CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Iñaki Delaurens

Divendres, 24.5.2013 03h00

Er aranés non se tòque!!


Comentaris 7 comentaris    
Dolent Fluix Bo Molt bo Fabulós (21 vòtes)
carregant En cargament


Cara al sol con la camisa nueva que tú bordaste en rojo ayer, me hallará la muerte si me lleva y no te vuelvo a ver…”. Sone aguesta cançon ath temps qu’ua banèra se quilhe garròt en naut; es capelhans laguens des aules damb reglòts de husta longui e ampli entà mercar es dits des mainatges. Aguestes son dues des pòques abituds que manquen entà que, damb eth projècte dera naua lei d’educacion (LOCME) aprovat en congrès des deputats espanhòus, tornegam as temps deth fascisme. Ara vida en blanc e nere. Sustot en nere.
 
Acabar damb era immersion lingüistica ei aucir er aranés. Donques ua lengua que patís ua prauba preséncia enes mieis de comunicacion, ath pèrder volum enes escòles –deishar d’èster veïcular– non a cap de futur. Entà qu’er aranés contunhe viu, a de guanhar pes laguens e, sustot, dehòra dera Val. Eth mon a de gaudir de teatre, musica, literatura… e cultura aranesa. Ua lengua viua. Un legat que represente un país damb un còr mès gran qu’es des politics, periodistes, gestors culturaus, eca. que cerquen hèr desaparéisher un des nòsti tresòrs mès estimats. Non poiràn. Non les deisharam. A diferéncia d’eri, entre d’autes lengues, era nòsta votz cride en aranés.
 
I a personatges qu’actuen de manèra irresponsabla: eth senhor José Ignacio Wert per exemple. Artenhen dera educacion un esturment politic que passe peth dessús deth creishement des joeni. Non campen entà deuant, se non entà darrèr. Era religion recupère ua fòrta preséncia enes escòles; es Comunitats Autonòmes pèrden capacitat de decision a rason de mès contròl per part deth Ministèri; i a mès alumnes per aula, çò que compòrte un aprenentatge precari e ua congelacion deth numèro de professors en caumatge; se sage finançar era educacion en castelhan en centres privats as mainatges qu’ac demanen e dempús descompdà’c ara Comunitat Autonòma. Surrealista.
 
Deuant dera escapada de cervèths a cistelhades des darrèrs e pròplèus ans, eth ministre sage de baishar eth nivèu de competitivitat des alumnes laguens der Estat Espanhòu, entà qu’aguesti non trapen trabalh dehòra. Demore un futur prometeire. Ath delà d’aguesta setau reforma educatiua, que pera sua naturalesa impulse ua ueitau, tot apunte qu’es politics de Catalonha non implantaràn eth nau tèxt entà contunhar coma enquia ara… Damb er aranés ben viu enes escòles.



publicitat
BANER1-2-3: DGPL AN LAFONT



Comentaris

29 de setembre 21.06h

Creigui que mos anarà planben seguir en Catalonha e en Espanha. Auem ja vist com a desapareishut era lengua e cultura vernacula ar aute costat dera termièra. En Espanha s'an respectat es lengües regionaus. Ei evident qu'eth catalan e er aranés, atau coma eth galhec e eth basc se conserven, s'ensenhen enes escòles e son presents ens es mejans de comunicacion deth país. En Jornalet pòs liéger articles en gascon o provençau e açò ei bon. Mès sonque que passes a Hòs t'encuedaràs qu'er... Legir la seguida


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

21 de junh 15.34h

Es aranesi an de lutar com es catalans pera sua libertat. E adara ei eth moment. Toti amassa euem de bastir ua naua república,

Era República Confederal de Catalonha e Aran.

Damb dus lengas oficiaus: occitan e catalan. Sonque atau poirem sobrevíuer as espanhous toti es que non ac èm pas , d'espanhous.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

25 de mai 13.01h

Estar dehens d'Espanha qu'ei la mort de la cultura d'Aran


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

24 de mai 11.17h

#2 La posicion de Boya e d'UA es logica. UA es liat au Partit socialista (PSC en Catalonha e PSOE en Espanha). Lo PSC es pas per l'independéncia. Adonc UA tanpauc.


Valora aquest comentari:   votar positiu 6   votar negatiu 4
Respondre comentari replica Comentari inadequat   Formulari d'abús de comentari

24 de mai 10.04h

http://democraciaoccitania.blogspot.fr/2013/05/que-joga-lo-partit-occitan-en-aran.html tot èra en preparacion aquí ... ai pas publicat ambe la redaccion de dimècres passat.


Valora aquest comentari:   votar positiu 1   votar negatiu 3
Respondre comentari replica Comentari inadequat   Formulari d'abús de comentari

24 de mai 09.55h

#1 Òc. Mas en Val d'Aran tot es pas negre e blanc.

Avem aicí la posicion de Francés Bòia ò Paco Boya d'Unitat d'Aran, que a ma suspresa, sembla èstre opausat a l'independéncia d'Aran, e Catalonha.

Mas dèu degunament escondre las òbras grandas de Convergéncia aranesa (aliança ambé CiU) de Carle Barrera, Àlex Mòga, ecc. e quitament d'Esquerra republicana occitana (ERO, aliança amb ERC) de Socasau, ecc.

Los occitans de Val d'Aran son tanben minorisats. Mens que los occitans cos... Legir la seguida


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

24 de mai 09.00h

Veig que no parleu enlloc de la intervenció del senador i ex-síndic d'Aran Francesc Boya ahir al senat espanyol, on va defensar la pertinença a Espanya, amb frases com "la singularidad territorial, histórica y política del Valle de Aran y con ello el esfuerzo histórico del pueblo aranés por preservar su pertenencia a la Corona catalano-aragonesa y al Reino de España" (vaja, que han fet esforços per seguir sent espanyols... Gràcies, home, amb "amics" així, els catalans no necessitem ... Legir la seguida


Valora aquest comentari:   votar positiu 17   votar negatiu 9
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Iñaki Delaurens

Iñaki Delaurens logo rss

Licenciat en Periodisme e Torisme. Damb er objectiu d’especializar-se en Nau Periodisme damb es ans, escriu tath Jornalet conscient dera importància der aranés en entorn sociau e comunicatiu dera Val d’Aran.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions