos los imnes nacionals del mond, que trapi ieu.


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

18 de julh 20.11h

Perqué assimilar França a la Republica ?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

18 de julh 15.17h

Twitter que fa lo debat a l'AN, es a morir de rire… 


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

18 de julh 10.38h

Vaquí un polit debatòt a l'Amassada Nacionau qui saben plan hèr los "nòstes" deputats, entà hèr créser que i a enqüèra ua diferéncia entre esquèrra e dreta. En comèrci, aquò que s'apèla un "producte d'apèl". Lo consumidor veng au supermercat entà crompar aqueste producte qui ei mensh car, e crompa lo demorant a un prètz mei car que non pas endacòm mei.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de julh 09.56h

non pas d'incriminar la drecha que fai plorar la paura ministressa, me sembla que son companhon aurià pougut se taisar, lenga muta, èra necessari de faire tala declaracion, en sachènt qu'aquo podrià daumajar son amanta ? la cadiera vueja, diferentament degun se ne serià avisat o ben lei gents auriàn pensat que lo ministre consort avià la caganha e d'aqueu fet non avià pougut assistir a-n-aqueu desfilat patriotica


Valora aquest comentari:   votar positiu 1   votar negatiu 4
Respondre comentari replica Comentari inadequat   Formulari d'abús de comentari

18 de julh 09.31h

la guèrra, antonim deu mercat ?
veiram ben quand los estocs de petròle s'acabaràn, aquò...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

18 de julh 09.15h

Mercis per aqueth article, e bravò a los que s'opausan au conformisme imperialisto-militaristofile "fransholhard" !


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions