CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Divendres, 15 de novembre

Marçal Girbau

Dijòus, 31.10.2013 03h00

Aran e l’independéncia de Catalonha


Comentaris 13 comentaris    
Dolent Fluix Bo Molt bo Fabulós (11 vòtes)
carregant En cargament


Lo deputat e cònsol de Vielha, Àlex Moga, responguèt dimarts passat amb una conferéncia al Centre Cultural Lleidatà de Barcelona los discorses demagogics d’aqueles que, tot d’un còp, ara demandan lo dreit d’autodeterminacion de la Val d’Aran. A prepaus, tot siá dit, es plan curiós qu’aquestes discorses patriotics araneses son totes faits en castelhan –o, mens, en catalan–, e jamai en aranés.

Fa qualques setmanas foguèt lo cònsol de Les, Emilio Medan, qu’escriguèt un article intitulat Aran non es Catalonha sul jornal catalan El Periódico que defendiá qu’Aran non deviá votar lo referendum d’independéncia de Catalonha, mas deviá esperar lo resultat e se Catalonha decidissiá de s’independizar, alavetz, Aran deviá poder organizar un referendum per votar se se n’anava amb Catalonha o demorava en Espanha.

Soi plan desolat pel senhor Medan, qualqu’un que pensi qu’a de qualitats prigondas. Lo problèma es que soi segur que s’expliquèssem a un extraterrèstre d’un autre sistèma solar qu’un jorn venguèsse vesitar la nòstra tèrra la situacion politica d’Aran allucinariá cardiacament de veire qu’aqueles que son responsables e militants d’un partit, Unitat d’Aran, aliat del PSOE en Espanha, son los que demandan mai radicalament lo dreit d’organizar un segond referendum d’autodeterminacion en Aran, al meteis moment que, justament aquesta setmana, lo PSOE votava a l’assemblada espanhòla, amassa amb lo PP e UPyD, contra lo dreit de Catalonha d’organizar un referendum d’independéncia. Las solas paraulas que me venon associadas a tot aquò son “surrealisme”, “ridicul”, e “psicodrama”. E non sabi en quin òrdre exactament. M’agradariá plan de veire que fariá lo senator espanhòl Paco Boya al Senat se jamai se votèsse ailà la proposicion presentada dimars per UPyD. Lo senator Boya sortiriá defendre publicament lo dreit del pòble aranés d’organizar un referendum d’autodeterminacion? O aquò sonque se pòt far en Catalonha, alara que davant los parents de Madrid cal tostemps calar e creire?

La sola causa que se pòt dire es que fa ja qualques annadas que Convergéncia Democratica Aranesa a capitat de fargar un discors que, i serem mai o mens d'acòrdi, a una coeréncia totala en Aran, en Catalonha e en Espanha. Es a dire: eles dison las meteissas causas en Vielha, en Barcelona o en Madrid. Per contra, Unitat d’Aran se passeja pels monds de la politica sens cap de direccion precisa çò que fa que uèi nos demanda lo dreit d’autodeterminacion del pòble aranés en espanhòl, e deman, en Senat, nos votarà contra aqueste dreit per Catalonha tota en tot o argumentar en aranés. Òsca! Per amor que, digatz-me, los cars sénhers d’Unitat d’Aran se son avisats que Catalonha non a encara jamai denegat lo dreit d’organizar un referendum en Aran, alara qu’Espanha refusa tot referendum que siá, quitament s’es un referendum per totes los espanhòls? Los pensaires d’Unitat d’Aran son plan conscients que los catalans sèm los primièrs que volèm que los araneses vòten? S’es aital, primièr que nos ajuden a organizar lo referendum en 2014 dins tot lo territòri administratiu catalan. Siquenon, que calen per tostemps.



publicitat
BANER1-2-3: DGPL TRADUCTOR



Comentaris

1 de novembre 18.31h

Tè! Lo Bordòn tòrna amb sas crisis de nèrvis lingüisticas....


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

1 de novembre 17.11h

#8 Mèste (que non pas Mèstre, desencusatz-me) Bourdon, disètz : « en cinc ans n'a pas trobat un moment entà apréner a conjugar corrèctament lo preterit ? » Es aiçò, çò que vos repròchi, e non pas de senhalar d'errors eventualas. Senhalar dècas (o decas), coma volètz, aquò rai : es preciós per totes e cadun, e mai pels legidors del Jornalet en general. Mas pretendre e afortir que M. Girbau, per exemple, « a pas aprés corrèctament la conjugason del preterit » per amor que s'e... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

1 de novembre 14.44h

#9 e la vòsta expression "èstre de la meteissa farina" que'm sembla d'estar un calc deus beròis !


Valora aquest comentari:   votar positiu 0   votar negatiu 4
Respondre comentari replica Comentari inadequat   Formulari d'abús de comentari

1 de novembre 14.43h

#9 Prumèr, que'vs demandi d'aver la cortesia elementària d'escríver lo men chafre dab l'ortografia afrancesada qui èi causit: Bourdon dab ua u.

Segondament, n'èi pas jamei trobat "aitant" dens nada gramatica gascona - que sèi qu'ei sus la gramatica d'Alibèrt, segon los parlars *lengadocians*

"Autant" qu'ei dens Camelat e suu diccionari de Per Noste, dont Maurici Romieu e hasó ua correccion de monge benedictin. E que's ditz pertot a noste ! Per contra, "respondre" transitiu dirècte ne... Legir la seguida


Valora aquest comentari:   votar positiu 2   votar negatiu 5
Respondre comentari replica Comentari inadequat   Formulari d'abús de comentari

1 de novembre 14.15h

#6 Bordon, en bon occitan, se ditz pas autan(t) (es un francisme), se ditz aitan(t) o tan(t). Bordon e Girbau son de la meteissa farina: sabon pas difusar un occitan corrècte.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

1 de novembre 13.06h

E segon lo conjugader de l'Acadèmia occitana n'ei pas "responguèt" qui caleré, mes "respondèt": http://www.academiaoccitana.eu/?q=oc/node/27 Ne hètz pas servici a Girbau, sénher Oton, en nse disent que i a cinc ans qui Girbau apren l'occitan: en cinc ans n'a pas trobat un moment entà apréner a conjugar corrèctament lo preterit ?


Valora aquest comentari:   votar positiu 2   votar negatiu 3
Respondre comentari replica Comentari inadequat   Formulari d'abús de comentari

1 de novembre 12.22h

#5 E ne's ditz pas "dèca", mes "deca".


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

1 de novembre 12.21h

#5 "Mèste Bourdon" qu'auré la medisha reaccion davant un tèxte en francés conhit de fautas autan grossièras. Ne devem pas, lhèu, aver la medisha exigéncia tà l'occitan com tau francés ? L'occitan ei ua lenga de segonda categoria qui òm pòt escríver aproximativament en un article destinat a un gran mèdia ?


Valora aquest comentari:   votar positiu 2   votar negatiu 3
Respondre comentari replica Comentari inadequat   Formulari d'abús de comentari

31 d'octòbre 22.48h

Occitània, Païses Catalans, sèm una nacion. Unitat d'Aran ? Per qué far ? Unitat occitano-catalan, òc !

#4 Los non-Occitans que parlan, legisson, escrivon e defendon l'occitan non se devon comptar milanta. Marçal Girbau escriu una dèca, d'aicí d'ailà e ziu ! Lo Bordon que crida a la desesperança davant la mediocritat ortografica e sintaxica finimondala d'aiceste Catalan de naissença. Mai que de chaupinar subre una error, d'aicí d'ailà, Mèstre Bordon deuriá congratular Marçal G... Legir la seguida


Valora aquest comentari:   votar positiu 11   votar negatiu 3
Respondre comentari replica Comentari inadequat   Formulari d'abús de comentari

31 d'octòbre 20.44h

Que's ditz: "respondre a..."

Léger un catalanisme-castelhanisme tan grossièr a la prumèra frasa que m'a descoratjat de continuar. Desolat. Girbau que deveré léger drin de literatura occitana entà apréner miélher la lenga nosta.


Valora aquest comentari:   votar positiu 5   votar negatiu 8
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions