Bandièra01 1180x150: Comuna de Tolosa

Opinion

Lo corpatàs ditz a l’agaça: “tu, siás negra!”

Joan Loís Racouchot

Joan Loís Racouchot

Autor de BD "Juli Omenàs", dessenha de camisets per "Macarèl", fuguèt un dels fondators de la Calandreta d'Aurenja.

Mai d’informacions
Aqueste reproverbi provençal va fòrça plan als jacobins fanatics quand parlan de la volontat autonomista o independentista d’unas regions d’Euròpa talas coma Escòcia, Catalonha o Venecia; d’efiech, lo repròchi que mai sovent se pòt ausir es lo seguent, e se pensan fins e aubiroses de te l’emmandar pel morre! “De segur, son las regions richassas que vòlon pas partejar lor ben amb las regions pauras! Son de gosta-solets aquel monde!!”
 
A òc? aquò’s estranh, coma se ditz en francés? “la paille et la poutre?”, an pas brica l’ideia d’espinchar mai luènh que lor nas, son talament encloscats per la propaganda chauvinista “republicana” de l’egalitat(risme) , que s’avisan pas brica que la pus rica e potenta region d’Europa es l’IDF, valent a dire París, amb quasiment 30% dels sètis socials, mai de 80% del budget de la cultura eca… e que per çò qu’es de partejar, parlem-ne! Qual va deure pagar pel “Grand París”? Quant de moneda la region capitala autreja a sas “Províncias” (3,5 %?!), fin finala aquela region es una mega region independenta, e los encloscats jacobins son incapable de o veire! La rèsta del país servís pas qu’a conflar los privilègis de París, alavetz, ai la solucion a tot aquò, que l’IDF siá vertadièrament un estat, e que nos laisse estar!
 
La mapa seguenta balha un imatge espaurugant de l’estat de França; remarcaretz qu’Occitania i apareis extraordinariament clara!


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Setvianés Lengadòc
2.

Fòrça vilas de Lengadòc bais son vengudas de refugis per totes aqueles franchimands qu'aun pas capitat dins la capitala o qu'arribon de las terras sinistradas del nòrd e l'est ,aquò fa que la pauretat n'es encara mai mai refortida.

  • 2
  • 3
VIAULE Sèrgi
1.

Mercés a Joan-Loís Racochòt per aquesta mapa.

  • 6
  • 0

Escriu un comentari sus aqueste article