CAPCALERA: IEA-AALO

Jornalet, gaseta occitana d'informacions

Dissabte, 5 de decembre

Jòrdi Coste

Dimècres, 11.11.2020 03h00

Occitanisme e feminisme, pseudogasconisme e misoginia


Comentaris 24 comentaris    
Dolent Fluix Bo Molt bo Fabulós (18 vòtes)
carregant En cargament


Charly Gutmann




En tot “escambiar” recentament sus Facebook amb los meteisses tròls que vos ne parlavi l’autre còp (vos prometi d’arrestar de ne parlar, aprèp!) m’apercebèri d’una causa interessanta, es que nonmàs son d’òmes. A malgrat que siái un òme, a mai amb una vision un pauc (rasonablament) tradicionala del mond, aquò me tustèt en tot far la comparason del “gasconisme” (pensi d’alhors que seriá plan mai just de dire “pseudogasconisme”) amb l’occitanisme.
 
L’occitanisme, quitament se i trapan mai d’òmes que de femnas, es clafit de femnas valentas ça que la: de scientificas (Na Vernia, Na Ubaud, Na Braç...), de jornalistas e d’animatrises (Na Naconaski, Na El Hadrati, Na Castanhèr, Na Cròs...), d’ensenhairas (la lista seriá fòrça longa, e aürosament), d’artistas (las dònas de Cocanha, La Mal Cofada, La Talvera e tantes gropes de musica...). E en èsser a París, malaürosament non pòdi conéisser mai pregondament aquel mitan, doncas vos parli sonque de las femnas que n’ai ausit a parlar sus la ret.
 
Aniriái mai luènh en dire que l’occitanisme es la meteissa causa que lo femenisme, a l’escala de la nòstra nacion. Valent a dire: luchar per l’egalitat entre las lengas, entre las nacions, entre las raças, entre los sèxes; entre las sexualitats non o sabi, non soi segur que siá lo meteis combat.
 
E aquel femenisme es combatut per d’unes colhons que se creson progressistas mas qu’al contra òbran per far recular aquelas luchas: en voler abocinar artificialament la lenga occitana e en creire que l’avenidor es dins l’iperdialectalisme (ai ja dich çò que pensavi d’aquò), en voler fargar una microsocietat unicament masculina. Òc-ben, m’avètz plan legit, aprèp aver escambiat en privat amb d’unes d’eles, ai cregut comprene qu’aqueles misogins volián pas far entrar de femnas dins lor pichon mond fantasmat, iperlocalista, passeïsta. Es de non creire! Amai vos daissi imaginar las derivas en dejós de la cinta que pòdon aparéisser amb una societat sense femnas. Alara voliái partejar aquel “còp de gula” amb los jornalistas, corregidors e legidors del Jornalet, que, o espèri, son plan mai dobèrts d’esperit.



 
 abonar los amics de Jornalet

 


 
 
 



publicitat
BANNER1: IEO Arièja



Comentaris

26 de novembre 11.58h

Qu'ei amusant d'estar enter òmis a discutir de l'ipotetic sexisme d'ua auta comunautat 100% masculina.

Avetz citacions deus gasconistas on disen causas sexistas? Las acusacions atau, si n'avem pas de pròvas, ne vau pas miélher pas las har?

Qu'ei mensh amusant de véder que tot lo monde ne respèctan pas la règla deu jòc de s'exprimir en lenga(s) d'òc.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

26 de novembre 11.47h

#18 Las quaus tan chocat? Qu'i soi tanben abonat e n'èi pas lo mème sentit.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

14 de novembre 07.14h

#10
Disem pas mes "piquet puèi tustet" pr'amor adara pas digun pica/tustar a la pòrta, quitament en país gascon, sonam ça'm par! E mèfi dab " l'exemple pris " a la literatura, benlèu s'agishèva d'un raconte de batalha quan la crosada contra los Albigèses, que n' i avoc un a franchimandejar (coma vos), e que l'aute "piquet puèi tustet", boum, sus la clòsca? A cada pic l'estèra...

De mes granmèrci a Jòrdi per aqueth "còp de gula" plan sentit, hòu que hè ben d'ac legir aquò. Ca... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

13 de novembre 14.51h

#17
Òsca e mercés. Lo monde qui se'n sap lo mei qu'ei sovent lo mei modeste. Qu'ei causa estranha dab la competéncia linguistica: daubuns ne n'an pas de tròp mes, totun, que'us hè hrèita d'ensenhar los autes.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

13 de novembre 14.44h

#16
Quan n'i a pas arren a respóner suu hons, çò de mei aisit entà clavar ua discutida qu'ei d'atacar sus la fòrma.
Que lançatz ua polemica esterla e shens fondament sus un punt de lenga que sembla drin fosc entà vos. Que citatz un document qu'amuisha qu'ei rason de díser que l'usatge de "quitament se" ei correcte en gascon, e que vatz plorar que n'ei pas possible d'argumentar dens la colomnas de Jornalet?
Evidament, quan òm ne mestreja pas tròp lo subjecte qu'ei drin complicat de h... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de novembre 14.44h

#16
Quan n'i a pas arren a respóner suu hons, çò de mei aisit entà clavar ua discutida qu'ei d'atacar sus la fòrma.
Que lançatz ua polemica esterla e shens fondament sus un punt de lenga que sembla drin fosc entà vos. Que citatz un document qu'amuisha qu'ei rason de díser que l'usatge de "quitament se" ei correcte en gascon, e que vatz plorar que n'ei pas possible d'argumentar dens la colomnas de Jornalet?
Evidament, quan òm ne mestreja pas tròp lo subjecte qu'ei drin complicat de h... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

13 de novembre 09.25h

L'autor a rason de dire que los pseudogasconistas son misogins. S'espiatz dins Facebook la pagina "Memes gascons", animada per los pseudogasconistas, veiretz qu'es plena d'imatges degradants contra las femnas.


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

13 de novembre 09.16h

#12
"Quitament se" es evidentament una forma plan corrècta e plan populara, en particular se ditz sovent en lemosin e en gascon.

"E mai" s'escriu de maniera destacada; la grafia "emai" es de la grafia mistralenca, pas de la grafia classica. Abans de voler corregir los autres, vos deuriatz corregir vos meteis.


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

13 de novembre 09.15h

#15 Perqué me sonats "mossur l'Academician"? Vesi qu'es impossible d'aver una conversacion senada e civilizada dins los comentaris de Jornalet. Aicestas colomnas son la vergonha de l'occitanisme !


Valora aquest comentari:   votar positiu 0   votar negatiu 4
Respondre comentari replica Comentari inadequat   Formulari d'abús de comentari

12 de novembre 22.45h

#14
Que soi desolat de contradíser Mossur l'Academician, mes "Quitament se" que l'èi entenut a emplegar de tostemps ençà en gascon. E aquesta construccion grammaticau, que soi quasi segur de la poder trobar en çò de daubuns autors.
De mei, sus la pagina que citatz per exemple, lo Rèi Bèthvéder (diccionari gascon referenciat en devath deu Per Noste) que da "quitament se" tau francés "même si"...


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Jòrdi Coste

Jòrdi Coste logo rss

Simple apassionat de la lenga nòstra, l’ai apresa tot solet mas non pòdi la practicar facilament perque vivi a París

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions