CAPÇALERA: MACAREL

Jornalet, gaseta occitana d'informacions

Dissabte, 30 de mai

Joan-Loís Blenet

Dissabte, 18.4.2020 03h00

“Tapas” d’occitan


Comentaris 8 comentaris    
Dolent Fluix Bo Molt bo Fabulós (19 vòtes)
carregant En cargament


Las revistas literàrias son a la literatura çò que las “tapas” espanhòlas son a la restauracion. Un biais de tastar de tot, de faire de fantasiás gustativas sens se conflar. S’i trapa de tot, novèlas e poesias, criticas, fulhetons, amai mai. Lo tot d’autors plan coneguts o tots novèls. An una autra qualitat: vielhissan pas, son tostemps regalantas. Es una diferença bèla amb las revistas de debat ligadas a l’actualitat. Un poèma bèl es etèrne coma un tèxte bèl. Ne trapar subran un, es coma lo delici d’una majofa sauvatja trapada per camin. Aquelas revistas son los laboratoris de la literatura d’una lenga, amor que los autors joves i fan sas primièiras publicacions. Per aquò son mai que preciosas, indispensablas. En occitan n’avèm tres portadas per de fonduts de lenga e de literatura. Son de nauta qualitat e chucosas. La mai anciana es Reclams creada en 1897. Es gascona mas dobèrta a totes los parlars d’òc. Per internet es la mai modèrna que dona de legir en linha. Avèm tanben la revista Òc de grand prestigi istoric. Es la mai poetica e fòrça dobèrta a las autras lengas. Enfin Lo Gai Saber de l’Escòla Mondina de Tolosa. Se definís coma revista culturala e publica d’articles pro variats, de la tradicion umanista que bota la sciéncia dins la cultura. Las librariás tampadas, podètz pasmens comandar de bona escritura d’òc que La Poste mancarà pas de vos portar. Plegarem pas macarèl!
 
 
 
abonar los amics de Jornalet
 
 


 



publicitat
BANER1: AOF



Comentaris

25 d'abril 12.40h

#1 Adiu Johnny

Donc la revista Reclams qui animi despuish uas quantas annadas dab Maurici Romieu, Joan Luc Landi, Eric Gonzales, e plan d'autes, que s'auré perdut l'eslama e lo son nivèu que seré hèra baish. Perqué non ? Mes condamnar shens instruíser e jutjar — qu'ei a díser portar las pròvas qui permeteràn a la jurada o au jutge de comdamnar a de bonas — que relhèva de l'acús shens pròva o tà estar drin provocator de la difamacion... Donc, puish-a qu'ès mèste deu cèu e d... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

20 d'abril 15.49h

Tot çò que ditz aquí Joan-Loís Blenet me sembla aquí positiu, equilibrat, just, senut e justificat. Qui es pro nèci per "jogar" a lo notar sonque "una estela", coma se tot çò que disiá foguèsse necitge ???

Lo Diari non es una revista literària, mas un (polit) butletin cultural, çò que non èra lo subjècte aquí abordat.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

20 d'abril 15.46h

"Gai saber que perpausa ua mesclanha occitano-lengadociana inacceptable" ? Abans de parlar d'un contengut literari, o cal legir. E personalament, tròbi ieu que la nocion de "mesclanha occitano-lengacociana" conten una fòrta propension al racisme nèci e indigne de la cultura occitana, que dins Gai Saber coma endacòm mai, s'espandí plan segur de Còni e de Guàrdia Piemontese a Baiona e de Gueret a Leucata, per non pas dire, segon mon còr, de Gueret a Guardamar…


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

19 d'abril 12.39h

#4 Sètz segur d'aver ja legit Lo Diari? I se parla pas brica de l'actualitat de l'IEO (mentre qu'es facha per una seccion regionala d'aquela associacion), es una revista plan dobèrta! I avètz de cronicas que parlan de jòcs vidèos, de cosina, de sciéncia e patin cofin. Los e las que contribuisson al Diari son joves, aquò càmbia de las vièlhas caras de l'occitanisme... Per ieu, son pas de militants e lo ton es pas brica militant o aleiçonaire.


Valora aquest comentari:   votar positiu 23   votar negatiu 8
Respondre comentari replica Comentari inadequat   Formulari d'abús de comentari

19 d'abril 12.11h

Ieu tròbi lo diari tròp occitano-occitanista, fach pels militants, pas mai.


Valora aquest comentari:   votar positiu 10   votar negatiu 20
Respondre comentari replica Comentari inadequat   Formulari d'abús de comentari

18 d'abril 17.52h

''Per internet, Reclams es la mai modèrna que dona de legir en linha''. Vertat mas i a tanben una autra revista mens literària que se pòt legir en linha: Lo Diari, publicacion de l'IEO Occitània-Pirenèus-Mediterranèa. Existís a l'encòp en version papièr e tanben amb un site internet de qualitat: https://lodiari.com/ Es la revista en occitan que mai m'agrada: i se parla de tot en occitan e subretot, desbremban pas los joves ! Lo Diari s... Legir la seguida


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

18 d'abril 12.11h

Qui es tu, Johnny, arlèri american o anglés de Tolosa, per jutgar los occitans que trabalhan ambe revistas de tria per espandir la cultura occitana ?


Valora aquest comentari:   votar positiu 12   votar negatiu 15
Respondre comentari replica Comentari inadequat   Formulari d'abús de comentari

18 d'abril 10.42h

- Que hè annadas que s'an perdut l'eslama los de Reclams. Lo nivèu qu'i ei hèra baish uei lo dia, malaja!
- Gai saber que perpausa ua mesclanha occitano-lengadociana inacceptable.
- L'aute ne'u coneishi pas.
- La revista País Gascons qu'ei de qualitat, mes n'ei pas evocada en l'article...

https://www.pernoste.com/Modules/Revue/Abonnement.aspx


Valora aquest comentari:   votar positiu 12   votar negatiu 13
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions