CAPÇALERA: IEA-AALO
CAPÇALERA2: IEA-AALO

Jornalet, gaseta occitana d'informacions

Diluns, 29 de novembre

Joan-Loís Blenet

Dimècres, 24.11.2021 03h00

Lo Levar dei Ficheirons


Comentaris Un comentari    
Dolent Fluix Bo Molt bo Fabulós (3 vòtes)
carregant En cargament


Lo dimenge 14 de novembre se debanèt a Nimes una manifestacion grandassa. Plan mai de 15 000 personas acampadas pel centenari dau Levar dei Ficheirons organizat lo 17 de novembre de 1921 pel Marqués Folco de Baroncelli e Bernat de Montaut-Manse, eròis dau panteon camarguenc.
 
Èra ja, un sègle a, la creacion dau Movement de defensa das tradicions miegjornalas.
 
Aquesta d’ongan fuguèt una capitada espectaclosa e maugrat aquò silenci totau daus mèdias nacionaus que, pasmens, ne fan tant e mai per d’eveniments plan mai pichons e mens significatius.
 
Manifestacion exemplara uèi en 2021 d’un estacament popular prigond a la cultura dau país. Mai de 1000 gardians an levats lei ficheirons (los fèrres) en defensa de “la libertat per nòstrei tradicions”.
 
Cal saludar l’organizacion de la jornada per un fum d’associacions alentorn de la Nacion Gardiana e de l’Union Joves de Provença e Lengadòc.
 
Lo sentit d’una granda urgéncia motivèt la fola. Es verai que lo pòble de la bovina se sentís bravament assecutat dins tot çò qu’es son èime: la fe dei buòus, las fèstas, la lenga, son biais de viure, que.
 
La lenga tenguèt una plaça bèla amb una defensa apassionada en provençau de la Reina d’Arles, la jove Camilha Hoteman Moya.
 
Coma diguèt un orator “100 ans aprèp lo pus grand dangièr es l’aseptizacion de nòstra societat”. E l’uniformizacion.
 
 
 

 
 
 
abonar los amics de Jornalet
 
 


 



publicitat
BANER2: OPLO liceu



Comentaris

24 de novembre 18.07h

"Lo sentit d’una granda urgéncia motivèt la fola. Es verai que lo pòble de la bovina se sentís bravament assecutat dins tot çò qu’es son èime: la fe dei buòus, las fèstas, la lenga, son biais de viure, que." E tanben lor fa páur lo montar de las aigas que, de mar enlà, subronda Camarga…


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Las mai...


Mai d'articles

Archius




D'autres articles


Jornalet, gaseta occitana d'informacions