CAPÇALERA: VAU SERENA

Jornalet, gaseta occitana d'informacions

Diluns, 25 de mai

Joan-Loís Blenet

Dissabte, 4.4.2020 03h00

Rapòrt  de  fòrças


Comentaris 4 comentaris    
Dolent Fluix Bo Molt bo Fabulós (5 vòtes)
carregant En cargament


Amb la discutida de la Lei Molac mesuram lo rapòrt de fòrças per las lengas regionalas. Un primièr constat: ara la quasi totalitat dels grops parlamentaris son per las lengas e ne fan lo laus. Una excepcion: la France Insoumise que son orator faguèt lo laus del rei Francés 1er, diguèt que los problèmas son de quimèras e demandèt d’arrestar de las defendre. De segur la F.I. serà nominada pel Prèmi Trump de la Denegacion Ecologica. Segon ensenhament: la tactica dau governament. Coma ara marcariá tròp mau de refusar del tot la Lei an començat per la voidar en Comission: regèt de 7 articles de 10. Tot çò de l’ensenhament. En sesilha publica lo Blanquer faguèt un numèro plan risolièr. D’un costat de declaracions d’amor per nòstras lengas, de l’autre a cada còp un “Avís desfavorable dau governament”. Lo ton a cambiat mas demòra una denegacion a la sovietica de la realitat de son accion calamitosa. Se parla d’el per la Medalha Bolsonaro de la Destruccion Patrimoniala. La majoritat patiguèt plan per ganhar contra l’ensenhament. e se manquèt d’una votz que l’immersion sià votada. Una soleta votz! Aquò remanda a la flaquesa occitana. Auriam costat òc lo quart del nhac breton o alsacian i a bel temps que la Lèi bèla que nos cau seriá votada. Fin finala aquò bolega e avançam fòrça.
 

 
abonar los amics de Jornalet
 



publicitat
BANER1: AOF



Comentaris

6 d'abril 16.19h

Per qué Jean Louis Blenet, evòca pas lo sosten que Calandreta recebèt aquel jorn per la Menarda?


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

5 d'abril 14.17h

Es mai qu'important de formar de generacions d'occitanistas, fins a aver de deputats occitans pro conscientizats per votar una lei per l'occitan. Es per aquò que los jacobins vòlon anticipar la mòrt totala de l'idea occitana. Mercés a Pau Molac e als elegits que lo sostenguéron. Mercés tanben als occitanistas que l'ajudèron.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

4 d'abril 18.34h

Lo sovietisme non es lo communisme e Mélanchon non es a el solet la constestacion marxista del sistèmi capitalista. Per contra, Blanquer, el, si qu'es neoliberal, e que ne crabam…


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 d'abril 17.43h

Òsca !


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions