Divendres, 4.3.2022 03h00
Lo cap d’Estat rus, Vladimir Potín, reconeguèt lo 21 de febrièr l’independéncia de las republicas auto-proclamadas, separatistas pro-russas e majoritàriament russofònas de Donetsk e de Louhansk en Ucraïna tot ben que las autoritats d’aqueles territòris ne contraròtlen pas qu’una partida.
Cal rapelar que lors estatjants, emai foguèssen russofònes, son, per la magèr part, d’Ucrainencs russificats dempuèi de sègles, de religion ortodòxa e russofils pr’amor de la proximitat amb Russia. Demest eles, son tanben de colons russes venguts mai o mens de temps fa per trabalhar dins la granda region industriala que forma l’Ucraïna orientala. Los Ucraniencs de l’Est son plan diferents dels Ucraniencs de l’Oèst, que eles son mai nacionalistas, catolics, pro-europèus e estacats a la lenga uncrainenca.
Pasmens, los Ucraniencs de l’Oèst e de l’Est son totes etno-lingüisticament ucraniencs aguèssen o non servat lor lenga. La menaça militara que fa donc pesar Russia sus l’integritat territoriala d’Ucraïna en instrumentalizant las autoritats separatistas del Donetsk e de Louhansk es pas qu’una novèla manifestacion de l’imperialisme de Russia de cap a Ucraïna. Cal pas oblidar qu’Ucraïna deu sa libertat son que gràcias a l’abausonament de l’Union Soviètica.
Emai foguèsse legitim que l’Union europèa e los Estats Units ajan cercat a evitar la guèrra entre Ucraïna e Russia per la negociacion, es tanben legitim d’impausar de sancions tras que severas a Russia ara que l’armada russa es passada a l’ataca en Ucraïna amb per tòca d’annexar los territòris separatistas e d’instaurar un poder pro-rus a Kiev.
Comentaris
4 de març 08.06h
Robinette Biden e Macron son doas mariòtas (marionnettes) demest d’autras.
De qual es que fa corre las mariòtas ?
Benlèu En Klaus M. Schwab e lo forum de Davos. Me rementi que Fillion l’ancian primier ministre de Sarkozy, aviá dich atal : « de tot biais podèm pas far plan causas son elis que capdelon, nosaus ne sèm las monècas ». Probable que lo Fillion disiá pas aquò sens cap de razons.
De vertat es ben lo forum economic de Davos que balha las grandas dralhas e corrils de... Legir la seguida
Valora aquest comentari:
4
1
4 de març 07.33h
Si lo monde cresam que la guerra en Ukrana es una guerra imperialista, se trompan completament.
Es una guerra entre l'imperialisme occidentau e los pais de l'Est. De las armas americano-europeanas eran deaja implantadas en Ukrana. Mesme daus mercenaris paiats infiltravan las manifestacions anti-russas.
Le jornau "Corrier Internacional" disia que Putina sema lo desòrdre dins lo monde. Los occidentaus e los que dirigean las multinacionalas disan que quò es eus querepresentan l'òrdre e ... Legir la seguida
Valora aquest comentari:
1
9
4 de març 06.34h
- Vladímir Pótin-
Transcripcion corrècta del quich
Valora aquest comentari:
1
0
1
Comenta
Lo comentari es estat mandat corrèctament
3 comentaris
(3 vòtes)
En cargament
3 comentaris
Mandar
