CAPÇALERA: Eth Ligam occitan Youtube

Jornalet, gaseta occitana d'informacions

Dijòus, 13 d'agost

Jòrdi Coste

Dimenge, 5.7.2020 03h00

Testimoniatge en favor d’un occitan estandard


Comentaris 30 comentaris    
Dolent Fluix Bo Molt bo Fabulós (42 vòtes)
carregant En cargament


Plaja de Moliets e Mar




Aqueles darrièrs meses, avèm pogut remarcar, sus Jornalet coma sus Facebook amai, bensai, dins d’autres luòcs, una explosion d’atacs per part d’una pichona còla de “tròls”, sempre los meteisses, d’alhors, que sevisson dins un mitan estrech, pauc dobèrt. Los tròls aqueles, non los anam nomenar per non pas lor far brica de reclama, mas se dison gascons per la màger part.
 
Mas, vièch d’ase! De qué son aqueles fotuts gascons que non son pas fotuts de far viure la lor lenga normalament e dignament, sens ges de diglòssia! Al luòc de venir far cagar los autres occitans (eles non se creson occitans, mas enfin, o son, qu’o vòlgan o non) que, almens, òbran per far avançar la causa de la lenga e de la nacion nòstras.
 
Tot aquò me rampèla una istòria que m’arribèt del temps qu’èri mai jove, vos ne vau far lo raconte.
 
Deviá èsser per las annadas ochanta. Anàvem en vacanças a Moliets e Mar (un nom a cent del cent occitan, cal èsser òrb per o veire pas). Mons paires non avián pas jamai agut costuma de nos parlar en occitan, a ma sòrre e a ieu, a mai sabiái que tenián la lenga dins l’aurelha (lo papet e la mameta, eles, segur lo parlavan). Èrem doncas a nos rostir sul bòrd de la Mar Granda quora un òme se metèt a dire qualques mots en occitan (gascon) local. Non me remembri mai de qué se trachava, mas còp sèc lo paire se metèt a li contestar en son occitan montpelhierenc. E parla que te parla, entamenèron una discutida en occitan, cadun dins la sieuna varietat, sensa que pausèsse brica de problèma. D’efièch, parlavan totes dos una lenga unenca, non se’n avisavan, e la fasián viure sensa emmerdar degun.
 
La diversitat dialectala es un tresaur, es vertat, es benlèu una bona causa que de lingüistas s’i clinen se lor agrada d’estudiar aquel sicut (cal de tot per far un mond!), mas amb un estandard amb una difusida larga, non auriam aqueles problèmas. L’estandard es quauquarren de mai simple e non còsta res de l’apréner e non es necite de se carpinhar de contunh. Personalament non sabi vertadièrament se l’estandard pluricentric es lo melhor, es interessant, mas ja podèm ensajar d’espandir un estandard occitan central/larg pertot e per totes.
 
E totes los occitans se foguèsson comportats coma lo paire amb l’autre òme, l’occitan seriá ara-meteis la nòstra lenga unenca de comunicacion, benlèu quitament la lenga oficiala del país. Bon, non disi ça que la que seriá estada independenta la nacion...
 
 
 
 
abonar los amics de Jornalet
 
 


 



publicitat
BANER1: Amics campanha covid



Comentaris

13 de julh 19.54h

#29 Hilh qu'avetz arrason nosautis Gascons non volem pas e non parlaram pas jamès lengadocian pormor que n'ei pas era nosta lenga , eth parlar Gascon qu'ei ua i auta lenga pròcha deth "occitan" mès ua i auta lenga etsemple eth Italian e'th Espanhou ( eth Castelhan qu'ei ua lenga italica ) que son lengas pròchas mès duas lengas differentas pareilh entath Gascon e Lengadocian e non cau pas diser que nosautis disem òc coma en eths autes parlars d'òc entà diser oui que seré entad aquet... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

10 de julh 17.45h

Non volem pas parlar lengadocian e n'at parleràm pas. Que parlam e que parleràm gascon. Adishatz!


Valora aquest comentari:   votar positiu 6   votar negatiu 13
Respondre comentari replica Comentari inadequat   Formulari d'abús de comentari

10 de julh 11.09h

#26 Es fòra subjècte. Per tal que se parla de la meteissa lenga.

Mas s'òm vòl argumentar se pòt dire que :

Una varietat referenciala es pas una prescripcion, es un esplech, una referéncia estandard, es quicòm de banal. Se l'ensenhaire a idèa d'ensenhar la varietat locala o pòt ben far, e mai n'i a de braves qu'o fan plan coma cal. Se i a un problèma de transmission e d'ensenhament dels parlars occitans locals es ren que per çò que i a un problèma de transmission e d'ensenhament ... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de julh 16.32h

#22 Sufisse de legir li declaracions d'intencions que d'unu faguèron li a quaucu ans, denant que comencésson la sieu "recèrca" d'un occitan estandard per capir que confondètz doi cauas diferenti.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 de julh 16.22h

"ensenhar la lenga a de jovenòts que vòlon pas necessàriament parlar lo parlar local dels 60km a l'entorn" > vòlen pas apréner la lenga de son, e donc lesi fau ensenhar una lenga d'alhors ? Lo francés aconvèn bien pr'acò.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

8 de julh 19.44h

#24 Arregardatz aqueths pretenduts "joens gascons" qui non son pas joens. Per contra que son tròls antioccitanistas.

https://www.instagram.com/sanchezarrazau/?hl=fr

https://thumbnailer.mixcloud.com/unsafe/160x160/tmp/c/b/4/c/2021-8b6d-4ae2-b032-9e9e99ec4fcd

https://www.institut-bearnaisgascon.com/wp-content/uploads/2017/07/P6130290.jpg

https://www.institut-bearnaisgascon.com/gascon-et-occitan-2/


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

8 de julh 10.39h

#23 Soi d'acòrdi amb çò que ditz Sasha exceptat sus un ponch. ***Aquels tròls son pas especialament joves.*** Dins lor petita còla, n'i a tanben que son vièlhs, n'i a qu'an los pels blancs, sufís de los regardar sus Facebook. :D :D :D


Valora aquest comentari:   votar positiu 11   votar negatiu 1
Respondre comentari replica Comentari inadequat   Formulari d'abús de comentari

8 de julh 09.40h

Un estandard, lo nom o ditz, aquò servís pas per se comunicar a la plaja entre un lengadocian e un gascon.
Lo fach de se comunicar dins sa varietat abituala amb qualqu'un de luènh que a una varietat un pauc diferenta caldriá que foguèsse normal. Coma o ditz Felip Martèl se se fa pas es per encausa de representacions imaginàrias.

Ara l'estandard servís per donar una responsa aisada e rapida a qualques problèmas precises. Per exemple, ensenhar la lenga a de jovenòts que vòlon pas nec... Legir la seguida


Valora aquest comentari:   votar positiu 10   votar negatiu 1
Respondre comentari replica Comentari inadequat   Formulari d'abús de comentari

7 de julh 00.03h

#21 "lo camin d'una lenga comuna referenciala mai rica, que non auria fach tant de problemas qu'una lenga estandard"

Una "lenga comuna referenciala" es exactament la mesma chausa qu'una "lenga estandard".


Valora aquest comentari:   votar positiu 7   votar negatiu 4
Respondre comentari replica Comentari inadequat   Formulari d'abús de comentari

6 de julh 11.11h

L'anecdòta cuntada dins l'article non dona l'exemple d'una "lenga unenca" ma l'exemple d'una "lenga comuna". En viatjant (per de rasons professionali) dins un caire e l'autre dau relarg occitan, es una situacion dins la qual mi retrobèri sovent.
Ai totjorn pensat que lo desvolopament d'aqueu tipe de comunicacion podia èstre lo camin d'una lenga comuna referenciala mai rica, que non auria fach tant de problemas qu'una lenga estandard. Question d'estrategia...


Valora aquest comentari:   votar positiu 8   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1
-
2
-
3 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Jòrdi Coste

Jòrdi Coste logo rss

Simple apassionat de la lenga nòstra, l’ai apresa tot solet mas non pòdi la practicar facilament perque vivi a París

mai d'informacions

contactar l'autor

Las mai...

Archius




D'autres articles


Jornalet, gaseta occitana d'informacions