CAPCALERA: IEA-AALO

Jornalet, gaseta occitana d'informacions

Divendres, 30 d'octòbre

Jòrdi Coste

Dimècres, 23.9.2020 03h00

Tauromaquia e occitan


Comentaris 15 comentaris    
Dolent Fluix Bo Molt bo Fabulós (6 vòtes)
carregant En cargament


Corsa landesa a Mauborguet (Ribèra Baisha)
© Poudou 99 / Wikimedia commons




Abans la covid, passèri de vacanças al colcant d’Occitània, del caire de Castèl Jalós, Grinhòls, Cocut Mont... Alai, amai pus al miègjorn dins Landas, se i trapan sovent d’arenas. Alara una soscadissa me venguèt pel cap: me metèri a far un parallèl entre la tauromaquia e la lenga nòstra. Dins los dos cases, avèm de mond favorables, de mond que fan empach, mas sempre la discutida es afogada.
 
Me soveni d’una anecdòta que, coma la darrièra, se debanèt del temps qu’èri jove. Fa bèl brieu mas ça que la soi pas tan vièlh! Aviái doncas un oncle occitan (lo marit d’una tanta mieuna, èra d’Armanhac) que presava las idèas occitanistas; voliá que nòstre país foguèsse enfin liure e aquò’s el que foguèt lo primièr que me faguèt realizar aquò. Coneissiá un pauc lo regent de sa comuna (del centre d’Occitània ont demorava) que, el, èra un fotut jacobin qu’aviá la marrida costuma de picar suls dets dels escolans que vos sortissián sens o far exprès un “je me le suis mangé” o “ça sent à l’ail”.
 
Vos podètz doncas dobtar que los dos òmes se lançavan dins de bèlas discutidas a non pas acabar, e plan segur arribavan pas jamai a se convéncer l’un l’autre. Mas tenètz-vos plan: sempre escambiavan en lenga nòstra!!! Èra pro risolièr d’ausir lo regent ultrajacobin, antioccitanista, s’escridar (en version originala): “Mas mon paure, avèm pas besonh del patoàs! De qué nos venes far cagar a nautres los joves! L’avenir, aquò’s lo francés! Tòrna dins ton trauc del temps que io agachi davant!” E, a cada còp, tot aquò fenissiá al torn d’un brave repais amb de bon vin de Caurs (o qualque còp de Galhac...).
 
Moralitat: los “per”, los “contra”, fasián tots servir la lenga. Fagam la meteissa causa quora o podèm!
 
Mas me pèrdi un pauc dins mos sovenirs... Ara tòrni al sicut de la tauromaquia. Es, coma la practica de l’occitan, quicòm qu’es mespresat pel centralisme parisenc urban e globalizador. La tauromaquia e l’occitan son totes dos menaçats de desaparicion, l’una pels defenseires d’una natura alisa, sense sang, ont cal pas tocar la mendra bestiòla, l’un pels defenseires d’un paisatge lingüistic unifòrm. Alara, sense voler estar iperlocalista, disi òsca als que luchan contra la globalizacion!
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

24 de setembre 00.21h

#14 lo buòu, es òbvi, es un simbòl masclista (masculinitat toxica), donc diriái que de non, lo paratge non se deu far amb aquel animal


Valora aquest comentari:   votar positiu 6   votar negatiu 4
Respondre comentari replica Comentari inadequat   Formulari d'abús de comentari

23 de setembre 20.30h

Pr'aquò sai pas se i aviá un paratge amb los buèus. N'i a qu'o sabon?


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

23 de setembre 20.30h

#12 ah verai, Òsca alara!


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

23 de setembre 18.28h

#11 èra una galejada, segur que lo pòble d'Òc es naturalament d'esquèrra


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

23 de setembre 17.52h

#9 Aquò qu'ei en contradiccion dab la cultura occitana deu paratge.


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

23 de setembre 17.51h

#9 racista!


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

23 de setembre 17.11h

#5 Ieu siái còntre l'acuèlh massís de refugiats es que Jornalet me pòt daissar escriure una cronica subre aquò per presentar mos arguments ?


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

23 de setembre 17.06h

L'article pòrta sus la tauromaquia e es illustrat per una fòto d'escartaires.
En cambi, los comentaris parlan mai que mai de corrida, coma per tornar sus una vièlha sansònha facila a cantar.
La tauromaquia landesa e camarguesa, "la fe di biòus", ieu aviái comprés qu'aquel article simpatic evocava aquò.
Es una tematica al dintre de la cultura occitana e de sa literatura.


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

23 de setembre 16.51h

Xptdr en lo son argumentari sus l'animalisme, Jornalet que ditz : " los combat devon aver d'objectius realistas ". Tanben jornalet : l'occitan que deu tornar préner la plaça deu francés en Occitània tota, visca la Republica catalana,bindependéncia d'Occitània! Hahaha


Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

23 de setembre 15.37h

Jornalet a ja pres posicion fermament: https://www.jornalet.com/editorial/2775/lo-debat-animalista


Valora aquest comentari:   votar positiu 2   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Jòrdi Coste

Jòrdi Coste logo rss

Simple apassionat de la lenga nòstra, l’ai apresa tot solet mas non pòdi la practicar facilament perque vivi a París

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions