A Cara a Cara sus OC TV diguèri:
   
E a la seguida de l’intervencion de l’entrevistaire  diguèri plan:
   
De mai en seguida lo responsable es nomenat, lo ministre Fillon e son estrategia de liquidacion das lengas regionalas au segondari.
 
Pensi que devèm tirar l’alarma sus la situacion qu’es marridassa. Se disi que la situacion del caumatge es un desastre es pas una ataca contra lo monde que trabalhan a Pòle Emplec! Aital per l’ensenhament.
 
Ai pas jamai atacat los professors d’occitan, e encara mens los del segondari que, coratjosament, fan çò que pòdon dins una situacion marridassa. Tota la fin de mon entrevista es justament un plaidejadís per una accion qu’a coma amira d’alimentar l’universitat, d’i menar de joves formats amb un naut nivèl de lenga.
 
Se parli de desastre generalizat au segondari, e mai que mai al licèu, es que las chifras oficialas o dison plan
   
S’èran de chifras d’una associacion serián estimablas, mas per l’Estat es miserable.
 
Los universitaris d’òc trabalhan plan, mas dins lo futur sense estudiants, poiràn pas faire res!
 
Es clar que diguèri pas que ara la fac es mòrta mas qu’es a morir se fasèm pas res de fòrt. Es un imperatiu d’accion!
 
Diguèri que la prioritat es de l’alimentar de joves formats coma cal.
 
Diguèri plan que la situacion malastrosa del segondari es la resulta d’un politica e d’un ministre precis, Fillon, amb sa lèi de 2005.
 
Vòl plan dire que la responsabilitat va pas als professors del public, que son clavats per una politica  d’Estat.  Los responsables son de segur los  governaments.”