CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Dissabte, 28 de mai

Joan-Loís Blenet

Dimècres, 10.11.2021 03h00

Competéncia novèla


Comentaris Pas cap de comentari    
Dolent Fluix Bo Molt bo Fabulós (4 vòtes)
carregant En cargament


Piqsels




“A vos o saupre” disiá l’encantaire o lo garda d’una votz fòrta per faire conèisser un anonci de la comuna.
 
Atau saupretz que dempuèi la lei NOTRe de 2015 las lengas regionalas son identificadas dins las competéncias das collectivitats.
 
En mai de la dau torisme, de la cultura, de l’espòrt, comunas, departaments e regions an la competéncia partejada de “la promocion das lengas regionalas”. E mai es marcat dins un sens positiu.
 
Fins ara, coma èra pas explicitada, elegits e administratius se’n servissián per se justificar de pas res faire per l’occitan.
 
Quora un militant rebecava, qu’en bona logica (grand meriti proclamat de França) la cultura occitana èra part de la competéncia cultura, respondián DRAC, e la concepcion supremacista de la cultura que n’avèm ja parlat.
 
Aquò per la majoritat que fasián pas res.
 
Los que fasián un quicomet eles se lausenjavián de lor audàcia “O fasèm maugrat que siá pas dins las nòstras competéncias, mesuratz lo nòstre coratge e que, dins aquesta situacion, de segur, podèm pas mai faire”.
 
Atau se compren la butada capuda das associacions per ganhar la pichòta notacion de l’article L 1111-4 qu’es una avançada dobla:
 

— D’una nomenar clarament lo domeni das lengas istoricas dau país.
 
Pareis qu’es un francés que diguèt “Çò qu’es plan pensat es dich clarament”. Nomenar, es a dire pensar, es d’evidenci lo prealable a l’accion.
 
— De dos lor fa un escapatòri de mens per se justificar de pas res faire.
 
 
 
abonar los amics de Jornalet
 
 

 



publicitat
BANER3: Ràdio Occitània



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Las mai...


Mai d'articles

Archius




D'autres articles


Jornalet, gaseta occitana d'informacions