Dimècres, 6.4.2022 03h00
En mai d’èsser un biais de dire de la vida vidanta, Aquò d’Aquí es lo nom d’un mesadièr d’informacion exemplar que recomendam bravament. Coma son nom o ditz plan parla d’aicí en lenga mas es tanben bilingüe e dona d’ajudas pel vocabulari.
Portat per una associacion, es pasmens professionau que son cap-redactor e obrièr mèstre, lo Miquèu Neumuller, es jornalista de mestièr. Es de senhalar amor que mancam de premsa d’òc professionala.
A tanben l’originalitat d’èsser dobèrt a las doas grafias de l’occitan, la classica e la mistralenca. De segur las opinions per la grafia son d’importància mas dins la situacion d’urgéncia de la lenga çò primièr es l’union per la far viure.
Editat a Marselha Aquò d’Aquí se tracha tanben de l’actualitat d’aqueste costat dau Ròse. Es un ligam entre Provença e Lengadòc que las divisions administrativas desseparan.
Aqueste ligam es istoric e lingüistic que provençau e lengadocian son los parlars d’òc pus pròches coma o disiá Mistral a son amic Dezeuze, l’Escotaire dau Clapàs.
Aquò demòra viu coma o mostrèt la granda manifestacion per las tradicions e la lenga de Nimes lo 14 de novembre passat, portada per l’Union daus Joves de Provença e de Lengadòc.
Per avançar, convivéncia e unitat.
Lo sit per ne saupre mai:
www.aquodaqui.info 
Comentaris
6 d'abril 15.58h
Quina bòna sospresa ! Vèire reconegut son òbra es pas tant corrent, pòdi me'n regalar
Valora aquest comentari:
5
0
1
Comenta
Lo comentari es estat mandat corrèctament
Un comentari
(7 vòtes)
En cargament
Un comentari
Mandar
