CAPÇALERA: AMIC Covid19

Jornalet, gaseta occitana d'informacions

Diluns, 25 de mai

Joan-Loís Blenet

Dissabte, 25.4.2020 03h00

Bocin-bolà


Comentaris Un comentari    
Dolent Fluix Bo Molt bo Fabulós (11 vòtes)
carregant En cargament


Javier Mora




Quand lo cridaire del lòto anóncia Bocin-Bolà la sala respond amb un riset coquinàs, 69! Va plan per l’estrambòrd de la vida e de l’amor, aquela chifra sens endrech ni envèrs, la chifra dau revira sens. Sembla çò que caracteriza lo moment que vivèm, un temps de paradòxa que normau e anormau an escambiat sas plaças. Lo nòstre monde es fargat pel movement: “mobilo ergo sum”. Movement e vitessa. “Lèu-lèu e de mai en mai lèu”, ganhar temps es la clau de la modernitat. E ara cambiament totau, assignats a residencia sèm condemnats a l’immobilitat que ven una valor vitala! Autra valor cap-virada: l’utilitat. Devèm èstre utiles e lo trabalh n’es la mesura. L’utilitat va sovent amb la mobilitat e la vitessa. Los “mai utiles”, los que ganhan lo mai, se desplaçan de longa dins un bolegadís frenetic sautant d’un avion a l’autre. Es plan significatiu que la nauta societat de nòstre temps se diga Jet Set. E ara es de pas res faire que nos fa mai utiles! Sens bolegar nimai trabalhar. La valor mai valorada es de prene paciéncia, es un revira-tot. Ara l’impossible es non pas possible mas realizat e realitat. L’economia menava tot de sa lei inarestabla de vitessa e d’utilitat. E aquí un bocin-bolà monumentau. Lo buldozer economic se cala, l’impossible es fach. Cossí dire aprèp aquò qu’un pauc d’impossible se poirià pas faire per la santat de la Tèrra?
 


abonar los amics de Jornalet
 
 


 



publicitat
BANER1: AOF



Comentaris

25 d'abril 15.25h

Felicitacion per aver plaçat 69 dins un article ah ah ^^
L'utilitat...tot un debat, perque las causas devon èsser utilas ?
Es un paradòxa placem l'utilitat coma objectiu a aténher mentre que sèm tanben dins una societat de léser... Per exemple ieu, compreni pas los adultes que jogan als vidèo-jòcs, o tròbi pas util aquel temps passat davant l'ecran. Mès bon, tot deu pas èsser util.
E un autre paradòxa es que l'argent recompensa pas los «mai utiles», totjorn subjectiu, quand òm ve... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions