Opinion
Òsca lo Senat
Es un polit present de Nadau que nos ven d’ofrir lo Senat aqueste 10 de decembre. Un vòte istoric per son ample e sa qualitat.
Una lei per las lengas regionalas votada amb 253 voses per e 56 en contra. E pas un vòte a la chut-chut, mas un escrutin public, mercés a Max Brisson dels Republicans. Lo Cristian Bilhac, novèl senator d’Erau, i parlèt per son grop, e cal senhalar una mai granda “mobilisacion” occitana que d’acostumada.
Es una victòria grandassa maugrat lo sinistre Blanquer e lo vòte en contra dau partit dau govèrn. Lo PC votèt contra çò que podia ajudar l’immersiu associatiu e s’abstenguèt pel vote de la lèi. Atau es segur que nos farà avançar.
Èra la seguida per la lèi Molac votada en febrièr a l’Assemblada Nacionala e ailàs voidada de son contengut d’ensenhament pel ministre. Seguida possibla mercés au grop dels senators Verds que ressucitèt aprèp las eleccions de septembre, consequença de las capitadas verdas das municipalas.
Amb un aprestament tactic finòt ( çai que la vida parlamentària es plena de rusas) e maugrat lo ministre se votèron d’avançadas bèlas.
Gròssa suspresa la reconeissença de l’immersion, aqui l’autre novèl senator d’Erau Hussein Bourgi fuguèt determinant que passèt raseta. Es pas inutil de rementar que l’immersion fuguèt de longa contestada per una bona part dau moviment d’òc. Ara, a la seguida de l’accion dels basques, es enfin demandada pel public, çò qu’es fòrça plan. Mas existiriá pas e se ne parlariá solament pas sens l’accion testarda e pertinenta dels malhums associatius d’ensenhament immersiu, es a dire de l’iniciativa populara.
Puèi vòt per l’egalitat de las lengas regionalas amb lo Còrs, es a dire lor ensenhament dins l’encastre de l’orari escolar normau. Sembla pas res aquò mas dubris la pòrta a una obligacion d’oferta per l’Estat.
Tanben que lo prètzfach escolar siá pagat per l’escolarizacion bilingüa fòra de la comuna de residéncia, quicòm de plan important per l’immersion associatiu coma Calandreta, Bressòla e los autres.
Enfin la reconèissença de la senhaletica bilingüa amai l’autorisacion dels signes diacritics a l’estat civil. Uèi encara, la tilda de ñ es permesa s’avetz un nom espanhòl e enebida s’es breton!
Republicans, PS, Centristas, Independents e Verds votèron, es a dire un brave arcolan politic. Avèm de vent dins la vela. L’idèa que cal sosténer las lengas regionalas camina bravament.
Novèl episòdi previst en abrieu a l’Assemblada.
Ardit pichon! Lo progres progressa e l’avenir se sarra.
Adieussiatz
Una lei per las lengas regionalas votada amb 253 voses per e 56 en contra. E pas un vòte a la chut-chut, mas un escrutin public, mercés a Max Brisson dels Republicans. Lo Cristian Bilhac, novèl senator d’Erau, i parlèt per son grop, e cal senhalar una mai granda “mobilisacion” occitana que d’acostumada.
Es una victòria grandassa maugrat lo sinistre Blanquer e lo vòte en contra dau partit dau govèrn. Lo PC votèt contra çò que podia ajudar l’immersiu associatiu e s’abstenguèt pel vote de la lèi. Atau es segur que nos farà avançar.
Èra la seguida per la lèi Molac votada en febrièr a l’Assemblada Nacionala e ailàs voidada de son contengut d’ensenhament pel ministre. Seguida possibla mercés au grop dels senators Verds que ressucitèt aprèp las eleccions de septembre, consequença de las capitadas verdas das municipalas.
Amb un aprestament tactic finòt ( çai que la vida parlamentària es plena de rusas) e maugrat lo ministre se votèron d’avançadas bèlas.
Gròssa suspresa la reconeissença de l’immersion, aqui l’autre novèl senator d’Erau Hussein Bourgi fuguèt determinant que passèt raseta. Es pas inutil de rementar que l’immersion fuguèt de longa contestada per una bona part dau moviment d’òc. Ara, a la seguida de l’accion dels basques, es enfin demandada pel public, çò qu’es fòrça plan. Mas existiriá pas e se ne parlariá solament pas sens l’accion testarda e pertinenta dels malhums associatius d’ensenhament immersiu, es a dire de l’iniciativa populara.
Puèi vòt per l’egalitat de las lengas regionalas amb lo Còrs, es a dire lor ensenhament dins l’encastre de l’orari escolar normau. Sembla pas res aquò mas dubris la pòrta a una obligacion d’oferta per l’Estat.
Tanben que lo prètzfach escolar siá pagat per l’escolarizacion bilingüa fòra de la comuna de residéncia, quicòm de plan important per l’immersion associatiu coma Calandreta, Bressòla e los autres.
Enfin la reconèissença de la senhaletica bilingüa amai l’autorisacion dels signes diacritics a l’estat civil. Uèi encara, la tilda de ñ es permesa s’avetz un nom espanhòl e enebida s’es breton!
Republicans, PS, Centristas, Independents e Verds votèron, es a dire un brave arcolan politic. Avèm de vent dins la vela. L’idèa que cal sosténer las lengas regionalas camina bravament.
Novèl episòdi previst en abrieu a l’Assemblada.
Ardit pichon! Lo progres progressa e l’avenir se sarra.
Adieussiatz
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Pas pus qu'un cop lor pretzfach d'exterminacion complit la Waffen SS o los Einzatzgruppen se serian magicament mudats en desfenseires e aparaires de la Judeïtat d'Europa Centrala, lo poder parisenc (govern, senat, parlament, conselh constitucional..eca..) tornarà PAS JAMAI sus aquo que considèra coma son Obra Grand : l'exterminacion TOTALA de l'occitan e de totas las lengas de l'Exagon, taula rasa per espandir lo francimand urbi et orbi. Faire semblant d'o ignorar es un pantaissatge estèrle e derisori. Fins a son darrièr badalh, lo poder parisenc refusarà de tornar sus aquo.
#7
Farai las meteissas remarcas que vos.
Pr'aquò dins la lucha per nostra lenga se la lei balha un emmòtle per un ensenhament, reduzit çaquela, se sap qu' aquel ensenhament sufís brica per mantener vèire rencrèisser l'usança de nòstra lenga.
La lei balha pas al pobla l'envetja e lo gost de parlar sa lenga, l'occitanisme tanpauc malastrudament.
Lo costat "legal" de l'ensenhament es bona causa e de pas desfugir,
Balhar al poble l'envetja d'aprene, de tornar parlar sa lenga es una autra parelh de marga,
entrò ara l'empencha fusquèc pichona.
Aquel costat d'ensenhament e de sensabilizacion del poble, merís d'èsser mai que renforçat.
Crèsi que sabèm totis qu'es pas ambe lo discors conteiral actual de l'occitanisme que va de cotria ambe son penjal politic que farà miranda.
Se parlar una lenga pòt èsser una accion politica, una lenga parla de totas las politicas e subretot de tot lo demai.
Un costat tanben qu'avèm de renforçar es nòstra lenga aptada al mond d'auèi se sap qu'avèm mancas cruzels, rapòrt al francés e rapòrt a l'anglés.
Cossi diser : Switch, swap-out, swap-in, warrant, bail-in, bail-out, fibre optique ...eca e tot aquò d'un biais normat.
Una tièra de mots sufís pas, s'es una ajuda, sufís pas, tanben cal que nòstra lenga s'ensatja dins l'ensenhament de domènis tecnics en punta, que servirà per demonstracion e a l'ensehament tanben. Se podèm ensenhar tecnicas directament en occitan lo marcatge ven positiu per nosaus ambe sos dos costat : demonstracion, ensenhament. Crèsi qu'es de trabalhar seriosament e de desfugir las aproximacions.
Relarga te ! (keep cool)
#7
Farai las meteissas remarcas que vos.
Pr'aquò dins la lucha per nostra lenga se la lei balha un emmòtle per un ensenhament, reduzit çaquela, se sap qu' aquel ensenhament sufís brica per mantener vèire rencrèisser l'usança de nòstra lenga.
La lei balha pas al pobla l'envetja e lo gost de parlar sa lenga, l'occitanisme tanpauc malastrudament.
Lo costat "legal" de l'ensenhament es bona causa e de pas desfugir,
Balhar al poble l'envetja d'aprene, de tornar parlar sa lenga es una autra parelh de marga,
entrò ara l'empencha fusquèc pichona.
Aquel costat d'ensenhament e de sensabilizacion del poble, merís d'èsser mai que renforçat.
Crèsi que sabèm totis qu'es pas ambe lo discors conteiral actual de l'occitanisme que va de cotria ambe son penjal politic que farà miranda.
Se parlar una lenga pòt èsser una accion politica, una lenga parla de totas las politicas e subretot de tot lo demai.
Un costat tanben qu'avèm de renforçar es nòstra lenga aptada al mond d'auèi se sap qu'avèm mancas cruzels, rapòrt al francés e rapòrt a l'anglés.
Cossi diser : Switch, swap-out, swap-in, warrant, bail-in, bail-out, fibre optique ...eca e tot aquò d'un biais normat.
Una tièra de mots sufís pas, s'es una ajuda, sufís pas, tanben cal que nòstra lenga s'ensatja dins l'ensenhament de domènis tecnics en punta, que servirà per demonstracion e a l'ensehament tanben. Se podèm ensenhar tecnicas directament en occitan lo marcatge ven positiu per nosaus ambe sos dos costat : demonstracion, ensenhament. Crèsi qu'es de trabalhar seriosament e de desfugir las aproximacions.
Relarga te ! (keep cool)
#6 Ai pas escupit sus lo Senat dins aquel afaire. Ai simplament sotalinhat que l'Assemblada Nacionala aurá lo darrier mot e que la majoritat macronista votará coma Blanquer li dirá de votar. Se m'agore, tant mièlhs.
Ai jamai escupit sus las iniciativas de Molac e crese que nos chaudriá quauques Molacs vèrs nosaiutres.
D'assurat que tot pichòt progrès es de bon prene, mai pense que lo tèxte de Joan-Loís Blenet es regdament optimista. Se m'agore tant mièlhs encara.
Mantene çò qu'ai dit sus l'article 2 de la constitucion. Tant que demorará çò qu'es a l'ora d'ara tota lei vertadierament progressista sus nòstras lengas minorizadas será censurada per lo Conselh Constitucionau. Quau pòt modificar la constitucion? Los mèsmes que vòton las leis, los parlementaris.
#1#3#4 Escupir sul Senat, los senators e los que los felicitan, òc-ben. "Cal modificar la constitucion primièr", òc-ben. E cal pòt modificar la consitucion? Daissi Gerard Bayle respondre.
Es escupissent sus tot òm descoratja lo mendre moviment positiu (sens descoratjar, malurosament, las iniciativas que nos escanan, al contrari!).
Evidentament lo camin es long, mas lo mendre pas dins lo bon sens nos sara de la tòca.
En lenga nòstra se ditz "s'as dètz passes a far, aquò's nòu qu'es la mitat".
Bona annada a totes los que butan dins lo bon sens (los buòus que butan fòrt, los muòls que butan sens comprendre, los ases que butan en esperant i ganhar quicòm e los piòts que butan per far veire que butan).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari