CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Divendres, 2 de decembre

Joan Claudi Puech

Dijòus, 30.4.2015 03h00

Quora s’afina lo degalh dau capitau naut dins Leberon


Comentaris 9 comentaris    
Dolent Fluix Bo Molt bo Fabulós (6 vòtes)
carregant En cargament


Fai de decadas ara que lei vilatges dau Leberon son assetjats per dei ricàs dau monde tot e subretot per dei fortunas dau monde de l’economia ultra liberala.
 
Basta, barlinga-barlanga una vida se faguèt, leis mestieraus, aquelei qu’an subreviscut, trobavan una practica que pagava, leis agéncias imobiliàrias espeliguèron... e la paurilha s’anavan lotjar dins lei vilas dau defὸra... Ara te va ti pas que sota escampa de s’integrar un pauc mai dins lo país, d’unei d’aquela comunaut te dison qu’ara es temps per tu e tei pichὸts de parlar anglès, e que lo melhor, per tu e tei pichὸts, ben de segur, es d’installar dins l’escὸla dau vilatge (80 escolans) una escὸla internationala d’immersion en Englès! Per que lo monde pitan au musclau te fan assaupre qu’aquela escὸla (adonc privada) serà a gràtis per lei “locaus” coma dison.
 
Te fan la promocion de l’ensenhament per immersion de l’anglès: referéncia porgida de McDo que s’amerita pas la reviradura en occitan: “Les partisans de l’école en immersion soutiennent que l’apprentissage d’une deuxième langue est une préparation précieuse afin de participer à l’économie mondiale”. Zὸu, tei pichὸts defὸra a l’internacionala! Mai lo monde d’aicí, bota, cocanha! Mon enfant serà bilingüe tre que rintrarà au collègi! Ges de problèma per fὸrça monde que veson pas mai que son interès personau e pas mai luench que lo bot dau nas. Ges de problèma per la municipalitat (a despart de ieu) que veson lei dardenas e l’esparnha, e benlèu la renomada (Escὸla Internacionala de Menerba, Lubeuuuuron!).
 
Per l’escὸla rurala de Menerba es la barradura d’una classa! (Per començar). Per l’escὸla dau vilatge vesin de Lacὸsta es la barradura! (doas classas) per lo vilatge vesin d’Oppeda es la barradura d’una classa. Ieu ai una ben melhora prepausicion, sensa “business plan work”, bὸrd que son en França an que de n’aprofichar per aprene lo francés per immersion! E l’occitan per lo demai!



publicitat
BANNER1 - OPLO erasmus



Comentaris

22 de julh 00.47h

Ajuste enfin, que los còrses mai los bascos an benlèu rason. De còps que i a, los metòdes emplegats son violents, vai ben ! Mès, sus lo fons, lurs revendicacions son legitimas e veson clar.

Fin finala, es una guèrra als pòples qu'es declarada, una guèrra que taisa son nom.

Mès nautres, occitans, sèm pas violents e, vist qu'avèm pas gaire de consciéncia collectiva, auràn lèu fach los autres de ganhar la guèrra e d'epurar Occitània de tot endigena, adonc de tota consciéncia ide... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 de julh 00.28h

A ! Que me fasètz plaser d'atalar tau subjèct. Se vei que sèm pas pus en cò nòstre.
Autrament, son pas d'autres qu'empausariáun sa cultura e son biais de pensar.

Save ben que lo travalh s'atròva pas pus dinc los vilatges d'onte èron sortidas nòstras familhas.
Mès, digatz, monde dau país, èra una rason, cresètz, per enmandar vòstres parents dinc un estau de retirada, e vendre puèi lo patrimòni familhau ? Sètz los prumièrs de vos planhir que " Le patrimoine FRANCAIS s'en va aux... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 de mai 22.34h

It iz possibòl...

http://m.aquodaqui.info/Lo-TGV-religa-Marselha-a-Londres_a872.html


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 de mai 10.26h

Un ex. 'scolaro: a Drap o Niça i a plus de Calandreta (nan sabo s'i a de cause per 'a pedagogia Montessori o Freinet aicí) .

Quitament 'a famosa scòra d'aquel tip "École des champs" de Drap barrèt... Avia de succés mas aguèt un problèma de gestion pareishe.

'E gentes interressaie per aquel biais d'ensenhar venian de pertot dau departament, de Mónego, e mai.
Despuèi i es una scòra que "pilhèt 'o relais" una scòra anglofòna pròche 'o pòrt de Niça qu'a de busses que mèna d'enfa... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 de mai 09.52h

#3 "Tot aquò dich, en cu s'apren la fauta ? Per crompar un ostau, fau ben aguer quauqun que decidigue de lo vendre, pas'rai ?"

Aaaa, un debat que torna mas de fons.
A cu la fauta?

Bòn, lei rasons que fan qu'una persona vende son multiplas :

sensa enfant (pensi ai païsans vièlhs garçons mas pas solament) que s'an un nebot, aquesto es taxat a 70% sus la transmission, solucion donca vendre

drechs de transmission tròups cars, cf. çai-subre e una familha anciana dau Suquet (Cana) se pòu... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

30 d'abril 14.12h

#3

M'imagini ben que mon caire es pas lo pièger, coma o me fas remarcar.
Es una bona question la que pausas, essenciala: a qui la fauta?

Pensi pas que se pòsca acusar las individualitats. Per ieu, la responsbilitat es globala e politica. Tenem pas en man nosautres los espleites per gerir nòstra destinada. Doncas, d'autres, los que tenon aquestes espleits, o fan a nòstra plaça dins un sens que va pas cap al nòstre interés:


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

30 d'abril 13.29h

#2 Mon paure, se la situacion en país audenc te sembla afrosa, deuriás anar veire devèrs la costiera niçardo-provençala ò la costiera basca per te rassegurar tot d'una. Lo còr dei vilatges ailà es pas mai proprietats de personas originàrias dau caire (empacha pas la cultura basca d'èstre encara pron viva, me diràs)...

Lo pus piétger, deu èstre lo vilatge dei Baus, patrimòni au còp arquitecturau, culturau e literari d'Occitània. Ailà, lei ostaus vièlhs dau còr dei vilatges so... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

30 d'abril 12.56h

Ençò mieu tanben se passa çò meteis: los franceses son venguts en massa de la region parisenca, sovent de retirats. Son arribats aquí amb un poder de crompa parisenc. An fait pujat lo prètz del mercat immobiliari a un nivèl indecent.

La consequéncia es que los del país, que vivon amb de salaris minims pòdon pas pus crompar d'ostals e se demòran dins las HLM. En forçar lo trèt se poiriá gaireben dire que dins ma vilòta, i a doas societats: los occitans que vivon dins los vièlhs ... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

30 d'abril 08.17h

Ben dich.
Lo fenomèn lo vegueriam ja sus la "Queut' d'Azur"!
S'espandisse...


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Joan Claudi Puech

Joan Claudi Puech logo rss

Joan Claudi Puech, nascut en 1962, es escrivan e institutor a Menerba (Leberon, País d’Ate)

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions