CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dimenge, 17 de novembre

Joan-Peire Alari

Dissabte, 2.1.2016 03h00

Drech de responsa del Partit de la Nacion Occitana


Comentaris 20 comentaris    
Dolent Fluix Bo Molt bo Fabulós (16 vòtes)
carregant En cargament


Drech de responsa del Partit de la Nacion Occitana al comunicat de premsa d’Iniciativa per Occitània entítolat “Iniciativa per Occitània demanda publicament una clarificacion al PNO publicat per Jornalet lo 1èr de genièr de 2016
 

A Iniciativa per Occitània, son revoltats e estabosits per las dichas d’asirança contra los musulmans d’unes sòcis del PNO e d’unes redactors del Lugarn que trobèron dins lo Lugarn n° 114 de la prima passada. An de retard dins l’indignacion e es curiós per pas dire suspècte. Se trachariá pas d’un pretèxt per atacar lo PNO? Domergue Sumien, un dels responsables d’Iniciativa per Occitània coneis perfièchament la doctrina de Fontan e lo PNO que ne foguèt membre. A pas res de melhor a far, coma nacionalista occitan independentista, que d’atacar un partit que per çò essencial a las meteissas idèas que las seunas?
Dins lo Lugar nº114 (prima de 2015) Iniciativa per Occitània acusa Pèire Pessamessa e Sèrgi Viaule de se declarar islamofòbs. Domergue Sumien e sos amics an pas remarcat que lo sostítol del Lugarn es “tribuna per l’Occitània liura”. Publicam sens censura de tèxtes qu’engatjan pas que lors autors e pas lo Partit de la Nacion Occitana. Sèm engatjats per l’editorial, los comunicats de premsa e los articles signats PNO. Cadun es liure de reprochar al Pèire Pessamessa e a Sèrgi Viaule lors posicions. Per contra, cal èsser prudents abans d’emplegar lo mot “islamofòb”. Aquel mot es sovent un instrument per empachar tota critica de l’Islam. Subretot, avèm un corrièr dels legeires dins lo Lugarn e, al lòc de portar d’acusacions grèvas sus la plaça publica, acusacions que mancaràn pas d’èsser espleitadas per nòstres enemics, auriá calgut escriure a la redaccion e , va solet, que auriam publicat aquelas reaccions sens la mendra censura. Disètz que lo PNO a lo dever de se dobrir a totes los Occitans e aquò val pels occitans musulmans. Avèm pas de leiçons de dobertura a recebre de degun e lo PNO es dobèrt a totes, quina que siá lor religion o abséncia de religion o lor origina (occitans de naissença o d’adopcion). Los que pretendon que avèm traït Fontan son de messorgaires (sovent d’ancians membres agrits del partit) e de mai an pas plan legit los escrichs del PNO. Deurián tornar legir lo punt uèit de nòstre programa:”8) Occitània es una tèrra d’acuèlh pels imigrats del Sud (en particular del Magrèb per de rasons istoricas) e del Nòrd (franceses e mond d’autres païses de l’Union europèa). Lor bona integracion passa forçadament pel moment per la coneissença de la lenga de la republica francesa, lo francés mas, a tèrme,passarà tanben per la coneissença de l’occitan que deurà èsser un avantatge pels demandaires d’un emplec public. Passa tanben pel respècte de las règlas de la vida comuna dins una societat democratica e excluís lo comunautarisme.”
Afortissètz que l’islamofobia (l’asirança dels musulmans) es una traïson del nacionalisme occitan e donc suggerissètz que sèm de traïdors del nacionalisme occitan. Cal rementar que l’etnisme del Partit de la Nacion Occitana es complètament contrari al racisme, a la xenofobia e donc a l’islamofobia? Mas caldriá pas tanpauc que lo repròchi d’islamofobia serviguèsse a far calar tota critica de la religion musulmana, una critica que deu pas èsser reservada als sols musulmans.
Denonciatz la siá-disent islamofobia enrabiada de Sèrgi Viaule e de Pèire Pessamessa. Son liures de vos respondre o non mas per quant a nosautres, l’acusacion de ”asirança irracionala” de lor part es absurda e malonèsta. 
Avètz, çò disètz, defendut lo PNO, Fontan e manifestat vòstra solidaritat e amistat amb los companhs del PNO mas vòstra solidaritat es pas anada fins a publicar nòstres comunicats de premsa mentre que publicam los vòstres.
Vos demandatz se lo PNO vòl bastir la nacion occitana amb totes sos estajants, de totas originas e de totas religions? La responsa es evidentament positiva. Es una question plan inutila.
 
Nos demandatz se volèm encara combatre lo racisme e l’intolerància? Figuratz-vos qu’avèm pas esperat las injoncions d’Iniciativa per Occitània per o far.
Segon vosautres, deuriam tornar metre d’òrdre dins las presas de paraula dels aderents del PNO. Aquela demanda es extrordinària!  Es la responsabilitat exclusiva de la direccion del PNO de contrarotlar la presa de paraula de sos aderents. Avèm pas a obesir a d’òrdres donats de defòra.
 
Nos demandatz de tornar metre d’òrdre dins lo Lugarn? Soi lo cap-redactor del Lugarn, avèm un comitat de redaccion. Fa son trabalh en acòrdi amb los principis del PNO e es lo sol abilitat a o far.
Iniciativa per Occitània que sos membres se dison amics del PNO s’es comportat d’un biais perfièchament inamical en difusant lor comunicat sens nos daissar lo temps de lor respondre  abans. Esperavem un autre comportament de lor part. Al lòc de demorar dins lor esplendid isolament e de donar de leiçons de morala suls rets socials, aurián melhor fach de venir amb nosautres sul terren e de participar a las eleccions.



publicitat
BANER1-2-3: DGPL DICTADES



Comentaris

4 de genièr 16.21h

@19
Siatz tranquille : se i a dictatura xenofòbe, quau que sia, serà pas end' aparar la lenga occitana, de segur !
e mercia plan @18, n'anguerèi pas a Marselha... que coma dins la cançon eth sorelh i pòt trucar suu nòste praube cap...e òc, conegui la seguida "que m'an trobat tròp bestia..."


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

2 de genièr 20.05h

#16 Seriatz donc pas contra una dictatura xenofoba pro qu'apare la lenga occitana ?!!! Ieu non.


Valora aquest comentari:   votar positiu 21   votar negatiu 9
Respondre comentari replica Comentari inadequat   Formulari d'abús de comentari

2 de genièr 19.30h

Pietadosa respònsa dau PNO, qu'a ges de remesa en causa. Publican de tèxtes obertament xenofòbs e discriminatòris mai ne'n son pas responsables, es un concèpte originau de l'edicion, inedit ! A tot lo mens, l'extrèma drecha francesa asumís son òdi dei musulmans. Au PNO considèran LO musulman coma UNA entitat pròpria, de mespresar dins son ensemble, coma de bòns franchouillards. Mai m'estona pas, defendon tanben dempuei d'annadas lei politicas racistas de l'... Legir la seguida


Valora aquest comentari:   votar positiu 29   votar negatiu 12
Respondre comentari replica Comentari inadequat   Formulari d'abús de comentari

2 de genièr 19.39h

#16 "La tòca d’aquela associacion es d’èstre un laboratòri politic, cultural e social, de desvolopar una cultura politica nòva e d’enantir l’emancipacion nacionala dels ciutadans occitans" (Estatuts d'IPO, article 2). Per la rèsta, avèm insultat degun.


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

2 de genièr 19.28h

#14 Això si que és el seny català ! Deixem els caps autoproclamats barrallar-se entre ells sobre el sexe dels àngels ! Nosaltres, traballem per a la llengua occitana e deixem els ukasos e els anatemes !
Per Nadal, cada ovella al seu corral e IPO al seu traball ! (que és de fer progressar la llengua occitana e non d'insultar els altres militants occitans).

Visca Catalunya lliure e visca Occitània !


Valora aquest comentari:   votar positiu 7   votar negatiu 20
Respondre comentari replica Comentari inadequat   Formulari d'abús de comentari

2 de genièr 16.20h

Alara, Pessemessa, sus aquel article :
"- Non non, soi pas islamofòb. Critiqui l'Islam que vòl nòstra destruccion, es ma libertat de pensar."

e lo quite jorn, dins un autre article :

http://www.jornalet.com/nova/6213/valenca-an-automobilista-a-percutit-deliberadament-de-militars-que-protegissian-la-mosquet

Un crida fosca plena d'asir a "tuar l'enemic" que justifica un atemptat contra de personas innocentas (si que non, copablas d'èsser musulmanas).

Clarament, vos trufatz de nosautres. N... Legir la seguida


Valora aquest comentari:   votar positiu 22   votar negatiu 5
Respondre comentari replica Comentari inadequat   Formulari d'abús de comentari

2 de genièr 15.18h

Aquera discussion IPO-PNO que'm sembla ua pèrta de temps. E se tribalhem entà favorizar la lenga e deishem de parlar de causas improductivas?


Valora aquest comentari:   votar positiu 19   votar negatiu 21
Respondre comentari replica Comentari inadequat   Formulari d'abús de comentari

2 de genièr 12.45h

#3 Las paraulas o prepaus qu'apèlan a, o ne fan l'elògi, la discriminacion, l'òdi, rapòrt a un grop o a de personas son penalament sancionablas, es tot, son pas d'opinions coma d'autras, an de consequéncias grèvas e se pòdon pas tolerar. Quitatz de nos voler far creire que serián d'opinions coma d'autras e de vos far passar per de victimas.


Valora aquest comentari:   votar positiu 17   votar negatiu 7
Respondre comentari replica Comentari inadequat   Formulari d'abús de comentari

2 de genièr 12.34h

Voltaire, lo grand escrivan francés, de conviccion deïsta (cresiá pas en lo Dieu dels crestians mas puslèu en un Grand Relotgièr), escriguèt pas jamai "Ieu, Voltaire, cristianofòb", mas contra lo fanatisme. Tanben defendèt, el deïsta, un crestian, lo protestant occitan Joan Calàs, injustament executat per lo supausat assassinat de son filh vengut catolic. A nòstra epòca, se seriá dich islamofòb e auriá atacat "los" musulmans? Qui lo crei a pas de cultura ni d'intelligéncia.


Valora aquest comentari:   votar positiu 15   votar negatiu 4
Respondre comentari replica Comentari inadequat   Formulari d'abús de comentari

2 de genièr 12.30h

#8 Savanarole que nos la joga "guerra de civilizacion" coma se i avia los bons d'un latz e los caitius de l'autre. E sabètz, es un chic mai complicat lo mond, los Palestinians que sofrèn pas benlèu ?
Sabètz quantas persecucions comesas per los "Crestians" pel passat, sabètz quantes crimes comeses al nom de la nacion francesa per exemple e mai largament de la civilizacion occidentala del temps de las conquèstas e de las colonias ? Vol dire que calia condemnar totes los Occidentals per aquo... Legir la seguida


Valora aquest comentari:   votar positiu 18   votar negatiu 6
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Joan-Peire Alari

Joan-Peire Alari logo rss

Professor agregat d'anglés, retirat de la facultat de Bordèu III, especialista de civilizacion americana, ancian professor d'occitan, cap redactor de la revista Lo Lugarn, escrivan e cronicaire occitan, militant politic occitan.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions