Bandièra01 1180x150: Comuna de Tolosa

Opinion

Lunetes de solei sense plaja

Iñaki Delaurens

Iñaki Delaurens

Licenciat en Periodisme e Torisme. Damb er objectiu d’especializar-se en Nau Periodisme damb es ans, escriu tath Jornalet conscient dera importància der aranés en entorn sociau e comunicatiu dera Val d’Aran.

Mai d’informacions
Adiu ara dimenjada en Salou. Me cau èster ena mesa electorau de Les. Mès aquerò non signifique un empach entà gésser pera net. Non la pogui pèrde a rason de quate cuques coishes que marcharàn a Brussèles tà meter-se 8000 èuros ena pòcha ben caudets. Cante eth poth. Es lunetes de solei hèn part deth mèn organisme enquia ben entrada era vrespada de dimenge. O çò qu’ei de madeish, quan es uelhs s’acostumen ara lutz naturau.
 
Entàs nau e pòc deth ser s’acabe eth teatre. Non m’interèsse conéisher pas qui guanhe en Les o quinsevolh aute lòc. Non creigui en aguestes eleccions. Pòt èster perqué enes darrèri cinc ans es uniques noticies qu’è agut des eurodeputats s’an concentrat en darrèr mes. O tanben perqué Euròpa ei massa aluenhada dera nòsta realitat, aumens dera mia. Qui sap?
 
Dempús de discorsi pendent era setmana en tot lançar lordèra d’un costat ar aute en disparièrs mejans de comunicacion, que sonque remarquen era decadéncia deth sector en tot renonciar ath jornalisme en favor d’un entorn mediatic, aguest article sage de compdar es principaus resultats enes pòbles dera Val d’Aran sense interpretacions des numeròs. Non pensi qu’aguestes eleccions s’ac meriten… Ne tanpòc sabi perqué sò escriuent d’eres.
 
Arres. Eth PP damb sèt guanhe dus vòtes des resultats de 2009; CiU pèrd tres e n’artenh sies. Bausen. ERC passe de zèro en 2009 a sies vòtes; CiU en pèrd ueit e se demore en quate. Bossòst. PSC baishe de 143 a 97; e eth PP, de 110 a 75. Canejan. Es socialistes van de 19 a 12; e eth PP manten es madeishi ueit vòtes. Es Bòrdes. CiU, de 31 a 13; PSC se manten enes madeishi 17 de 2009. Les. Eth PSC passe de 98 a 82 vòtes. E CiU artenh 52 deuant as 43 de 2009. Naut Aran. PSC de 140 baishe a 79; CiU tanben en pèrd: de 122 a 117. Vielha e Mijaran. CiU puge de 294 a 312; e PP de 362 a 243. Vilamòs. De 15 a 17 en CiU; ERC guanhe de un a nau vòtes.
 
Sonque son numeròs. Ara, cada partit harà era sua lectura en tot pensar enes municipaus der an que ven. Aqueres mobilizen a mès aranesi. Dilhèu perqué se pòt considerar que son mès importantes enta un futur immediat dera Val d’Aran. Aumens, dempús des eleccions, per manca de mejans, non calerà escotar interpretacions dehòra de lòc —òc, coma aguest article, per qué non?—… Mès tostemp i aurà es hilats sociaus. Siguen quan siguen e guanhe qui guanhe, demori que non me tornen a hèr a pèrder ua dimenjada ena plaja.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pèr
1.

Perpausi de cambiar:

BrussèLLes
notÍcies
numÈro
sò À escriURE SUS eres
ArrÉs

  • 1
  • 2

Escriu un comentari sus aqueste article