CAPÇALERA: OPLO Licèu
CAPÇALERA2: Botiga

Jornalet, gaseta occitana d'informacions

Diluns, 29 de novembre

Joan-Cristòu Dourdet

Dimenge, 14.11.2021 03h00

Deploracion e celebracion de la mòrt dau Lemosin


Comentaris 32 comentaris    
Dolent Fluix Bo Molt bo Fabulós (39 vòtes)
carregant En cargament


Vandenhoeck




Mon país es mòrt, empejat dins la gema dau pinhiers, preda daus pitits borgés cafauds qu'an mas per modele la civilizacion urbana venguda dau monde borgés d'a París e de totas las metropòlis liberalas que laissen pas de sosmetre lo pitit pòple de las campanhas o daus barris populars de las vilas. Mon país es mòrt, nejat dins los piegs avatars de la pseudo modernitat. Mon país es mòrt en presa aus elegits corromputs qu'an obludat la cultura de lors reires, qu'an pertant d'enguera la gaulha que jaspís a lors suliers. Mon país es mòrt dins sa linga de pacans, 1200 ans de tradicion, mespresada dins sa fiera literatura, fuguessa orala o escricha, tot coma si ren aviá pas jamai existit.

Maudisse la modernitat liberala qu'accultura tot, que viu mas en assimilar tot çò que tòca, tot coma un virús que se replica a l'infinit, 'n ersatz de civilizacion qu'espotís tot sus sa via, bulldozer esbolhaire de las armas e dau quite eime lemosin. La modernitat, l'auriá chaugut saubre dondar, l'aprivar e l'espurjar de tot productivisme e consumerisme e mas ne'n gardar los progrès sociaus e sanitaris.

Me sauretz dire qui, aura, se'n vòu tornar ad un biais de viure pauc que pro pacan (que siá de la campanha o de la vila, que crese, coma Micheu Chapduelh, que l'i aviá tanben daus païsans de la vila) quitament en conservar çò que la modernitat a menat de bon? Non gran, lo monde son nejats dins lo consumerisme, dins los malhums sociaus, coma de las moschas 'trapadas dins la 'rantela daus GAFAMS - quilhs gigants predators e anientadors - empreisonats dins la societat de l'espetacle e dau divertiment, tau que coneissen ren pus dau país, sauriàn pas nommar p'una béstia daus prats e de la forest, p'unas plantas que resistissen tant que mau per subreviure maugrat los pesticidis (60% de perda de la diversitat per chas nos), non, queu monde saben ren pus, mos quites amics qu'an frotjat en país lemosin an perdut la memòria o belament; saben gran ren de çò que lo monde nos mena de brave e de terrible, son en som, lobotomizats coma dins lo Melhor dau monde, clonats, viven tau de las babòias descerebradas. La Marcela Delpastre l'aviá desj̀à dich mai chantat en poësia, Lo País mòrt (Saumes pagans), resta mas ne'n far 'na mòrt gloriosa, celebrada, 'n'epifania. Melhau ne'n a fach de las bravas chantadas dins lo Diable es jos la pòrta. Ieu pure mas grandas-mairs, pure mon beu-pair, pure la mòrt dau Lemosin, restaràn mas las òbras de nòstres artistas mas que nos las esfaçan pas tanpauc, puei que demòren totparier mau conegudas, que la civilizacion liberala pòt pas sufrir deguna concurréncia. E emb la granda Occitània, de Niça a Baiona, de Narbona a Montluçon, dau monde auriàn la pretencion de sauvar lo Lemosin (e d'autres país d'òc) dins sa linga e dins sa cultura, mas me sauretz dire çò qu'un pòt esperar emb tau 'n apròcha tant asbtracha? Lo Lemosin crebará e qu'es pas en eissaiar de sauvar 'na miserabla modalitat d'occitan meridionau venguda se-disent referenciala, eisida de l'esperit d'un paubre bogre daus alentorns de Carcassona que coneissiá ren au Lemosin, que li serviá mas de domeni d'extension, que podrá quauqua ren a la mòrt dau Lemosin, mon país es desjà mòrt. Escrisse mas aura per celebrar la mòrt dau Lemosin. Vive mas per contemplar la beutat e l'orror dau monde. Qu'es pas mas lo Lemosin qu'es mòrt, qu'es lo monde tot. Mas qu'una meteorita o 'na catastròfa nucleara esbòlhe queu monde! Me fará pas degreu, manca per los èssers, crestians que béstias, qu'an ren damandat e l'i son tròp per ren. Que m'anientisse tanben, ai pus ren a far dins queu monde. Segur, l'enja umana sirá pro sabenta per s'anientar e anientar tot lo vivent dins son hubris, ne'n dobte pus.
 
 
abonar los amics de Jornalet

 



publicitat
BANER2: OPLO liceu



Comentaris

16 de novembre 22.06h

Adieu-siatz, coma podem pas laissar de comentari jos l'article de Domergue Sumien, escrisse un pitit quauqua ren aquí. Voliá nonmàs dire que sei pas dau tot en desacòrd totau coma/emb Domergue Sumien sus son analisi sociolinguistica dins son article de responsa au meu. Qu'es 'rai que l'i a un conflict linguistic e que ne'n ai pas parlat dins mon bilhet de deploracion e de lamentacion. La sociolinguistica, catalana e occitana notadament, d'Aracil a Lafont (e puei avant, Labov; e puei tanben ... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de novembre 18.42h

Coma es pas possible de daissar de comentaris a l'article-besson de Domergue Sumien al sicut del Lemosin, tant val o-far aici.
Vaqui, soi plan d'acòrdi amb l'argumentacion del sénher Sumien, es justa e plena de bon sens. Mas ailàs doblida un pichonèt detalh qu'anequelis completament tot aquel bèl rasonament : es qu'al sègle vint-e-un, levat dins los libres e dins Jornalet, l'occitan es malaürosament vengut una lenga mòrta.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de novembre 18.08h

#30 Emai qu'ara siague practicament escafada dins l'Estat francès, es vertat que la lenga occitana es totjorn plan viva al sud de las Pireneias ont se sona puslèu lo "catalan" , emai s'es ni mai ni mens que la meteissa lenga.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

16 de novembre 13.03h

Lo Lemosin es mòrt, coma Occitània tota. Foguèt un sòmi bèl que venguèt pas real. Monsur Oc : R.I.P.


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

16 de novembre 12.57h

#23 Tè, ara te sonas pas pus "l'amicus al macronàs" ?


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

16 de novembre 12.44h

Bolegan ben tròp tots aqueles mòrts ! Saique n'an encara de causas de dire !


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

15 de novembre 23.11h

#23 Cara't Joan Peiroton. Qu'ès tu l'illuminat qui volèvas que l'aranés estosse l'occitan estandard, autes còps, en lo ton Blòg. Arrés ne't seguiva pas. Tots que s'arriden de las toas lubias. Que t'avem arreconeishut.


Valora aquest comentari:   votar positiu 23   votar negatiu 1
Respondre comentari replica Comentari inadequat   Formulari d'abús de comentari

15 de novembre 23.04h

#12 Ba, Melhau es reborsier mas a 'chabat per 'chaptar 'na veitura. Quel argument coma qué los que tròben en dire sus los meschants costats de la modernitat (pas pas tots), es sovent l'argument de los que fan ren per limitar lor emprenta e aimen mielhs ostracizar los que fan quauqua ren. Tant qu'au pessismisme, qu'es pusleu un biais de veire esclarat sus la fin dau monde païsan, la civilizacion agrària diriá Melhau.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

15 de novembre 22.40h

#11 D'efiech, "qu'es ben ren la mòrt". Omatge aus tanatofiles realistas que som en Lemosin

Som ben mòrts

Jan dau Melhau

Pestelen lo dalh de la mòrt, pin, pin, pin...
E fialen lo dalh de la mòrt, balirta balarta...
E ben segur, de rason, la mòrt es 'qui...
Pas tant òrra, mas la mòrt tot parier.

E tota faiçon, degun la tòrna pas coneisser.
Los que la sabian tornar coneisser son mòrts,
Los que li sabian parlar son mòrts,
Los que la sabian avesar son mòrts.
E la mòrt pas tant òrra... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

15 de novembre 21.50h

#3 Lol, Arrés non segueishen las ''preconizacions'' d'estandardizacion en Gasconha ! Lo monde que se'n foten beròi! Tots los locutors de qui coneishi que se n'arriden d'aqueths enluminats e de las lors tintèinas, sovent escriutas en maishant gascon sus jornalet!


Valora aquest comentari:   votar positiu 11   votar negatiu 17
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3
-
4 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Joan-Cristòu Dourdet

Joan-Cristòu Dourdet logo rss

Ensenhaire-cerchaire en linguistica e afogat d’occitan. Milita per la causa animala e minja pas mai charn que peisson, produchs dau lach o ben uòus (se pòt dire que es vegan)

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions