Jordi Cassany Bates (Valéncia, 1979) es un lingüista romanista. Mena a tèrme a l’ora d’ara en l’Universitat de Valéncia un doctorat sus la posicion del catalanovalencian dins lo diasistèma lingüistic occitanoromanic (concrètament, met en examen l’argumentari intralingüistic de son individuacion en lo discors scientific contemporanèu). Parallèlament, estúdia la teoria e la metodologia de la codificacion (normativizacion) lingüistica, e l’aplica al romanç en sieu ensems (de veire
www.neolatino.eu). A estudiat anteriorament la codificacion del valencian, e a recercat dins los camps de la dialectologia valenciana e de l’ensenhament de lengas estrangièras. Es estat ensenhaire (de lenga, lingüistica, literatura e cultura) en divèrsas universitats d’Euròpa e tanben regent d’Ensenhament preelementari e elementari en Catalonha. A mai, a fach d’incursions dins lo mond de la narrativa, en obtenent qualques prèmis.
