CAPÇALERA: IEA-AALO
CAPÇALERA2: FAI-TE SOCI

Jornalet, gaseta occitana d'informacions

Dimars, 25 de junh

Marçal Girbau

Dijòus, 14.11.2013 03h00

Un enarc exemplar (I)


Comentaris 10 comentaris    
Dolent Fluix Bo Molt bo Fabulós (20 vòtes)
carregant En cargament


L’anticatalanisme que trobam dins lo mitan occitanista es talament afliegent coma la desconeissença que trobam en Catalonha a prepaus de l’importància de l’Euroregion pels territòris catalans e occitans. N’i a que pensan qu’Occitània non a res a fotre amb Catalonha e que sèm dos pòbles diferents. E n’i a que pensan que las euroregions non an cap d’utilitat. Paures d’esperit, los unes e los autres.
 
Curiosament, ont òc qu’an plan comprés tot d’un còp de qué es aquò de las euroregions e lors perilhs relacionats amb Catalonha e l’occitanisme, es a París. A Madrid non comprenon jamai res de res abans tres sègles.

La pròva incontestabla qu’a París o an plan capit nos la dona l’actual Inspector General de las Finanças francés, François Asselineau, pendent d’annadas adjunt de diferents govèrns conservators franceses. Asselineau se passeja per las franças en presicant contra lo procès d’independéncia de Catalonha e... contra las euroregions! Coma se foguèsse la tresena crosada, jol títol “Las euroregions: anam daissar destrusir França?”, aqueste enarc parisenc, qu’en 2012 aguèt l’intencion de se presentar coma candidat de las eleccions presidencialas, bastís un discors que va contra Catalonha e contra l’Euroregion perque, segon el, çò que vertadièrament se vòl non es pas bastir l’Union Europèa, mas d’afeblir los Estats-Nacion coma França e Espanha fins los escafar. Cap de mencion al desvolopament estrategic de l’Arc Mediterranenc coma pòl logistic d’Euròpa. Cap de mencion a las prigondas possibilitats de bastir un clustèr economic e de recèrca d’escala euroregionala sus aqueste territòri. Evidentament, se mencionèsse tot aquò li caldriá reconèisser que la vertadièra paur d’aqueste enarc es qu’arribe lo jorn que Tolosa e Montpelhièr non ajan pus besonh de París, ni de trabalhar amb o per París, mas per Barcelona.
 
E digatz-me, s’un Inspector General de las Finanças, consacra lo sieu temps a realizar de conferéncias publicas sens cap de vergonha, ¿qual se pòt creire a debon qu’en intèrn totas aquestas idèas sián un pensament minoritari entre los nauts comandaments franceses?





publicitat
BANER1-2-3: DGPL TRADUCTOR



Comentaris

14 de novembre 19.19h

Sabi pas, ieu, se « la vertadièra paur d’aqueste enarc es qu’arribe lo jorn que Tolosa e Montpelhièr non ajan pus besonh de París, ni de trabalhar amb o per París, mas per Barcelona. » Mas aquò's asseguradament lo mieu espèr ! E a plan rason d'aver páur, l'ariscle encarvatat, ja qu'es exactament çò mai logic e geograficament natural. Sens parlar de las afinitats culturalas electivas…


Valora aquest comentari:   votar positiu 10   votar negatiu 1
Respondre comentari replica Comentari inadequat   Formulari d'abús de comentari

14 de novembre 19.15h

« Allons-nous laisser les euro-régions détruire la nation ? » La question es plan mal pausada, coma de costuma. La bona question seriá fin finala : « Allons-nous laisser les euro-régions reconstruire les nation que l'impérailisme français xénophobe a délibérément tenté de détruire ? »


Valora aquest comentari:   votar positiu 13   votar negatiu 1
Respondre comentari replica Comentari inadequat   Formulari d'abús de comentari

14 de novembre 16.34h

E ben, cresiái pas legir un jorn quicòm sus Asselineau aquí ! :D

«segon el, çò que vertadièrament se vòl non es pas bastir l’Union Europèa, mas d’afeblir los Estats-Nacion coma França e Espanha fins los escafar» >> segon el tanben, l'Union Europènca es un complòt estatsunenc, e l'eurò tanben, per gardar lor dominacion monetària. Çò qu'es falç, l'eurò èra a dus dets abans la crisi de prene la plaça dels petrodollars per lo comerçi mondial d'idocarburas.

Quora vesi d'... Legir la seguida


Valora aquest comentari:   votar positiu 9   votar negatiu 2
Respondre comentari replica Comentari inadequat   Formulari d'abús de comentari

14 de novembre 12.14h

#6 Ah, espèra, vau ensajar quauquarren :

"Totes los Marçal Girbau fan de generalitats."

A veire se lo paradòxe fa plantar la maquina, sabèm jamai...


Valora aquest comentari:   votar positiu 15   votar negatiu 4
Respondre comentari replica Comentari inadequat   Formulari d'abús de comentari

14 de novembre 12.12h

#5 Es çò que me pensèri... Sabi pas m'onte l'es anat pescar aquel "anticatalanisme deis occitanistas".

Paureis occitanistas ! Per d'unei son tròp catalanistas, per d'autres son anticatalanistas... Se lei gents arrestavan de far de generalitats de son cas personau, bessai qu'aquesteis analisis de cepon de tavèrna nos serián espranhadas !


Valora aquest comentari:   votar positiu 26   votar negatiu 1
Respondre comentari replica Comentari inadequat   Formulari d'abús de comentari

14 de novembre 11.47h

"L’anticatalanisme que trobam dins lo mitan occitanista es talament afliegent coma la desconeissença que trobam en Catalonha a prepaus de l’importància de l’Euroregion pels territòris catalans e occitans. N’i a que pensan qu’Occitània non a res a fotre amb Catalonha e que sèm dos pòbles diferents. E n’i a que pensan que las euroregions non an cap d’utilitat. Paures d’esperit, los unes e los autres."

N'as pas pron de las escorcièras tròp aisadas a fòrça ?
Es pas perque... Legir la seguida


Valora aquest comentari:   votar positiu 21   votar negatiu 4
Respondre comentari replica Comentari inadequat   Formulari d'abús de comentari

14 de novembre 10.42h

Aquest diumenge passat vam anar a fer un tresc per les rodalies de Prats-de Mollo. Totes les botigues en francès, el jovent parlant en francés, gairebé tothom tret de qualques jais o vellards. Sort que encara els noms dels carrers i places hom pot veure'ls escrits en català.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

14 de novembre 09.41h

"qual se pòt creire a debon qu’en intèrn totas aquestas idèas sián un pensament minoritari entre los nauts comandaments franceses?"

Degun. E de tot biais qu'es 'n'ideia partejada dins los mitans nacionalista e sociauchauvinista : l'Euròpa es la fin de la França, l'Euròpa es lo chavau de Tròia dau capitalisme e las euroregions son un otis per demembrar França e impausar mai de liberalisme economic, mai de capitalisme.

Ren de nuòu. Los nacionalistas francés son totjorn a l'ofensiv... Legir la seguida


Valora aquest comentari:   votar positiu 12   votar negatiu 3
Respondre comentari replica Comentari inadequat   Formulari d'abús de comentari

14 de novembre 09.40h

#1 fals : Hollande era magistrat a la Cort dels Comptes (Cour des Comptes).


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

14 de novembre 07.24h

INSPECTOR GENERAL DE LAS FINANÇAS: lo primièr mestièr de F. Hollande...


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions