CAPCALERA: la botiga

Jornalet, gaseta occitana d'informacions

Dijòus, 21 de genièr

Jòrdi Coste

Dimenge, 29.11.2020 03h00

Umanisme occitanista contra racisme pseudogasconista


Comentaris 28 comentaris    
Dolent Fluix Bo Molt bo Fabulós (18 vòtes)
carregant En cargament


Aprèp m’èsser inscrich sus Facebook durant qualques temps, ai quitat aquel malhum fa pauc. Pensi ça que la qu’aquò èra una experiéncia sociala fòrça interessanta. D’efièch, ai pogut, non pas vertadièrament aver leser d’infiltrar aquel microcòsma pron estranh, mas almens agachar un pauc çò que s’i passava.
 
Ai ja parlat de la misoginia e non i vau tornar ara, mas i a tanben quicòm que me tafura mai que mai: lo racisme. Coma crestian e umanista – e aquí-meteis rejonhi En Barceló – me sembla èsser una causa de non acceptar. E lo chepic es qu’aquel racisme es insidiós, amagat. Segur que los pseudogasconistas (e los pseudoprovençalistas benlèu mas non ai agut lo temps de los frequentar, (mal)aürosament) non vos van escriure clarament “volèm una raça blossa”, “volèm que los non-gascons se’n tòrnen al lor país”...) mas en tot agachar de mai prèp, òm se pòt questionar. A malgrat que brandiscan lo pretendut collaboracionisme de Loís Alibèrt per far diversion (a, lo famós sofisme del petaç roge), d’unes detalhs nos meton “la nièra a l’aurelha”:
 

— Refusan los trabalhs scientifics de lingüistas occitans (Sauset, Sumien...) quora al meteis temps fan la lausenja de lingüistas revisionistas o passeïstas (e amb consonàncias germanicas... mas aquò es per la galejada, almens o espèri): Greub, Rohlfs, que prenon per postulat que l’occitan de Gasconha non es occitan.
 
— Crèan de mapas —fòrça polidas, o cal plan dire, mas non desencusa res— que la lor tòca es d’espandir la cresença falsa que l’occitan-gascon non fa partida del domèni occitan, e que los occitans de Gasconha serián en fach de bascos.
 
— Ridiculizan regularament lo combat dels militants de Libertat per Palestina, jos de pretèxtes fallacioses.
 
— An de ligams amb un nuclèu secessionista d’Auvèrnhe d’extrèma drecha.
 
— Se trufan dobertament d’En Javaloyès, un escriveire occitan dels mai coneguts, e d’En Gonzales, un lingüista occitan, eissits de l’immigracion.
 
— Fan mòstra d’opinions dobertament anticatalanas.
 
— Fan de jòcs de mots dobtoses a caractèr racista, notadament suls magrebins.
 
— Fan proselitisme en tenent de prepauses racialistas.
 
A cada còp me prometi de parlar d’autra causa —que los subjèctes non me mancan— mas de qué volètz, me foton en colèra aqueles guses! Voliái que tot aquò foguèsse escrich en negre sus blanc un bon còp per totes.
 
Luchem per la nòstra dignitat! Contra lo racisme e per un umanisme crestian e occitan!
 


abonar los amics de Jornalet

 



publicitat
BANNER1: IEO Arièja



Comentaris

8 de decembre 21.45h

ço qui dé exageràt que dé insignifiànt. Ta damourà sus era lénguo, nou béi pas qui critique Sauzet ou Sumien, per exémple.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 de novembre 13.37h

"Daissatz de blasfemar ! Non se pòt trufar de Diu aital ", "Òm deu pas jamai rire amb aquelas causas sagradas. Ieu, cresi a l'infèrn".

l'umanisme a una cara pro singulara pr'aqueths torns.

bota, jo sabi de quin costat me trapi, mès imagini un lector pauc assabentat de las guerròtas occitano-gasconistas e que tombaré sus aquera defénsa de l'umanISME occitanISTE.
balha enveja de barrar la pagina e d'i sustot pas tornar, ce'm sembla.


Valora aquest comentari:   votar positiu 14   votar negatiu 3
Respondre comentari replica Comentari inadequat   Formulari d'abús de comentari

30 de novembre 11.52h

#24 Ieu tanben, cresi a l'infèrn. I vivèm !


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

29 de novembre 15.45h

#24 l'in.hèrn d'Alibert qu'ei un in.hèrn diglossic? Xaxaxaxa


Valora aquest comentari:   votar positiu 4   votar negatiu 9
Respondre comentari replica Comentari inadequat   Formulari d'abús de comentari

29 de novembre 15.44h

#23
Òm deu pas jamai rire amb aquelas causas sagradas. Ieu, cresi a l'infèrn (bon, pas l'infèrn amb los volcans e los diabletons) e cresi que los pseudogasconistas pagans e blasfemadors i passaràn l'eternitat...


Valora aquest comentari:   votar positiu 3   votar negatiu 10
Respondre comentari replica Comentari inadequat   Formulari d'abús de comentari

29 de novembre 15.38h

Aus uns com aus autes, ne compreni pas arren aus vòstes nhirgo-nhargos de paganisme, de gasconisme, de satanisme de dius e de diusas. E au miei que i botatz l'occitanisme! Digatz-me qu'es entà arríder e que serèi tranquillizat.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

29 de novembre 15.34h

#20
Daissatz de blasfemar ! Non se pòt trufar de Diu aital ! Es una vergonha, vau arrestar d'escriure de comentaris. O sabiai qu'auriai pas jamai degut venir agachar çò que s'escrivia dejos los mieus articles.


Valora aquest comentari:   votar positiu 5   votar negatiu 6
Respondre comentari replica Comentari inadequat   Formulari d'abús de comentari

29 de novembre 15.29h

#19
Vos tanben sètz un d'aqueles pretenduts gasconistas, o sabi. Non i a pas que los pseudogasconistas per escriure "patoàs" e aital desvalorizar la lenga nòstra. Amai en parlar de gra de gasconitat, mostratz lo vòstre racialisme. Sètz totes calucs e dangieroses. Nos daissarem pas far.


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

29 de novembre 15.25h

#18 Los tons Dius que son febles! Lafont qu'ei feble! L'IEO qu'ei fèble! L'occitanisme qu'ei feble! Ne poiràn pas arremplaçar l'eternau esperit qui avita Gasconha.


Valora aquest comentari:   votar positiu 2   votar negatiu 8
Respondre comentari replica Comentari inadequat   Formulari d'abús de comentari

29 de novembre 15.20h

#16
M'hèsetz bien aunor Sénher, en revalorisant mon patoàs de Garona demb fèble degrat de gasconitat. ÒSCA


Valora aquest comentari:   votar positiu 10   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Jòrdi Coste

Jòrdi Coste logo rss

Simple apassionat de la lenga nòstra, l’ai apresa tot solet mas non pòdi la practicar facilament perque vivi a París

mai d'informacions

contactar l'autor

Las mai...

Mai d'articles

Archius




D'autres articles


Jornalet, gaseta occitana d'informacions