Opinion
L’autre virus
A, se’n rapelarem d’aquesta virussada!
Engabiats dos meses entièrs per una caronha de virus que nos manja tot, e romiant la longa litania de tot çò qu’avèm perdut.
Ges d’espòrts, d’espectacles, teatre, cinèma, balètis. E las librariás tancadas coma de còfres. E las seradas longassas au restaurant amb los amics. Amai la mar, o pecaire, qu’es enebida!
E la marrida passa se va bravament complicar qu’a la sortida un autre virus nos va agantar, lo de la Paur.
Fins ara, embarrats a l’ostau avèm viscut sens tròp de crenta, lo perilh estent defòra. Mas sortir es anar dins son domeni.
Invisible, lo virus coronat es pertot possible, tostemps imaginable.
E la paur se noiris de l’imaginacion infinida que vei pertot un nis de dangièrs.
Aital, coma la vesèm emplenar los mèdias, es l’escasença de parlar de la paur d’òc qu’es pro diferenta.
Se lo francés a la paur blava, per l’occitan la paur vertadièra es la Negra Paur. Mobiliza l’esperit e lo còs, es per aquò que disèm “La paur te pren”
Se ditz tanben que mòrt e paur son plan entendudas, endevengudas, que totas doas nos prenon la vida.
N’avèm de paurs de tota mena entre la peta e la brava peta, la petòcha, la petarufa, la petoira o la petega qu’es una version panica de la petoira. Sens oblidar la petarosta que met lo còs en tremor. Aquel virus es fòrça actiu. A ja agantat en grand l’ensenhament e tanben espotida la cultura. Mèfi,mèfi l’autre virus!
Engabiats dos meses entièrs per una caronha de virus que nos manja tot, e romiant la longa litania de tot çò qu’avèm perdut.
Ges d’espòrts, d’espectacles, teatre, cinèma, balètis. E las librariás tancadas coma de còfres. E las seradas longassas au restaurant amb los amics. Amai la mar, o pecaire, qu’es enebida!
E la marrida passa se va bravament complicar qu’a la sortida un autre virus nos va agantar, lo de la Paur.
Fins ara, embarrats a l’ostau avèm viscut sens tròp de crenta, lo perilh estent defòra. Mas sortir es anar dins son domeni.
Invisible, lo virus coronat es pertot possible, tostemps imaginable.
E la paur se noiris de l’imaginacion infinida que vei pertot un nis de dangièrs.
Aital, coma la vesèm emplenar los mèdias, es l’escasença de parlar de la paur d’òc qu’es pro diferenta.
Se lo francés a la paur blava, per l’occitan la paur vertadièra es la Negra Paur. Mobiliza l’esperit e lo còs, es per aquò que disèm “La paur te pren”
Se ditz tanben que mòrt e paur son plan entendudas, endevengudas, que totas doas nos prenon la vida.
N’avèm de paurs de tota mena entre la peta e la brava peta, la petòcha, la petarufa, la petoira o la petega qu’es una version panica de la petoira. Sens oblidar la petarosta que met lo còs en tremor. Aquel virus es fòrça actiu. A ja agantat en grand l’ensenhament e tanben espotida la cultura. Mèfi,mèfi l’autre virus!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jan Dua Melhau contava una nhòrla fai pas mau de temps.
"Lo bon diu avia un vaslet e aquel vaslet li damandet la permission d'anar a una nòça d'un cosin.
- Vai-li e damora-li lo temps que voldras.
Lo vaslet tornet 8 jorns apres e lo bon diu li damanda si s'era plagut.
- Tot era plan. Degun se planava; i avia de que beurre e minjar. Tot lo monde cantava e dansava. Oc, per esser plan quò era plan.
Quauques temps pus tard lo vaslet damandet la permission d'anar a la nòça d'un autre cosin.
-Vai-li e damora-li lo temps que voldras.
Lo lendemann lo vaslet era tornat.
-Tot anava mau; tot lo monde se planja. I avia de las malaudias, la recòlta avia estada magra. De tots los biais que te viravas lo monde puravan o se lamentavan."
Un medecin de campanha disia dins las annadas 1980 : "Quand lo mes de sptembre arribava, i avia pus de malaudes dins mon cabinet. Tots era partits cerchar los champanhaus."
Lo monde es pas fau per esser confinar. A besonh de corer de cantar, de dançar. La morositat e la paur menan a las malaudias fisicas e psichiques. Sufiria benleu de cambiar de medecina.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari