CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 21 d'agost

Zep Armentano

Dimars, 21.8.2018 03h00

Asia Argento, ua votz criminalizada en un #MeToo generalizat


Comentaris Un comentari    
Dolent Fluix Bo Molt bo Fabulós (11 vòtes)
carregant En cargament


Asia Argento denoncièc publicament a Harvey Weinstein per viòl pendent era ceremònia de clavadura deth hestenau de Canes. Ara es notícies expliquen qu'era paguèc eth silenci d’un actor que la volie denonciar ada era tanben per secutament sexuau
© Reuters




Etiquetas
armentano, cinèma. asia argento, metoo, secutament sexual

Eth 19 de mai passat, era actritz Asia Argento denoncièc publicament a Harvey Weinstein per viòl pendent era ceremònia de clavadura deth hestenau de cinèma de Canes. Ara, totun, es darrères notícies expliquen qu’aquera madeisha actritz paguèc eth silenci d’un actor que la volie denonciar ada era tanben per secutament sexuau hè cinc ans, quan eth ère un gojat de 17 ans.
 
“Se bèth còp vos an atacat o secutat sexualaments escriuetz «jo tanben» coma arresponsa d’aguest tuit” damb aguesta shiulada de Twitter començaue en octobre passat era campanha feminista mès globau der an, coma supòrt as victimes der  escàndol Harvey Weinstein.
 
 


Era campanha #MeToo espelic damb succès e metec de manifèst era inefectivitat des sistèmes judiciaris de pertot. De soslinhar er ahèr nomentat “La Manada” en estat espanhòu, a on es jutges condemnèren a cinc òmes per abús sexuau mès non pas per viòl, pr’amor qu’era joena violada non aurie mostrat cap de resisténcia. Es hilats sociaus ressonèren damb indignacion damb es eslogans “Non ei non” e “Jo si que te creigui”.
 
Ara, aguest darrèr escàndol que senhale a Asia Argento non pas precisament coma victima ei arribat as mèdies de comunicacion entà deslegitimar ara actritz mès non deslegitimarà eth movement. En sonque ueit ans Hollywood a cambiat eth corporativisme barrat per uns estandards de justícia sociau. Quan Polanski siguec acusat d’abusi sexuaus en 2009, artenhèc d’amassar un pialèr signatures entà sostier-lo, dont mantues provientes de persones plan coneishudes coma Pedro Almodóvar, Alejandro González Iñárritu e tanben era quita Asia Argento.
 
Mès eth Mond a cambiat, coma era nòsta filosofia. Hollywood ei vengut intransigent contra es sòns. Aguest Calabrun des Dius ei eth Hollywood contemporanèu a on i a sonque dues posicions en çò que tanh ar escàndol e fòrça pression entà hè’c, remòir eth guinhauet ena herida, esglachar ad aqueres ancianes glòries individualaments, ei era manèra de hèr eth camin en nau Hollywood. 
 
E eri son a mercar era rapida neishença d’ues naues valors corporatiues que non cau pas negligir. Es hilats sociaus de Hollywood se revisen a hons entà trobar eth darrèr escàndol. Per exemple James Gunn siguec hòrabandit recentaments coma realizaire de Guardians of the Galaxy 3 en seguida d’ues publicacions en Twitter d’umor nera sus es casi de pedofilia de 2008 e 2009. Dit d’ua auta manèra: es estudis AN PÒUR dera opinion publica.
 
Per aquerò, sense hèr-les a creir qu’es twittaires van a desarrigar es mejans de produccion, vos convidi qu’entretz enes convèrses se credetz qu’un realizaire merite èster objècte de veto pes sues valors individuaus, coma ei eth cas de Woody Allen o deth tanben denonciat Louis C. K. Se pòt organizar e seram mès que mès capinauti de júnher era protèsta. Açò marche. O dilhèu eth sòn cap er objècte de veto. Veiram ben.
 
 
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

24 d'agost 22.04h

Asia Argento, l'asaigaira asaigada ? Sèxe, messorgas e video, es de longa estat l'ordinari del mond cinematogragfic en general e d'Hollywood en particular. Saique las Marilyn e las Bardot èran pas d'aucas blancas e saupèron colcar "utile" per venir las stars que venguèron. Coma o faguèt Asia Argento en tota coneissènça de causa. E puèi un cop qu'om es una star om se torna fai una verginitat en cridant al lop. En doblidant que lo mai manipulator dels dos es pas totjorn aquel qu'om pensa... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Zep Armentano

Zep Armentano logo rss

Licenciat en comunicacion audiovisuau e passionat deth cinèma

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions