CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de decembre

Marçal Girbau

Dijòus, 24.10.2013 03h00

Lo racisme, lo dogmatisme e l’Estat francés


Comentaris 12 comentaris    
Dolent Fluix Bo Molt bo Fabulós (14 vòtes)
carregant En cargament


“Cossí es possible qu’aquò se passe en França?”, me demandava un amic catalan d’esquèrra l’autre jorn après legir la nòva de la gojata de 15 ans expulsada del país mentre èra a l’escòla.
 
Qualques minutas après, un autre amic, aqueste còp occitan, me veniá veire per se plànher, en bon francés, “d’aquestes immigrants que nos vòlon impausar lor manièra de viure”. Òc, èra un occitan. E occitanista. Que parlava francés.
 
L’occitan e lo catalan, l’un e l’autre, pòdon semblar plan diferents: l’un diriatz qu’es un militant antiracista afogat dels que vestisson amb cent mila colors africanas, e l’autre, puslèu un suportaire del Front Nacional, ras e curt. Ça que la, aquò’s sonque una aparença, car totes dos son fòrça mai parièrs que tot aquò: los dos se considèran d’esquèrra “dempuèi tostemps”, los dos patisson la malautiá de la “teoriá de la conspiracion”, los dos creson que los Estats Units son los grands enemics del sègle XXI… E los dos son d’òmes dogmatics, que gaitan la realiat a travèrs de prejudicis prefaits, a prètzfait.
 
Lo prejudici de l’amic catalan es de pensar que coma a el li avián tostemps explicat que França èra lo país europèu d’esquèrra per antonomasia, non èra possible que l’estat francés aguèsse una intervencion policiala coma l’explicada suls mèdias. I trobam, donc, dos apriorismes: èsser d’esquèrra vòl dire automaticament èsser d’acòrd amb la liura circulacion de personas dins lo mond entièr; e, segond, s’un estat es estat d’esquèrra a una epòca, aquò vòl dire que tostemps agirà aital.
 
E lo prejudici de l’occitan es encara mai clar: l’arribada d’immigracion en cò nòstre provocarà, sens dobte, la pèrda de la “nòstra identitat”. Es susprenent qu’aquesta defensa de l’identitat siá faita en un polit francés. Quina identitat? L’occitana? La francesa? La de la grande patrie? L’òme èra tot preocupat perque ditz que d’aquí 20 ans lo percentatge de familhas immigrantas en França arribarà a un nivèl inassumible quitament per salvar la lenga francesa.
 
Los dos deurián aver recordat que pendent las annadas 60, 70 e 80 a Catalonha li calguèt assumir e gerir un 60% de la populacion immigranta. Aquò se faguèt non pas gràcias a de politicas d’esquèrra o de dreita, non pas gràcias als govèrns o als papaestats, mas, mercés a un mitan associatiu civic e ciutadan plan fòrt que trabalhèt per l’inclusion sociala d’aquelas gents, per capitar qu’eles e lors filhs se sentiguèssen ja catalans de primièra, en tot començar per la lenga. Los catalans que participèron a aquel movement ciutadan èran d’esquèrra? Benlèu, o non. En tot cas, de segur qu’èran umanistas, catalanistas e liberals: la libertat dels òmes e dònas, la libertat del país, la prosperitat per totes nosautres. Just al revèrs dels prejudics.



publicitat
BANER1-2-3: DGPL TRADUCTOR



Comentaris

31 d'octòbre 15.49h

#11 Tè! ?
Una asenada!
E atal, abans la batalha de Murèth, de trista memòria, i aviá pas jamai agut cap de migracion? e lo pòble occitan (coma francés) viviá dins sa candor virginala dels primièrs temps, coma lo creator los faguèt a l'alba de l'Umanitat.
Ne cal legir d'asenadas! Donc totes los nòstres problèmas venon de Murèth e de las migracions : la segonda guèrra mondiala (e quitament la primièra) l'invencion del motor a esséncia, lo SIDA, l'autiti del pichon, la telerealita... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

26 d'octòbre 23.02h

« E lo prejutjat de l’Occitan es encara mai clar : l’arribada d’immigracion en cò nòstre provocarà, sens dobte, la pèrdia de la “nòstra identitat”. » Mon car Sénher Girbau, al vòstre amic occitan, li cal botar la mòstra a l'ora ! Aquò es ja arribat. Son arribats fa ja uèit sègles, los immigrants, sul prat batalhèr de Murèth. E en causa d'eles, l'avèm perduda, l'identitat, o pauc se'n manca ! E totes los pòbles de la Mediterranèa, amb los nòstres cosins d'Euskal Her... Legir la seguida


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

26 d'octòbre 11.53h

#3 Òc, Terric, PREJUDICI en catalan es PREJUTJAT en occitan. En catalan per dire prejudici o daumatge disèm PERJUDICI (DAMNATGE tanben). Sabi pas s'en aranés PREJUDICI vòl dire PREJUTJAT, se qualque aranés nos leg o nos poiriá esclarir.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

26 d'octòbre 05.56h

#1 O coma ba disiá Brassens: dins la vida cal cercar "de pas tròp emmerdar lo vesin". Totalament d'acòrdi... se lo vesin aplica la meteissa filosofia de vida.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

25 d'octòbre 23.10h

#7 Segur que los païses mai paures se pòdon pas voidar de lor populacion ni los païses mai rics aculhir totòm, mas auriái preferit que nòstres compatriòtas occitans mostrèsson lo meteis refús quand se tractèt d'abandonar lor lenga! Quant als ròms, son un cas especial, non? Pr'amor de lor nomadisme fondamental, tenon pas cap de pàtria, e fan pensar... als josieus. Josieus e ròms partegèron lo meteis destin tragic dins los camps de la mòrt nazis...


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

25 d'octòbre 22.17h

Un jorn se caldrà pausar la question se l'interès d'un african o d'un bosniac es de quitar sa misèria, provocada per lo sistèma economic caluc, per venir trobar aici una mièg-misèria. Lo destin natural d'un jove african es evidentament en Africa, uros dins son mitan cultural. Aimariatz, vautres, quitar vòstre endrech per anar a New York? Lo fach de venir aumentar totjorn mai los imigrants aici es ara una trapèla que se deu denonciar amb coratge, perdequé un pais coma França pòt pas p... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

24 d'octòbre 23.44h

#5 E "a la sosta dels agaches" segon lo testimòni de primièra man de l'ensenhaira al costat de la gojata.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

24 d'octòbre 19.52h

Es pas estada arrestada a l'escòla mès dins l'encastre d'una sortida escolara.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

24 d'octòbre 11.36h

Quina vergonya que sigui Català d'origen el ministre que ho aplica. Doncs si, crec que el que cal és ser generos, les persones no canvien de país per gust, i aixó de la indentitat, nois a França us tenen en coco molt menjat i no se perque hi ha aquest complexe d'inferioritat tant gran amb el mon anglosaxo. Suposo que es deu a l'estrategia d'assimilació a través del prestigui social i economic, i clar quan hi ha un altre que sembla que en te mes, doncs fa por. Es perque el nacionalisme fr... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

24 d'octòbre 10.58h

Quand emplegas lo mot "prejudici", pensi que vòs puslèu parlar "prejutjat", non pas?
En occitan, lo mot "prejudici", a mon vejaire, pòrta pas que lo sens de "daumatge, pèrdia de quicòm". Benlèu en aranés?


Valora aquest comentari:   votar positiu 9   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions