CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Divendres, 18 d'octòbre

Marçal Girbau

Dijòus, 12.12.2013 03h00

A tu, femna


Comentaris 11 comentaris    
Dolent Fluix Bo Molt bo Fabulós (11 vòtes)
carregant En cargament


Dissabte venent l’Ostal d’Occitània festejarà lo sieu seten anniversari. Set ans d’Ostal, set ans d’aqueste centre cultural occitanista emplaçat al bèl mièg de Tolosa, qu’a capitat de devenir lo punt neuralgic de la cultura occitana del País Tolosan e mai enlà: una vertadièra referéncia de gestion culturala e d’engatjament occitanista per Occitània tota. Soi convençut que totas las ciutats d’Occitània voldrián plan d’aver un lòc coma l’Ostal.
 
Per festejar aquestes set ans d’Ostal, se rendrà un polit omenatge a la cantaira ariegesa Rosina de Pèira. Aqueste omenatge vòl servir a l’encòp d’omenatge a totas las femnas occitanas, especialament aquelas qu’an la votz coma mestièr e qu’utilizan la lenga: las cantairas, las contairas, las poètas, las regentas, las professoras... e, perqué non, tanben las politicianas!
 
E aqueste article es per totas vosautras. Es per Rosina, l’espectaculara femna que nos canta en lenga nòstra dempuèi totjorn. Vos confessarai que quand la coneguèri demorèri qualques setmanas completament estabosit de constatar la fòrça, lo vam, la sensibilitat e l’elegància d’aquela femna. Solide qu’un fum de femnas voldrián arribar al sieu atge amb aquesta prigonda vitalitat. Qual non..?
 
Mas tanben per totas las autras. Per Francesa Daga, la mèstra de Rosina. Per Equidad Barres, per la perigòrda Monica Burg, per Martina, per la bearnesa Marilis, e per l’aranesa Alidé Sans. Totas seràn aquí dissabte per omenatjar la Rosina. E ieu vos prepausi de las omenatjar tanben a elas.
 
E tanben a tu, femna anonima. Òc, tu. Occitana, catalana, francesa, espanhòla, aragonesa o benlèu australiana. Tu, que nos legisses, ès l’espèr de la nòstra lenga. Car non coneissi cap de lenga que pòsca viure en tot èsser parlada sonque per l’un dels sèxes. Tu la fas vertadièrament viva. Uèi, donc, l’omenatge es per tu. A la tiá, femna!



publicitat
BANER1-2-3: DGPL TRADUCTOR



Comentaris

15 de decembre 23.44h

#8 Occitània Leopard Crrrrrreeeeeeeew!!!!!!
En fòrça!!!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

13 de decembre 22.21h

Per me far perdonar, sabetz perque una femna inteligenta se marida pas ?




Perqué s'aima mai d'aveire dos talhons de cambajons dins lo frigo qu'un porcelàs espatarrat sul canapé!


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de decembre 16.02h

# 7 Quina arrisèra ! E n'as d'autas atau ?

Lavetz a jo ara : e saps çò qu'ei un peish sense bicicleta ? Nani ?


Que t'ac disi : Qu'ei coma ua hemna sense l' òme.

E n'èi d'autas coma aquò, nat problèma.


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

13 de decembre 15.59h

#6 De qué ? I a pas pro de femnas legeiras del Jornalet ? Nos cal un quota alavetz, e sul pic ! ;)
#7 E ben francament… *sospir*

Senon, mercés Marçal mas… d'omenatge avèm pas besonh… sèm pas mòrtas ! :D


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

13 de decembre 01.08h

Coneissetz la diferencia entre una femna e una piscina?















Pas cap, còsta tròp car per lo pauc de temps que i passam dedins.


Valora aquest comentari:   votar positiu 2   votar negatiu 9
Respondre comentari replica Comentari inadequat   Formulari d'abús de comentari

13 de decembre 00.31h

Que saunejas, beròi!

N'as pas enquèra remarcat que i a ua cometatora per 19 comentators suu jornalet? ... Com au temps deu minitel ròse!!!!

Si vòs que lo ton omenatge sia lejut peus sons destinataris, hè un omenatge aus peluts d'Occitania, meilèu!


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

12 de decembre 15.59h

pasmens, a l'epòca que volèm apitar una estructura de premsa nacionala (ic capitèrem pas, e per mei d'una rason), l'Ostau d'Occitània nos avè refusat la sala. ne demandavam una, per un dishabte, per poder organizar l'encontra entre las gents interessadas, e los dirigents de l'Ostau ic refusèren per un motiu hòrt simple : dens l'intitulat deu nòste projècte, se parlava de jornau en occitan e d'esquèrra. argument imparabla : l'Ostau d'Occitània, estant apolitic, podè pas arrecúlher ... Legir la seguida


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

12 de decembre 13.57h

Som, som, vèni vèni vèni...

http://blog-trendy.letudiant.fr/brillante/files/2012/11/blabla1.jpg


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 de decembre 11.34h

Viva las femnas de mon país, pionièr en la lucha feminista


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 de decembre 10.41h

Pfff... Bons sentits e tota le siga liga. Compreni pas aquiths aunenatges liròis en un sèxe... N'i avossi 35, òc bé, mes bon aquí, ne n'am pas sonque dus, lavetz... har deu pausa l'i tot doç per quauqu'arren de binari, ne vei pas lo pit... E aqueth titre a la Jean Luc Lahaye o a la Julien Cler...


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Marçal Girbau

Marçal Girbau logo rss

Filològ e promotor cultural, especializat sus las relacions occitano-catalanas.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions