CAPÇALERA: OPLO Licèu
CAPÇALERA2: IEA-AALO

Jornalet, gaseta occitana d'informacions

Diluns, 29 de novembre

Joan-Loís Blenet

Dimècres, 27.10.2021 03h00

Lo mairejunt, la pairejunta


Comentaris 4 comentaris    
Dolent Fluix Bo Molt bo Fabulós (5 vòtes)
carregant En cargament


De mots coma "mairasta" son mau sentits, fòrça negatius, pas brica emplegats nimai emplegables




Cercatz pas aquestes mots tot novèls dins lo diccionari que son una proposicion per dire mièlhs ço que nomenam dins las familhas recompausadas bèl-paire e bèla-maire.
 
Podriam dire pairastre e mairasta en bona lenga, mai son mau sentits, fòrça negatius, pas brica emplegats nimai emplegables.
 
Aital utilizam los metèisses mots per dire de ligams familiaus qu’an pas res a vèire e aquò fa un fum de trebucs pels enfants. Es quicòm que trebola fòrça familhas e dròlles.
 
Aquel doble emplec ven perque autres còps las familhas se recompausavián après la mort d’un parent. Guèrras, jasilhas, accidents e malautiás fasián de veusas e veuses a bodre. Per aquò los noms de bel-paire o bela-maire non fasián gaire de gèina que lo paire o la maire, eles, i èran pas pus.
 
Mas ara paire e maire desseparats son plan vius e l’apellacion ven faussa del tot: lo paire a pas res a veire amb lo dich “bèl-paire” que demai li a plan sovent presa la plaça!
 
Los franceses semblan d’aver renonciats de solucionar aquò o espèran coma sempre que lo lum lor venga de l’anglés.
 
Per l’occitan que li agrada de crear de mots novèls, prepausam d’adoptar lo terme de Pairejunta per la companha novèla del paire, es junta au paire antau pairejunta.
 
E de dire Mairejunt lo novèl companhon de la maire qu’es junt la maire e per aquò mairejunt. Atau lo mot dona l’exacta relacion dels novèls “conjunts”, sens ges de confusion.
 
Atau lo mairejunt e la pairejunta.
 
Demai sembla plan que l’emplec daus sufixes “junt” e “junta” se justifica d’autant plan que son ja dins lo vocabulari de la familha coma lo mostran los mots conjunt e conjunta.
 
Òi vaqui una pichòta contribucion per melhorar la vida de las familhas.
 
 
 
abonar los amics de Jornalet

 



publicitat
BANER2: OPLO liceu



Comentaris

30 d'octòbre 03.29h

#2 me sembla tanben que seriá mai bon de trene mairejunta per la emna e pairejunt pel l’òme ... de segur pairjunt, mairjunta, etc.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

28 d'octòbre 08.58h

Pairejunt... o per l'escriure tal coma en lengadocian "Pairejonch"

es lo paire amb lo qual se tuba de jonches?


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

27 d'octòbre 09.49h

Mercé per aquela proposiciion...fòrt bona sul principi.
Mas me sembla qu'auriái causidas las formas invèrsas :

-mairejunta - per la novèla companha del paire
-pairejunt - pel novèl companhon de la maire

Associar , - emai siá justificat dins la construccion que presentatz - dins lo meteis mot dos mots (paire/ maire) fòrt genrats amb una terminason de genre opausat me sembla plan complicat dins l'usatge dels cadajorns...me ven pas tròp plan, per dire pas ...que me ven a re... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

27 d'octòbre 08.50h

Es una bona idèiá !


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Las mai...


Mai d'articles

Archius




D'autres articles


Jornalet, gaseta occitana d'informacions