Opinion
La Lei Molac II
Segonda part de l’analisi de la Lei Molac e aqueste còp çò que concernís l’ensenhament.
Es la granda victòria de la Lei. Tres còps lo Blanquer refusèt tot per son domèni. A l’Assemblada, debuta de 2020, puèi au Senat en decembre e tornamai aqueste 8 d’abriu. Victòria contra lo governament que dèuriá calcular que los deputats, emai los sèus, son elegits per de territòris e que lo vejaire de la societat es a cambiar d’a fons pel sicut das lengas regionalas.
Aquò que caracterisa lo mai la Lei Molac son los progresses d’egalitat. L’avem ja vist amb lo tilde. Per l’ensenhament tres avençadas d’egalitat.
Fins ara, la sola lenga còrsa èra «una matèira ensenhada dins l’encastre de l’orari normau das escòlas” (Art L.312-11-1). Ara aquò val per totas las lengas autoctònas. Sembla pas res mas vòl dire trapar una plaça dins l’emplèc dau temps que sens aquò la lenga demòra una SDF de l’ensenhament. Demai dubris la pòrta a l’obligacion d’oferta, qu’una matèira deu plan esser ensenhada! Per l’aplicacion es la butada dels elegits que farà tot, mas sem pas en temps d’eleccions?
Autra egalitat de pagar l’escolarisacion en òc fòra de la comuna de residencia se s’i trapa d’ensenhament de la lenga. Se fa pel public, es ara alargat als malhums associatius. Rementam que lo principi mager de l’ensenhament es l’egalitat de tractament dels dròlles dau public e dau privat o associatiu contractualisat.
Es tot bel just çò qu’es remandat au Conselh Constitucionau, e ne parlarem coma cal.
Egalitat tamben per 2 lengas de Mayotte doblidadas fins ara dins los textes.
Enfin una avançada grandassa, la reconèissença de l’immersion!
Èra tolerada a Calandreta, Bressòla e autre Diwan e sarà possible dins lo public. Aqui ganham la fin de l’interdiccion de factò de l’usatge de la lenga dins l’escòla.
La lenga, la se podiá ensenhar, mas per la parlar, nani!
Per l’immersion çò primièr es l’usatge, coma per se banhar çò primièr es l’aiga.
Amb aquesta Lei Molac avem ganhat coma jamai, en drech e en politica. Son actualitat es encara plan cauda e i tornarem.
Es la granda victòria de la Lei. Tres còps lo Blanquer refusèt tot per son domèni. A l’Assemblada, debuta de 2020, puèi au Senat en decembre e tornamai aqueste 8 d’abriu. Victòria contra lo governament que dèuriá calcular que los deputats, emai los sèus, son elegits per de territòris e que lo vejaire de la societat es a cambiar d’a fons pel sicut das lengas regionalas.
Aquò que caracterisa lo mai la Lei Molac son los progresses d’egalitat. L’avem ja vist amb lo tilde. Per l’ensenhament tres avençadas d’egalitat.
Fins ara, la sola lenga còrsa èra «una matèira ensenhada dins l’encastre de l’orari normau das escòlas” (Art L.312-11-1). Ara aquò val per totas las lengas autoctònas. Sembla pas res mas vòl dire trapar una plaça dins l’emplèc dau temps que sens aquò la lenga demòra una SDF de l’ensenhament. Demai dubris la pòrta a l’obligacion d’oferta, qu’una matèira deu plan esser ensenhada! Per l’aplicacion es la butada dels elegits que farà tot, mas sem pas en temps d’eleccions?
Autra egalitat de pagar l’escolarisacion en òc fòra de la comuna de residencia se s’i trapa d’ensenhament de la lenga. Se fa pel public, es ara alargat als malhums associatius. Rementam que lo principi mager de l’ensenhament es l’egalitat de tractament dels dròlles dau public e dau privat o associatiu contractualisat.
Es tot bel just çò qu’es remandat au Conselh Constitucionau, e ne parlarem coma cal.
Egalitat tamben per 2 lengas de Mayotte doblidadas fins ara dins los textes.
Enfin una avançada grandassa, la reconèissença de l’immersion!
Èra tolerada a Calandreta, Bressòla e autre Diwan e sarà possible dins lo public. Aqui ganham la fin de l’interdiccion de factò de l’usatge de la lenga dins l’escòla.
La lenga, la se podiá ensenhar, mas per la parlar, nani!
Per l’immersion çò primièr es l’usatge, coma per se banhar çò primièr es l’aiga.
Amb aquesta Lei Molac avem ganhat coma jamai, en drech e en politica. Son actualitat es encara plan cauda e i tornarem.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ai, mon paure Blenet ! Te regausisses trop lèu ! Paris se daissarà pas faire, la parisencalha crida al lop e farà TOT per tuar aquesta lei. An jà començat amb de recorses al Conselh Constitucional amb darrièr eles Blanquer, Macron, TOTIS. Marca-mal se passèja, es puslèu mal-barrat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari