CAPCALERA: la botiga

Jornalet, gaseta occitana d'informacions

Dimenge, 25 de julh

Joan-Miquèu Espinasse

Dimècres, 21.7.2021 03h00

Anda-lutz


Comentaris Pas cap de comentari    
Dolent Fluix Bo Molt bo Fabulós (4 vòtes)
carregant En cargament


J. Ducos




La prumèra tecassa musicala que prengoi, èra à Saint Chartier en 1995 en tot escotar la creacion musicala deu Miquèu Montanaro dab Vents d’Est: Ballade pour une mer qui chante. Desempuish qu’èi avut lo bonaür d’encontres escaduds, rics e de víver aventuras musicalas deu dihens o deu dehòra.
 
Que i aurà per jo, d’ara enlà, aqueth 16 de julhet de 2021 a Marciac dins la sala plan nomada l’Astrada.
 
ANDA-LUTZ & L’ORCHESTRE DE CHAMBRE DE TOULOUSE. Enqüèra un projèct de holia deu Guillaume Lopez, bastit en seguir deus encontres dab musicians au Maròc. “Au quartet initial Anda-Lutz constitué de Guillaume Lopez à la voix et aux flûtes, Thierry Roques à l’accordéon, Nicolas Gardel à la trompette et Saïd El Maloumi aux percussions traditionnelles s’ajoutent Laurent Guitton au tuba, Sébastien Gisbert à la batterie et 10 musiciens de l’Orchestre de Chambre de Toulouse”. Açò, qu’ei çò que i avèva de marcat suu programme.
 
Sus un platèu sòbri e alurat, qu’èm gahats d’entrada. La maquina a cadéncia e a armonias qu’ei l’acordeon deu Thierry Roques, la ritmica pulsiva tubà/bateria peu Pierrick Fournés, remplaçant de luxe e deu Sebastien Gisbert, lo jòc de trompeta absolut e caud deu Nicolas Gardel qui a tanben signat los adobaments d’ua finèssa e d’ua precision remirabla per l’Orchèstre de Crampa de Tolosa pòrtan un Guillaume Lopez espatant, sensible, dins lo partatge. Lo son de l’Alfonso Bravo nos prenguèva enqüèra mei dins l’istoèra.
 
B’ei precís, cadenciat, qu’ei ruiquissime armonicament e en colors sonòrias, la complicitat musicala trepilha çò qui poiré èsser sonque virtuositat freda per la transformar en intensa complicitat.
 
Lo public, b’èra en comunion (au sens etimologic deu tèrmi, en comunautat) per aqueth viatge. Per pròva, l’intensitat e la prigondor d’aqueth partatge peu mercejament que’u Guillaume hè dab Aure, ua de las polidas composicions deu Christian Vieussens, lo son mentòr, present dins la sala.
 
Composicions deu Guillaume, deu Thierry o tèmis tradicionaus, mès i a pas mei categorias de musicas (trad, jazz o autas), sonque Musica de la cosmogonia mediterranèa deu Guillaume.
 
Aquèra creacion qu’ei segurament l’acme de las suas creacions e encontres, mès la sua carrièra serà longa per nos miar mei haut enqüèra.
 
Dus degrèus (que’n cau, se que non aurén dobtat de la mia objectivitat): ua sola pèça dab la boha e d’arribar tan viste a la fin deu concèrt quan aujam aimat de demorar enqüèra e enqüèra. Mès lo men petit dit me digoc que i auré benlèn ua seguida enriquida.
 
De seguir
 





abonar los amics de Jornalet

 



publicitat
BANNER1 - AMICS DE JORNALET 07/21



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Joan-Miquèu Espinasse

Joan-Miquèu Espinasse logo rss

Regent-animator, muscaire, contaire, qu’utiliza la lenga cada jorn, tant suus hialats sociaus, com dins la vida vidanta

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions