CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Dimars, 18 de junh

Hierro Setiembre

Dimècres, 21.3.2018 03h00

Guèrra als paures a còps de cròças de gòlf


Comentaris 2 comentaris    
Dolent Fluix Bo Molt bo Fabulós (6 vòtes)
carregant En cargament


Dempuèi 2014, la vila de Tolosa s’orienta en direccion d’una politica mai securitària amb la creissença de la preséncia policiala e de camèras de vidèo-susvelhança per atirar una novela populacion dins los barris populars.
 
Al moment d’un periòde de comunicacion, en setembre 2017, la comuna s’agradava de la bandison d’una centena de personas al camp de Ginestons. Après aver estat intimidadas, las populacions son estadas forçadas a partir, sens conéisser las possibilitats de relotjament. Mantuns son estats obligats d’acceptar las proposicions, en copant lo ligam social que avián dempuèi d’annadas.
 
Luènh de las preocupacions socialas, la comuna vòl sustot lo terren per lo balhar gratis als promotors per la construccion d’un gòlf e d’un terrenh de pòlo. Per la bastison i a una ajuda de 850 000 èuros del Conselh regional d’Occitània, de la comuna de Tolosa e tanben del Conselh departamental de Garona Nauta. La vila parla d’ecologia, d’équipaments vèrdes per totes, mas es sustot la consequéncia de l’alargament del procès de gentrificacion als barris populars de Tolosa, ja començat a Sant Miquèl e Sant Çubran, que punta al l’orizont.
 
La bastison d’equipaments per una populacion aisida e la construccion de la tresena lihna de mètro entre las fabricas aeronauticas e los Sèt Denièrs, va aumentar lo prètz del lotjament d’aquí pauc e forçar los mai paures a quitar lo barri.
 
Mai d'informacions sus IAATA.
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

22 de març 09.58h

1- Es, per ieu, inacceptable de voler far un gòlf o un terrenh de pòlò dins aquela zòna:
- d'un punt de vista social: son d'espòrts elitistas, reservats de fach (per las escotisons,etc..) a un pichon monde de pervenguts que lor agrada de se tornar trobar dins un "entre-se" blingbling
- d'un punt de vista ecologic- la consomacion d'aiga d'un gòlf es enorme e se pòt pas mai justificar a l'epòca que sèm.
A far quicòm, tant valria i amenatjar un espaci natural public

Aqu... Legir la seguida


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

21 de març 07.04h

Ginestós es un barri, negable de Garòna, envadit de gitanos, coma non o ditz pas l'article, que le quitan les abitants d'origine (legumaires), e que l'evitan les Tolosencs. La màjer part dels esquipaments publics del parc de Sequièra vesin i son desgradats regularament.
Es pas una politica de gentrificacion al sens sociologic.


Valora aquest comentari:   votar positiu 9   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Hierro Setiembre

Hierro Setiembre logo rss

Istorian de formacion, passionnat de literatura, musicaire e internacionalista

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions