capÇALERA: oplo

Jornalet, gaseta occitana d'informacions

Dijòus, 2 de julh

Joan-Loís Blenet

Dissabte, 6.6.2020 03h00

Libertat condicionala


Comentaris Un comentari    
Dolent Fluix Bo Molt bo Fabulós (33 vòtes)
carregant En cargament


Benoît Tessier / Reuters




Ara, aprèp qualquas setmanas de relativa libertat, mesuram que l’arrest de tot anullava lo calendièr. O sentissem que començam d’o recuperar. Dins l’embarrament lo temps èra imobil, lo dimenche un jorn coma los autres, Pascas e son Diluns tots parièrs que lo dimarç o lo dimecres. Nos cau encara recuperar çò que vai amb lo calendièr, las festas, tant socialas, vòtas, festenals,pelegrinatges, espòrts,coma de familha. Vivem encara un temps desvariat dins lo sens plen dau mot, es a dire qu’a perdut son reglatge, son relotge-calendièr. E dins aquesta passa i a monde que son plan utiles. De filosòfas  coma la Julia de Funes, qu’es d’una mena gaire comuna: es jova, ditz amb lo riset de causas prigondas, e nos buta a questionar lo temps que vivem. Coma lo glissando perilhós d’una societat menada tota per una novela nòrma exclusiva, la de la santat. Que lo drech de libertat venga una liberalitat, una favor que lo poder nos balha. “Avetz la permission de sortir, mas pas mai d’un km de l’ostau” puèi “vos autorisam 100 km e benlèu mai dins quauques temps”. Tant plan coma un susvelhant generau lo primièr ministre nos ven dire qu’aurem drech de partir en vacanças e que nos donarà lèu los limits de la cort de recreança. Mèfi nos ditz la filosòfa, mèfi de pas venir tròp dociles, d’acceptar tot, que lo terapeutica remplace pas lo politic. E mai que mai de venir a una societat de “libertat fòrça condicionala”.
 
 
 

abonar los amics de Jornalet


 
 



publicitat
BANER1: AOF



Comentaris

6 de junh 10.56h

"Que lo drech de libertat venga una liberalitat, una favor que lo poder nos balha". E es jamai estat quicòm mai ?

La libertat en se es un mite judeo-crestian. La libertat al sens legal, qué es mai, se que non un gra o un autre d'autorizacion ?

Al plan scientific, la libertat non significa res.

E al plan moral, l'idèa (falsa per definicion) que me'n fau de "ma" libertat s'autolimita a la libertat de l'autre, dins la mesura que non ai pas l'anma psicopata.


Valora aquest comentari:   votar positiu 7   votar negatiu 5
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions