Opinion
TESO: l’autre mot per dire gentrificacion
Lo tèrme de “concertacion” es a la mòda, en aqueste moment. Çò parlan sustot dins la toca de balhar l’impression d’una democracia efectiva e en bona santat, mentre que las decisions ja son presas.
Èra lo cas dins lo quadre de la reforma del dret del trabalh ont la concertacion n’a servit solament qu’a balhar una aparença de vitalitat democratica quand lo govèrn francés a tot getat al collector d’escobilhas e validat lo projecte amb ordenanças. Aquesta manièra de procedir es reveladoira de la concepcion de la democracia de nòstres edils nacionals.
Al nivel local, es parièr. Toulouse EuroSudOUest (Teso) es un projècte d’interès regropant sièis actors màgers: l’Estat francés, l’SNCF, la region nomenada Occitània, lo Conselh departemental de Garona Nauta, Tisséo e la metropòli de Tolosa. La tòca d’aquesta granda campanha es de profitar de l’arribada venenta de la linha a granda velocitat (LGV) que religarà Tolosa a París en quatre oras, per transformar lo barri de la estacion Matabuòu (Marengo, Bonafe) en un barri d’afars tot nòu dins lo qual se poiràn afairar fòrça mond plan penchenats, a l’ombra de la torre d’Occitània, floron del projècte de 150m de nautor. Las chifras reviran lo cap: 300 000m² de burèus e 50 000 m² de botigas de mai qu’ara, lo tot dins un atmosfèra climatizada jos la susvelhença de força camèras per securizar tota aquesta populacion. E totes los que faràn pas polit dins lo paisatge poiràn anar demorar endacòm mai.
A Tolosa, coma de pertot, lo procès de gentrificacion seguís son cors. Lo 13 març passat, los edils de la vila avián plan preparat lor còp de comunicacion dins una sala de la mediateca Cabanis, amb tres bèls ecrans per pas perde un bricon del projècte. Tanben avián pres lor precaucion amb un camion de policièrs que eran a la gaita al debàs, mentre qu’una milícia privada guaitavan las sacas a l’intrada de la sala. Tot èra previst mas èra sens comptar sus aqueles que lo projècte los daissarà abandonats, que compausavan una granda partida de l’assemblada, los que creson encara a la mascarada democratica, mas tanben los qu’an pas mai d’espèr en la discussion.
Pendent un ora e mièja, aqueles omes e femnas anèron enfonsar coma poguèron la mesa en scena de la marcha triumfala de l’areopag municipal. Al cop de cants e de crits, aneron far petar la mecanica municipala tota, en volent pas estar los borrats d’una reünion ont lo mot “concertacion” es pas mai qu’una figura de retorica per far créser que la paraula dels administrats es importanta mentre que tot es ja reglat.
Après fòrça rembalh e contestacion e la partida d’una granda partida de l’assemblada colerosa, la reünion podiá començar. Lo cònsol Jean-Luc Moudenc, l’urbanista Joan Busquets e los autres ensajavan de convéncer los que demoravan de l’interès del TESO pels tolosans e las tolosanas. Vist lo pauc d’aclamacion, òm es pas segur del succès de l’operacion. La seguida del projecte promet d’esser tumultuosa.
Per seguir l’actualitat dels opausants e opausantas al TESO: antiteso.noblogs.org.
Èra lo cas dins lo quadre de la reforma del dret del trabalh ont la concertacion n’a servit solament qu’a balhar una aparença de vitalitat democratica quand lo govèrn francés a tot getat al collector d’escobilhas e validat lo projecte amb ordenanças. Aquesta manièra de procedir es reveladoira de la concepcion de la democracia de nòstres edils nacionals.
Al nivel local, es parièr. Toulouse EuroSudOUest (Teso) es un projècte d’interès regropant sièis actors màgers: l’Estat francés, l’SNCF, la region nomenada Occitània, lo Conselh departemental de Garona Nauta, Tisséo e la metropòli de Tolosa. La tòca d’aquesta granda campanha es de profitar de l’arribada venenta de la linha a granda velocitat (LGV) que religarà Tolosa a París en quatre oras, per transformar lo barri de la estacion Matabuòu (Marengo, Bonafe) en un barri d’afars tot nòu dins lo qual se poiràn afairar fòrça mond plan penchenats, a l’ombra de la torre d’Occitània, floron del projècte de 150m de nautor. Las chifras reviran lo cap: 300 000m² de burèus e 50 000 m² de botigas de mai qu’ara, lo tot dins un atmosfèra climatizada jos la susvelhença de força camèras per securizar tota aquesta populacion. E totes los que faràn pas polit dins lo paisatge poiràn anar demorar endacòm mai.
A Tolosa, coma de pertot, lo procès de gentrificacion seguís son cors. Lo 13 març passat, los edils de la vila avián plan preparat lor còp de comunicacion dins una sala de la mediateca Cabanis, amb tres bèls ecrans per pas perde un bricon del projècte. Tanben avián pres lor precaucion amb un camion de policièrs que eran a la gaita al debàs, mentre qu’una milícia privada guaitavan las sacas a l’intrada de la sala. Tot èra previst mas èra sens comptar sus aqueles que lo projècte los daissarà abandonats, que compausavan una granda partida de l’assemblada, los que creson encara a la mascarada democratica, mas tanben los qu’an pas mai d’espèr en la discussion.
Pendent un ora e mièja, aqueles omes e femnas anèron enfonsar coma poguèron la mesa en scena de la marcha triumfala de l’areopag municipal. Al cop de cants e de crits, aneron far petar la mecanica municipala tota, en volent pas estar los borrats d’una reünion ont lo mot “concertacion” es pas mai qu’una figura de retorica per far créser que la paraula dels administrats es importanta mentre que tot es ja reglat.
Après fòrça rembalh e contestacion e la partida d’una granda partida de l’assemblada colerosa, la reünion podiá començar. Lo cònsol Jean-Luc Moudenc, l’urbanista Joan Busquets e los autres ensajavan de convéncer los que demoravan de l’interès del TESO pels tolosans e las tolosanas. Vist lo pauc d’aclamacion, òm es pas segur del succès de l’operacion. La seguida del projecte promet d’esser tumultuosa.
Per seguir l’actualitat dels opausants e opausantas al TESO: antiteso.noblogs.org.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Se lo sindròma Abbu Dhabi arriba a la vila mondina, Tolosa serà pas pus Tolosa.
peticion contra la Tor Occitania prevista dins lo projècte Toulouse EuroSudOUest (Teso)
www.change.org/p/non-à-la-construction-d-un-gratte-ciel-en-plein-centre-de-toulouse
Un projècte immobiliari d'una escala sense precedent se desvolopa a Tolosa dins una granda opacitat : la Tor Occitània. En mars de 2017, al Mercat internacional dels Professionals de l'Immobiliari (Mipim) de Cana, lo projècte de construire un gratacèl de 150 mètres de autura prèp de la gara ferroviària centrala de Matabiau foguèt anonciat per lo conse màger, president de Tolosa Metropòli, Jean-Luc Moudenc. Los Tolosans o aprenguèron per via de premsa, l'anóncia oficiala se faguèt sonque lo 13 de julhet de 2017.
La SNCF, asfixiada per lo deute de las LGV vendriá un tròç de la gara Matabiau a « La Compagnie de Phalsbourg », promotor-investissor per realizar un « Immeuble de Grande Hauteur » (IGH), que deuriá aculhir, subre 34 000 mètres carrats, una ostalariá 4 estelas, un restaurant, d’abitacions de grand luxe a mai de 7000 euros lo m2, de burèus per de multinacionalas e de comèrcis de luxe
Wow ! Òsca per aquesta accion ! Èri pas al corrent, e soi plan content d'aquesta informacion.
Lo projècte a l'entorn del barri Matabuòu es una catastròfa urbana per la vila, que se bastís a l'entorn d'una LGV qu'arribarà jamai. E tot lo monde a l'entorn, monde simple tanben, s'afana dins l'especulacion.
L'equipa municipala es incompetenta e se pavana dins de practicas anti democraticas. De "reunions publicas" secretas se debanan amb 20 personas (nomenadas "associacions" sens jamai mai de detalhs) al còr del ser que prenan de decisions a l'unanimitat al nom de la "collectivitat". Es aital que l'estacionament devenguèt pagant dins totes los barris periferics de Tolosa e que d'amentjaments urbans d'una intelligéncia dobtosa foguèron faches.
La cultura occitana a Tolosa es representada per Jean-Michel Lattes, que procedís ni mai ni mens amb las meteissas practicas que las del Pofre.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari